بعد مرور يومين من عمل ريم بالمستشفى
في مستشفى الدكتور يزيد..
بداخل قسم الأسنان وبالأخص في عياده الدكتوره اسماء
على الكرسي يجلس مريض كبير في السن
ريم موجها كلامها للمريض : ممكن اعرف حضرتك بتشتكي من ايه.؟
المريض بيشاور بايده على مكان الألم : عندي ألم فظيع في الضرس الاخير ده
ريم بعمليه : طيب ممكن تفتح بوقك عشان اشوف فيه ايه
وبالفعل المريض بيسمع كلام ريم وبيفتح فمه
ريم بتوجه ضوء الكشاف على فم المريض و بتمسك أداه لتساعدها في الكشف
ريم موجه كلامها للدكتورة اسماء : بصي كده يا دكتوره اسماء في تسوس كبير في الضرس
دكتوره اسماء بتمسك الاداه من ريم وبتاخد دورها في الكشف على المريض : ايوه فعلاً
(الدكتوره اسماء 28 سنه محجبه وملتزمه جمالها هادئ، جاده و شاطره جدا في عملها والكل بيحبها ويحترمها )
اسماء بتبدأ تشرح للمريض حتعمل ايه في اسنانه
وتبدأ بالعمل في أسنان المريض و ريم بتساعدها و هي بتلاحظ كل شيء بتعملها اسماء بدقه واهتمام
وبعد فتره انتهت اسماء من علاج ضرس المريض
اسماء بابتسامه لطيفه: كده احنا خلصنا انا عملتلك حشو مؤقت للضرس و ميعدنا كمان يومين حنعمل حشو نهائي واتمنى اكون ما تعبتش حضرتك
المريض بضحك : متشكر جدا ليكي يا دكتورة دانا اول مره اعمل حاجه في سناني و ما احسش بألم دانا حبيت دكاتره الأسنان بسببك
ريم واسماء بيضحكوا
اسماء بتمد ايديها بورقه للمريض : ربنا يخليك يا فندم ده من ذوق حضرتك، اتفضل ده اسم مسكن لو حسيت بالم خد منه.
وبيخرج المريض من العياده
اسماء : على فكره ياريم انتي شاطره جداً وبتتعلمي بسرعه و كفايه انك بتفهميني من غير ما اتكلم و حيبقى ليكي مستقبل عظيم هنا في المستشفى
ريم بفرحه : بجد يا دكتورة اسماء دي شهادة اعتز بيها.
اسماء : ما قولنا بقى بلاش دكتوره دي هي اسماء وبس وعشان انا حبيتك قوليلي سمسمه
ريم بتضحك : ماشي يا سمسمه
اسماء : المريض اللي حيدخل انتي اللي حتكشفي عليه
ريم : تمام
ريم مع الدكتوره اسماء عاملين ثنائي ممتاز في بينهم كمياء بيفهموا بعض بسرعه وده بان من اول يوم شغل مع بعض
في عياده الدكتور طارق
طارق مشغول في الكشف على مرضاه و وكتابه الوصفات الطبيه وتحديد مواعيد عملياتهم
أنت تقرأ
القاسم
عاطفيةيعيش حياه مزدوجة في الصباح طبيب أسنان ماهر الكل يشهد له بالالتزام ولكن عندما يأتي المساء يصبح انسان متهور لا يخشى شيء بني اسواراً من حديد حول قلبه حتى لا يدخله احد فهل ستأتي من تخترق أسوار قلبه العاليه...؟
