بعد مرور يومين..
أمام احد المحلات المشهوره و المتخصصة في بيع جميع أصناف القهوه..
قاسم واقف بعربيته بيشتري قهوه له
وكابتشينو لريم، وجاب معاهم قطعتين كرواسون
قاسم في ايده كوب الكابتشينو وبيديها لريم اللي قاعده في العربيه : اتقضلي ياريم.
ريم بابتسامه : شكراً يا قاسم
قاسم ركب عربته وفي ايده كوبايه القهوه بتاعته و بيشرب منها : ايه رأيك في الكابتشينو، عجبك؟
ريم بعد ما شربت منه : حلو اوي تقريبا احلي كابتشينو شربته في حياتي مظبوط كده و القهوه اللي فيه ليها نكهة خاصه.
قاسم بنظره كلها عشق : زيك كده ليكي نكهة خاصه .
ريم اتكسفت و رجعت تشرب من الكابتشينو بتاعها.
قاسم : ريم
ريم التفتت لقاسم : نعم
قاسم ضحك لما ريم بصتله
ريم باستغراب : بتضحك ليه؟
قاسم بيضحك : اصل انتي طلعلك شنب استني امسحهولك
قاسم مد ايده و بدأ يمسح لريم رغوه الكابتشينو من علي شفايفها
وبمجرد ما ايد قاسم لمست شفايف ريم حس برعشه لذيذه حبها، عشان كده قصد انه يطول في لمسته ليها.
ريم كمان حست باحساس مختلف دقات قلبها زادت وانفاسها عليت و حست بسخونيه في خدودها
لمسه واحده من قاسم خليتها في دنيا تانيه لا حاسه بمكان و لا زمان.
قاسم بعد ايده عن ريم بعد ما شاف تأثير لمسته عليها فكل مره قاسم بيتاكد من حب ريم ليه مع انها لحد دلوقتي ما صرحتش بالحب ده بس كل ردود أفعالها بتبين حبها
قاسم ابتسم و مسك ايد ريم و باسها بوسه رقيقه : بحبك يا ريم
ريم كانت مرتبكه و مكسوفه عشان كده غيرت الموضوع : هو انت ليه بتشرب قهوتك ساده
قاسم بيضحك بقوه لانه فهم ان ريم بتغير الموضوع عشان مكسوفه : يعني اتعودت وبعدين بحب استمتع بيها وهي بيور كده من غير إضافات، وأحيانا بشربها مظبوط حسب مودي (مزاجي)
ريم : انا حاولت اشربها من غير سكر بس معرفتش
قاسم مد ايده بكوبايه القهوه بتاعته لريم:طيب جربي كده
ريم اخدت من قاسم الكوبايه وشربت منها
احساس مختلف طعم القهوه كمان مختلف ريحة القهوه كانت مختلطة بريحه برفان قاسم
ريم شربت منها وغمضت عيونها.
قاسم بثقه : عجبتك صح!
ريم بتوهان : ها.. اه اه حلوه اوي.، ورجعتله تاني الكوبايه
أنت تقرأ
القاسم
Romanceيعيش حياه مزدوجة في الصباح طبيب أسنان ماهر الكل يشهد له بالالتزام ولكن عندما يأتي المساء يصبح انسان متهور لا يخشى شيء بني اسواراً من حديد حول قلبه حتى لا يدخله احد فهل ستأتي من تخترق أسوار قلبه العاليه...؟
