بداخل مستشفى الدكتور يزيد
دكتور ياسين دخل الغرفه على قاسم و طارق و قطع عليهم كلامهم ومعاه بعض الأوراق و صور الاشاعات اللي عملها لدكتور يزيد وكان على وشه ملامح الحزن
طارق بقلق : خير يا دكتور ياسين ايه الاخبار
دكتور ياسين : انا اسف يا طارق اني حبلغك الخبر ده نتيجه التحليل والاشاعات اللي اتعملت لدكتور يزيد بتبين انه عنده السكر
طارق بصدمه : السكر
ومد طارق ايده لدكتور ياسين : من فضلك وريني التحليل اللي معاك دي
طارق اخد الأوراق من ايد دكتور ياسين وبدأ يفتحها و يقرأ المكتوب فيها
قاسم ظهر عليه علامات القلق و قرب من اخوه عشان يقرأ معاه تقارير التحليل والاشاعات
دكتور ياسين بحزن: والاشاعات كمان مبينه ان عنده مشاكل في الكلى بسبب السكر اللي عنده
قاسم وقد رق قلبه ولأول مره من فتره طويله ينطق كلمه بابا : بس بابا عمره ما اشتكي من حاجه و مهتم بصحته
طارق بعصبته المعهوده : وانت تعرف ايه عن بابا عشان تقول كده ها تعرف اييييه
دكتور ياسين بيحاول يخف من حده التوتر اللي بين طارق وأخوه : اهدي يا طارق
قاسم رجع مره تانيه لجموده وبروده : مرض زي السكر ده بيقي وراثي و احنا معندناش حد في العيله عنده سكر او بيبقى نتيجه عادات صحيه غلط ودكتور يزيد مهتم جداً بصحته واكله.
طارق : او ممكن يكون سببه نفسي ولا ايه يا دكتور ياسين
دكتور ياسين : فعلاً يا طارق وده اللي انا برجحه
قاسم : وايه بقى اللى تاعب نفسيه دكتور يزيد
طارق باندفاع ونبرة صوته كلها اتهام لاخوه : انت هو في غيرك
وهنا حس الدكتور ياسين انه ملهوش مكان في الحوار العائلي ده فانسحب وخرج بهدوء من الغرفه
قاسم بينفخ بضيق وبيمسح وشه بايده : انت عايز توصل لايه يا طارق
طارق : عارف انت عامل ايه في ابوك؟
قاسم ببرود : عامل فيه ايه؟
طارق : انت سبب في حزنه اللي خلاه يمرض، ابوك كل يوم يوصيني اني اكلمك عشان ترجع تعيش معانا في الفيلا تاني و تشتغل هنا في المستشفى دي اللي بعد عمراً طويل لبابا حتبقى بتاعتك
قاسم : بس انا مش عايز ارجع اعيش معاكم ولا عايز المستشفى دي كمان انا بكرهها، عارف يعني بكرهها
طارق : ليييه كل الجحود والكره اللي ماليك ده؟
وهنا خرج قاسم من ثباته وبروده وبدأ في الانفعال و بكل عصبيه و صوت عالي : لييييه انت بتسألني ليه؟ انت مش عارف اللي حصل ولا نسيت و لو انت نسيت فأنا مانسيتش يا طارق.
أنت تقرأ
القاسم
Romantizmيعيش حياه مزدوجة في الصباح طبيب أسنان ماهر الكل يشهد له بالالتزام ولكن عندما يأتي المساء يصبح انسان متهور لا يخشى شيء بني اسواراً من حديد حول قلبه حتى لا يدخله احد فهل ستأتي من تخترق أسوار قلبه العاليه...؟
