مع شروق شمس يوم جديد
في بيت ريم..
ريم صحيت وهي في قمة نشاطها و حيويتها دخلت المطبخ وبدأت في تحضير كل ما لذ و طاب وكل ما يصلح لوجبه الفطار.
.
وبالرغم من توترها بس كانت سعيده
كانت بتحضر الاكل بحب و اتقان ،وكانها داخله مسابقه دوليه في إعداد احسن وجبه إفطار.
السفره كانت عامره باصناف كتير بس الفول بالسدق كان البطل الرئيسي
و مع آخر طبق ريم حطيته علي السفره كان جرس الباب بيرن
ريم كانت ملهوفه و هي بتجري على الباب عشان تفتح،
فتحت باب الشقه و ظهر قاسم بطلته اللي بتدوبها.
هدومه برفانه نظاره الشمس اللي بتخفي عيونه حتي وقفته و ابتسامته
كل دول بيخلوا ريم تدوب فيه اكتر واكتر زي حته السكر
قاسم لاحظ نظرات ريم اللي كلها عشق
نظره ماشفهاش في عيون اي بنت
عيون ريم كانت بتصرخ بعشق قاسم.
قاسم : حافضل واقف كده كتير
ريم بتوتر : لا طبعاً اتفضل
قاسم دخل وكان في ايده شنطه كبيره و شويه شنط صغيره
حطهم علي اول كرسي قابله جنب الباب
ريم بتشاور بايدها علي السفره : يلا نفطر قبل الأكل ما يبرد.
قاسم عيونه جات على السفره المرصوصه بحرفيه : ايه ده انت عازمه حد تاني غيري علي الفطار
ريم ببراءه : لا والله، انت بس!
قاسم :طب ايه الاكل ده كله احنا اتنين بس
ريم : مش مشكله لو حاجه فضلت ابقي اشيلها في التلاجة.
قاسم : لو حاجه فضلت قولي حاجات حاتفضل انا مش باكل كتير في الفطار
ريم : طيب بس انت اقعد ودوق وقولي إيه رأيك؟
قاسم وريم قاعدوا وبدوأ في الاكل
كان باين علي وش قاسم علامات الإعجاب بأكل ريم
بعد ما انتهي قاسم وريم من الفطار.
ريم شالت الاكل المتبقي بمساعدة قاسم.
تصرفات قاسم كانت غريبه بالنسبه لريم
كان بيتعامل معاها بكل احترام ورسميه ده حتي ما حاولش انه يلمس ايدها او يقولها اي كلمه غزل.
قاسم : شكراً يا ريم علي الفطار
ريم : المهم اكلي عجبك.
قاسم : عجبني ديه شويه انا منبهر بيكي وباكلك.
ريم بسعاده : بجد
قاسم : انا كده اطمنت على مستقبلي
ريم بعدم فهم : ايه علاقه اكلي بمستقبلك؟
قاسم بيغير الكلام : تعالي شوفي جبتلك ايه
ريم اخدت بالها من الشنط اللي علي الكرسي
أنت تقرأ
القاسم
Romanceيعيش حياه مزدوجة في الصباح طبيب أسنان ماهر الكل يشهد له بالالتزام ولكن عندما يأتي المساء يصبح انسان متهور لا يخشى شيء بني اسواراً من حديد حول قلبه حتى لا يدخله احد فهل ستأتي من تخترق أسوار قلبه العاليه...؟
