ثواب 💜 ( روايات ليبية ) مكتملة

الحلقة 2 💜

ثواب ح 2 ❤
.
.
ثواب وهي تبكي: انا بنتك و حق الله بنتك هي افرح حتى بالكذب شوف اولادك مفيش يوم نتذكر جاك واحد و قالك مبروك ولدك نجح انا البنت يلي ناوي تبطلها جايبة نسبة ترفع الرأس و تخليك تفتخر بيها ( سكتت و خدت نفس و جتها في بالها فكرة ) ولو على الفلوس اهي الكلية قريبة نمشي على كرعيا و كل شهر حيجيك 100 ( بوها جاء تفكير يعني كيف فلوس حتجيبهن و قعد يضرب فيها و امها تحز و هي فكت روحها و قالتله )
ثواب : و الله مش زي ما فكرت انا حنعطي دورات في الكلية و الله هضا يلي فكرت فيه
.
بوها شافلها و سكت بعدين قاللها : تمام موافق بس

قطعت عليه ثواب وهي تعد على صوابعها  : 1 من المدرسة اه قصدي الكلية  للحوش 2 عيونك لوطه لين توصلي 3 ملابس طويله والوان غامقه
بوها : مشاء الله حافظة الدرس تمام بداية كويسة
ثواب : وخوتي
بوها : مدام انا حي هما مدخلهمش بس كان تغلطي تستاهلي ( ثواب متبيش تناقشه و بدات توا عشان متخربش على روحها و امها فرحتلها و اخيرا بنتها حدير شيء هي مقدرتش اديره )
امها :يارب وفقها يارب افتحها في وجهها و يبعد عليك بنات و اولاد الحرام
ثواب سلمت على رأس امها و قالت : آمييييين يا احلى ام
.
فاتت الأيام و ثواب فرحانة و اخيرا طلع بصيص امل انها تحقق حلمها و حلم معلمتها ، و خوتها عارضوا في البداية بس اقنعهم بوها .. و توا بنردوا للحاضر مرة ثانية 🌻
.
.
ثواب قاعدة تلبس بتمشي للكلية : يارب
امها: صباح الخير
ثواب : صباح كل حاجة حلوة
امها : هههه هي افطري و توكلي
ثواب : عطيني قهوة بس
امها : باهي خودي معاك نص
ثواب : هههههه ماما هذي كلية نص عليش
امها: على راحتك كيدك على روحك
ثواب : مش مصدقة و الله
امها: ربك كريم و انتي شاطرة عرفتي كيف تتصرفي هههه
ثواب : نعجبك ، هي انا لازم نطلع عشان نوصل على الموعد
امها : تمام توكلي
ثواب : في امان. الله
امها : في امان الله
.
طلعت ثواب اول خطوة برا الباب و قالت في خاطرها : انتي قدها ثواب و خوتك جايهم يوم هم 4 ، و خدت شهيق و زفير و بدت تمشي و كل خطوة فيها اصرار و طموح و هدف ، مرت من قدام ورشة خوها و هي مطبسة رأسها و هو شافها طلع قعد يراقب فيها يبي يمسك عليها حاجة تخليها تبطل ، و اخيرا وصلت ثواب و شافت للكلية و خشت لقت شلة بنات واضح من اشكالهن رافعات خشمهن لكن قالت نسألهن و خلاص وقفت عليهن و قالت .
.
ثواب: السلام عليكم
البنات: وعليكم السلام
ثواب : معلش نبي نسأل محاضرة الدكتور ... وين
البنت 1: انتي سنة اولى !
ثواب : اها اولى
البنت 2: يعني معانا ، مزال على المحاضرة 5 دقائق في المدرج رقم 3
ثواب : امم ،شكرا ( و مشت قعمزت في المدرج قعدت تقرأ في آخر صفحات الكتاب و بدوا يخشوا الطلبة و خش الدكتور و عرف بنفسه و عرف بالمادة و هي منتبها معاه ... و بدت الايام تمشي و ثواب قراية و بس و قربن الامتحانات و قررت اتقول للبنات على الدورة يلي حديرها )
