القاسم

13

في صيدلية شيماء..

شيماء قاعده كعادتها في الصيدليه بتاعتها بتصرف الأدوية و المنتجات الطبيه
وفي نفس الوقت كانت في انتظار الأدوية الناقصه اللي حيجيبها آدم

مر وقت طويل على شيماء وهي في الصيدليه وجاء ميعاد خروجها عشان تروح وتلحق ميعاد الغداء مع اخواتها.

شيماء لدكتور بيساعدها في الصيدليه : انا ماشيه يا دكتور سامح و في طلبيه ادويه لو جات استلمها انت لاني مش جايه تاني الصيدليه انهارده

خرجت شيماء من الصيدليه وعلي وشها ملامح الضيق و بتكلم نفسها : شخص مستهتر مش بيحترم مواعيده

فتحت شنطنتها بعصبيه وطلعت منها مفاتيح عربيتها.
وفجأه ظهر ادم قدام شيماء بطلته المهلكه للاعصاب كان لابس بدله كحلي من الماركات العالميه المعروفه ونظاره شمس بتخفي عيونه السود وعلي وشه ابتسامه خفيفه مبينه غمازته الوحيده

ادم بدون مقدمات : انا اسف جدا على التأخير يا دكتورة شيماء

شيماء برقت عنيها من الخضه ورجعت خطوه لوراء : استاذ آدم.

آدم شال النظارة من علي عيونه و نظرات الاسف باينه علي وشه : عامله إيه يا شيماء قصدي يا دكتورة شيماء

شيماء باستغراب : الحمد لله بخير

آدم : انا عارف اني اتأخرت عليكي بس صدقيني غصب عني

شيماء بجديه : لا مفيش مشاكل ولا يهمك يا استاذ آدم

آدم : انا جاي اسلمك الادويه اللي كانت ناقصه من عندك

شيماء بتبص في ساعتها : اه طبعاً اتفضل في الصيدليه

رجعت شيماء و معاه آدم للصيدليه مره تانيه

آدم : عربيه الأدوية جايه ورايا هما السبب في تأخيري

شيماء بتشاور على كرسي : طيب اتفضل تحب تشرب ايه في امريكان كوفي و شاي اخضر

آدم : حأخد كوفي

اتجهت شيماء لماكينه صنع القهوه و عملت كوبيتان قهوه ليها ولآدم

شيماء بتمد ايديها بالقهوه لآدم : اتفضل يا أستاذ آدم

آدم اخد القهوه وشرب  منها  : تسلم ايدك يا دكتورة شيماء

شيماء بابتسامه رقيقه : ميرسي

آدم سرح في ابتسامتها ورقتها للحظه و رجع لنفسه بسرعه وافتكر هو جاي ليه فتح الشنطه بتاعته و طلع منها شويه اوراق ونظارته الطبيه اللي لبسها وبص لشيماء بكل عمليه: دي معظم الادويه الناقصه اللي قولتيلي عليها

شيماء اخدت الاوراق من آدم وبدأت تقرأ اللي فيه : بس في ادويه مهمه جداً مش موجوده

أدم : للأسف معرفتش اوفرهالك في الوقت الحالي بس اوعدك ان في خلال أسبوع حتكون عندك