بدايه الليل للقاسم هي بدايه جنونه و تهوره
امام أكبر وأشهر ديسكو بأرقي مكان بالمحروسه
قاسم بيوقف بموتسيكيل ( الريز) وبيركنه وينزل من عليه
وبيدخل الديسكو وهو في قمه ثقته بنفسه وغروره
وهنا بقى بنشوف حياه قاسم من الجانب التاني؛ حياه كل شيء في مباح
مفيش وجود لكلمه عيب او حرام او حتى كلمه لا.
بنلاقي مجموعه شباب وبنات من اغني و أشهر عائلات البلد متجمعين وبيرقصوا على أصوات الاغاني الأجنبي العاليه جداً لدرجه ممكن تصيبك بالصمم
اول مابيشوفوا قاسم بينادوا عليه وتبدأ السلامات مابينهم
البنات بتجري على قاسم وبتبوسوا
والشباب بيسلموا عليه السلام الرجولي بالايدي
آدم بصوت عالي : قاسم ايه يا صاحبي ديماً متأخر السهره بدأت بدري انهارده
(آدم صاحب قاسم من حوالي ثلاث سنوات ابن صاحب أكبر شركه ادويه شخصيه مرحه جداً وبتاع بنات طويل بشرته قمحيه عنده غمازه واحده عيونه سود ليه نظره تدوب احلى بنت )
قاسم : معلش اتاخرت في الشغل انهارده شويه
ساندي : ياما نفسي اعرف بتشتغل ايه
(ساندي بنت راجل من رجال الأعمال المعروفين عيونها خضراء شعرها ذهبي كيرلي وشبه عارضات الازياء جرئيه جدا)
آدم بهزار : انا حاسس انك شغال تاجر مخدرات ومش عايز تقول لو كده قول واحنا ننفعك بدل ما نجيب من الغريب
قاسم : يهمكم في ايه انا بشتغل ايه
ساندي بدلع: احنا نعرفك من اكتر من سنتين ومنعرفش عنك حاجه غير اسمك بس ولانعرف بتشتغل ايه ولا ابن مين
آدم بيحط ايده على كتف قاسم : انا لو عايز اعرف عنك كل حاجه حااعرف بطريقتي بس سايبك براحتك يا قاسم
قاسم بدأ يتعصب: ما تشغلوش دماغكم انتم بس بيا و بشغلي
ساندي : خلاص خلاص يا قاسم يلا بينا عشان نلحق السهره ده البروجرام النهارده يجنن
و تبدأ السهره من جنون ورقص وغناء وكل شيء مباح في سهرتهم دي
الساعه الثانيه صباحاً في البيت عند ريم
ريم قاعده في الصاله على الكنبه وجنبها روميو وفي ايدها كوب كاكاو سخنه وبتتفرج على فيلم رعب في التليفزيون وباين على وشها علامات الخوف
حسن بيتسحب من وراء الكنبه و بيطلع مره واحدة وبصوت عالي : رييييييم
ريم بتتخض وبتقف على الكنبه وترمي كوبايه الكاكاو السخنه على حسن
حسن بألم : ايه الغباوه دي ياريم الكاكاو سخن اوي
ريم : ما انت اللي خضتني تستاهل روح غير هدومك وتعالي كمل معايا الفيلم عشان انا خايفه اوي
أنت تقرأ
القاسم
Romanceيعيش حياه مزدوجة في الصباح طبيب أسنان ماهر الكل يشهد له بالالتزام ولكن عندما يأتي المساء يصبح انسان متهور لا يخشى شيء بني اسواراً من حديد حول قلبه حتى لا يدخله احد فهل ستأتي من تخترق أسوار قلبه العاليه...؟