ثواب : بنات انا فاهمة المنهج كويس ..( قاطعتها بنت و قالت )
البنت 1: اها مشاء الله الدكاترة يشكروا فيك ديما
ثواب : هههه سلمك نبي انقوللكن انتي حنشرح المنهج لكل وحدة مش فاهمته و نجهزها الامتحانات بس بمبلغ رمزي 😅
بنت 2: انا اول وحدة سجليني عندك
البنت 1: بس وين بتعطي ؟
ثواب: في مكتبة الكلية ، تمام
البنت :1 : تمام بكل اخرى ، تبدي توا !!
ثواب : توا لا عطيني اسم المادة يلي تبيني نشرحها ليك عشان نجهزها و بكرا نبدوا
البنتين : تمام
( وانتشر الخبر بين البنات و بما أن ثواب قعدت معروفة بشطارتها في الكلية بنات واجد سجلن عندها )
.
.
في حوش ثواب :
محمد : بنتك وين
امها: خلي اختك تقرأ شن تبي
محمد : ثوااااااب ( ثواب كانت منسجمة تقرأ معدلتش عليه وهو كالعادة مشالها و كان ماسك في يده دخان ) نكلم فيك متتترديش لييش
ثواب : م م مسمعتكش
محمد : كذااابة تو نوريك (و خدا يدها من القدام و طفأ عليها الدخان و ثواب عيطت و امها فكت يده و لأول مرة تعطي ولدها كففف )
امها: اختتتتتك يا بني آدم حتى العدو مش هكييييي (و رفعت يد ثواب و لقتها حمممرررراء و ورتها ليه ) شوف شوف متتتريح توااا
محمد : و مزلت حنديرلها اكثر لو مأحترمتش نفسها و تأدبت ( و طلع و ثواب حاضنة امها و تبكي بعدها ناضت غسلت وجهها و ردت تقرأ )
في الليل 🌃
ثواب شادة يدها و تبكي : حسبي الله و نعم الوكيل فيك يا محمد و الله حرام فيك الإسم يارب خودلي حقي منه يارب ( ورقدت على شيتاتها )
.
مراد : هالبلوة وين
مجاب: منخمدة شكلها
مراد : نوضها نبي ناكل
امها : خلوها في حالها تو انوض انا
مراد : مش مخربها حد غيرك
امها: سلم ولدي ليل هي قولي شن تبي
مراد : اقليلي دحي
.
.
ثاني يوم في الكلية و بالتحديد في المكتبة :
.
ثواب : تمام توا فهمتيه
البنت : الله يربحك تمام و الله فهمته
ثواب : الحمد الله
البنت : تفضلي ( ومدتلها فلوس )
ثواب : شكرا
البنت : عفوا
ثواب : ممكن تكلميلي ... و ....و....
البنت : هن 5بنات مش 3 امس سمعتهن ان بيجينك تفهميهن
ثواب : اه تمام كلميهن ليا بالله
البنت : تمام بكرا حنقروا ...
ثواب : اها محضرتلها .
البنت : اوك هي باي
ثواب : باي
.
وطلعت البنت و قعدت عمتكم ثواب تلعب بكرسي المكتبة يلي يلف و كانت فرحانة لين قاطعها صوت شخص كان حاضر معاها من الأول
...: الصغار يشرحوا هه
ثواب معدلتش عليه قالت بلكي مش ليا و قعمزت بإحترام لين جن البنات و شرحتلهن و خدت فلوسها و لمت حاجاتها و خش شخص و كان يقول
الشخص :...
ثواب : 😨😨😨 وشدت يدها المحروقة
.
.
تتوقعوا من كان و شن قال ؟! وهل حتوصل ثواب لمبتغاها ولا حيجيها يوم و يقدروا خوتها يأثروا على بوها ؟؟!
.
#ثواب
#rwayay_br0o