بعد مرور يومين..
مفيش فيهم أحداث جديده
قاسم و ريم في خلال اليومين دول كان عندهم حالات كتير جداً
لان بمجرد ما تم الإعلان عن عمل قاسم بمستشفى دكتور يزيد بدأت الحالات اللي كانت متابعه معاه في مركز الاسنان تروح له المستشفي.
في عياده قاسم..
ريم وقاسم بيشربوا القهوه بعد انتهاء يومهم الشاق
ريم بتعب : انا كنت معتقده ان الشغل مع الدكتوره اسماء متعب بس الشغل معاك قاتل انا مش حاسه برجلي من كتر الوقفه
قاسم بيحط فنجان القهوه علي المكتب وبيضحك : انا سألتك في اول يوم شغل لينا مع بعض انتي مستعده للشغل معايا وانتي قولتي ان شاء الله
ريم بتسرح في ضحكه قاسم الجاذبه وبتبتسم له : ما انا مكنتش اعرف انها حتبقي كده
قاسم بغرور : انتي لسه شوفتي حاجه دي البداية بس
ريم : كل الحالات دي والبدايه بس
باب عياده قاسم بيتفتح فجأه بدون استئذان
وبيدخل منه خالد وعلي وجهه ابتسامه عريضه،
خالد : مساء الفل علي احلي دكاتره
قاسم : مساء الزفت على دماغك مش تخبط قبل ما تدخل يا بني آدم
ريم بتبرق عنيها وعلامات الاندهاش بتبان على وشها من رد قاسم علي خالد و بتحط ايدها على بوقها
خالد بيسحب كرسي وبيقعد و بيبص ريم : لا لا متتخضيش انا متعود من قاسم علي طوله اللسان، ده العادي بتاعوا.
ريم بتبص لقاسم : انتم تعرفوا بعض
قاسم : للأسف اه
خالد بيمثل الزعل: بقي كده يا كوكو ده انا خلودي حبيبك
قاسم بيقوم يقف ويمسك خالد من دراعه ويقومه : طب يلا يا خلودي يا حبيبي اتفضل علي عيادتك شوف المرضي بتوعك
خالد بيرجع يقعد تاني علي الكرسي : لاااا مرضي مين انت من ساعه ما جيت المستشفي و انا قاعد فاضي
وبيوجه نظره لريم وبرقه : بقى ينفع كده يا دكتوره تاخدوا كل المرضي وانا باقي الزملاء في القسم نقعد من غير شغل
ريم بعفويه : لا طبعاً ما ينفعاش
قاسم : انت يا بني آدم جاي لحد عندي و بتقر عليا
خالد بطريقه مضحكه : لا انا مش بقر عليك انا بحسدك بس
ريم بتضحك بصوت علي طريقه خالد وكلامه وضحكتها بتلفت انتباه قاسم و خالد.
خالد بيبص لريم بعيون هيمانه وبرقه: وانتي عامله ايه يادكتوره ريم
ريم بابتسامه : انا الحمدلله بخير
أنت تقرأ
القاسم
Romanceيعيش حياه مزدوجة في الصباح طبيب أسنان ماهر الكل يشهد له بالالتزام ولكن عندما يأتي المساء يصبح انسان متهور لا يخشى شيء بني اسواراً من حديد حول قلبه حتى لا يدخله احد فهل ستأتي من تخترق أسوار قلبه العاليه...؟
