قاسم رجع على بيته بعد ما انتهى السبق و بعد ما خلص احتفال 🎉 مع أصحابه بفوزه
دخل اخد دش بارد ولبس هدوم بيتي مريحه
و اتجه للمطبخ و فتح الثلاجة واخد منها شويه فاكهة وبدأ ياكل منها
وهنا رن تليفون قاسم
قاسم : الو ايوه يا ساندي
ساندي برقه : ايه يا قاسم سبتنا كده ومشيت من غير ما تقول
قاسم : معلش يا ساندي كنت محتاج ارتاح شويه
ساندي : خلاص ارتاح براحتك خاااالص بس ماتنساش احنا انهارده متجمعين عند لوچي في الكافيه الجديد بتاعها عزمانا كلنا بمناسبه opening ( الافتتاح)
قاسم بيحاول يقصر في الكلام مع ساندي : اوكي يا ساندي ابعتلي اللوكيشن بتاع الكافيه. .
ساندي : ok حبعتهولك حالا
قاسم : تمام اشوفك بليل في الكافيه.
ساندي برقه : ok see you, bay. (اشوفك باي)
قاسم انهي المكالمه مع ساندي وراح نام على الكنبه وشغل التليفزيون وبدأ يغير في القنوات بملل .
في البيت عند ريم....
حسن مذهول من موافقه ريم على سافره
حسن بذهول : ايه.. بتقولي ايه اسافر وانتي؟
ريم بجديه : بص احنا حنعمل اتفاق صغير
حسن : اتفاق اتفاق ايه؟
ريم : زي ما انا وفقت على سفرك انت كمان توافق على سفري.
حسن : سفرك وانتي عايزه تسافري فين بقى ان شاء الله؟
ريم : انت مااخدش بالك امبارح من كلامي انا كنت مقدمه على شغل في مواقع التوظيف اللي انت قولتلي عليها و بعتولي اني اتقبلت في مستشفى كبيره اوي في القاهره والانترفيو كمان كام يوم
حسن : ممم وانتي بقى عايزه تسافري وتقعدي في القاهره لوحدك
ريم : كلامك ده على اساس انك لما تسافر دبي مش حتسيبني هنا لوحدي
حسن : ايوه بس على الاقل حتبقى بين جيرانا واهلنا
ريم بسخريه : أهلنا وجيرانا وهما فين أهلنا دول اللي بتقول عليهم دول من بعد وفاة بابا الله يرحمه محدش سأل فينا ولا عبرنا حتى بتليفون
حسن : بس برضه ماينفعش تروحي تقعدي لوحدك وانتي متعرفيش حد هناك
ريم : انت نسيت ان اصحابي من الكليه كانوا من القاهره و كمان قرايب ماما عايشين هناك يعني مش حبقي لوحدي
حسن سكت وبدأ يفكر في كلام ريم
ريم : ها قولت ايه وافق والنبي ياحسن دي فرصه حلوه ليا وبعدين انا حبقي تحت التمرين يعني حكتسب خبره
أنت تقرأ
القاسم
Romanceيعيش حياه مزدوجة في الصباح طبيب أسنان ماهر الكل يشهد له بالالتزام ولكن عندما يأتي المساء يصبح انسان متهور لا يخشى شيء بني اسواراً من حديد حول قلبه حتى لا يدخله احد فهل ستأتي من تخترق أسوار قلبه العاليه...؟
