ثواب ح 4 💜
.
رنا : نسيت مقتلكش
ثواب : تي احكي الهم
رنا : لقيت فيس خوك محمد
ثواب : وباهي
رنا : ياحنة داير البهاديل كله بنات
ثواب : هيييي طيح سعده و جاي يتمرجل عليا ويحرق و حالته حالة رنا ؛ ماه هضا عليش جبتك هنا ، ياحنة وانا ضفتهثواب : من جدك تحكي !!
رنا : من جدتي ، اها و شوفي حتى صورته
ثواب : طيح سعدك يا محمد ، ان شاء الله اتجيك بنت امها تربيك من جديد
رنا : ياخوفي بس اتجيكم وحدة احرف منه
ثواب : زيحي من مكانك مش ناقصني انا
رنا : كيف متحملة انتي ؟؟
ثواب : الله غالب بس الحمد الله اهو ربي فرجها و خشيت الكلية
رنا : خطرها على الكلية ، شن جوك معاها
ثواب : مليون في المية نعطي في دورة في المنهج يلي ناخدوا فيه رنا : مشااااء الله ام قليب انتي
ثواب : حيي صوت ماما تنادي
رنا : نوضي خلي انشوفوها شن تبي
ثواب : هي
( ناضن هن الاثنين و مشن للصالة وين ما امقعمزة ام رنا و ام ثواب )
ثواب : نعم
امها : ديري العشاء على النار حلفتلها خالتك مش امروحة
ثواب ، رنا : يسسسس 😍
امهاتهن : هههههه مهبولات
( مشن يوتن في العشاء و يهدرزن في لحظة تمنت ثواب لو عندها اخت كانت حتخفف عليها شوي و تهدرز معاها و تشكيلها )
.
.
عند محمد ن 💙
مشوا اولاد عمه بعد العشاء كل واحد لمكان و بوه و عمه يهدرزوا فهو كسد قرر يركب لداره يشوف القضية يلي جابها ليه صاحبه ابراهيم
:
محمد : توتوتو تي القضية خاسرة واضح ( طقطق الباب يحسابها منار ) خشي من امتى الأدب
رزان : هههه سلام
محمد :(ياعليك نفخ الهممم ) : و عليكم
رزان : امم احميدة عندي كم سؤال نبيك تفهمني فيهن
محمد : ليش ممشتيش للبنت هذك
رزان : هيييي حشاني نمشيلها و بعدين هالفقيرة تاخد في فلوس
محمد : وانتي خايفة على فلوسك ماله
رزان : قول منبيش نشرحلك و خلاص
محمد : ا ا الصراحة اها لأن عندي قضية مهمة
رزان : اهم مني القضية ؟!
محمد : نعم !!!
رزان : لعند امتى بتقعد هكي تتجاهل فيا و في مشاعري
محمد : انا نعتبر فيك زي منار اختي الصغيرة
رزان بدموع التماسيح : اسفة انسى ان حكيت معاك ( وطلعت ) ، هه تحسابني بالسهولة هذي
بينما محمد انبه ضميره بس قال : صح انا مليلش علاقة هي اوهمت روحها بالشيء هضا ، زعمك صح ثواب فقيرة هضا عليش تاخد في فلوس ، باهي نبي نعرف لييش خافت لما ابراهيم خش و مسكت يدها !
تو انت شن دخلك هي ( و تخش عليه منار )
منار : سكنهم مساكنهم ياربي ختشت عشان قعدت تتكلم بروحك ، ترا حرارتك ( وحطت يدها على جبهته) حرارتك كويسة كنك ؟
محمد من بين اسنونه يتكلم : منار برااااا
منار : طالعة خليك باهي 😒
نعيمة : شن في اصواتكم طالعة
منار : جاية بنقوله ان عت عمي روحوا كان بياخد راحته لقيته يتكلم بروحه
محمد : براااا
نعيمة : تي ارزيني فيكم اطول مني راكم اعقلوا ( وطلعت و كرت منار معاها و سكرت الباب )
محمد : عليك حالة 😪
.
.
عند ثواب :
كملن البنات العشاء و حطن سفرة الصبايا و سفرة الرجالة و عقبت ثواب لخوتها يلي مزال مروحوش و غسلن الاماعين و دارن قهوة و خشن لدار ثواب :
ثواب : رنوووش
رنا : هاااا
ثواب : ليش وقفتي مبتيش تكملي الكلية ؟
رنا : معنديش نبية
ثواب : شن رأيك تقري معاي
رنا : هييي انا و قانون توتوتو
ثواب : تي يا غبية انتي نسبتك كويسة تعتبر و تخششك للقانون و انا حنساعدك المهم متقعديش بلا شهادة
رنا : ليش ؟
ثواب : لأن الشهادة هي يلي بتسندك لما بيتهدم حيطك
رنا : كيف ؟!
ثواب : مش توا الكيف المهم من بكرا نلقاك مرتزعة قدامي في الكلية عشان تلحقي على الامتحانات
رنا : ياعيني و امتى الامتحانات ان شاء الله ؟!
ثواب : بعد شهر
رنا : امم تو نفكر
ثواب : ذنبك على جنبك مدخلنيش انا نبهتك
رنا : باهي خلاص اعتبريني بكرا في الكلية
ثواب تصفق: يسسس يسس
رنا : هبلة وريني الشيتات ترا
ثواب : تمم هيي
( رنا من النوع يلي يحفظ بسرعة بس كسولة ، جابت ثواب الشيتات و خدتهن رنا و عجبها القانون نوعا ما لانه يعتمد على الحفظ و شوي وروحوا عت خالتها ) .
.
في سيارة هل رنا،:
رنا : بابا ماما
الاثنين : نعم
رنا : بنكمل قرايتي
امها : الحمد الله ياربي يلي هداك و بتكملي
بوها : وشن بتخشي
رنا : قانون مع ثواب
امها : زين ما اخترتي يابنتي
بوها : حلو القانون بس اكيد واخدين محاضرات
رنا : شفتهن شيتات ثواب و لقيته ساهل كل حفظ
بوها : مشاء الله كويس انتي ملفك واتي بكرا نمشي نسجلك
رنا : تماااام
.
.
ثاني يوم :
ثواب : انا طاااالعة
امها : خودي افطري
ثواب: لالا منبيش اكيد رنا واصلة توا
امها : من رنا ؟
ثواب : كم نعرفوا رنا
امها : بنت خالتك ؟!!
ثواب : قصة طويلة تو بعد نروح نحكيلك هي باااااي
امها : في امان الله
.
.
في الكلية :
رنا : ياقردة من امبكري نراجي فيك
ثواب و هي داهشة: و الله شن تبيني نجري عشان حضرت جنابك و هك شوفيني كيف داهشة
رنا : اسس هي عرفيني على الكلية
ثواب : اول شيء معاك فلوس
رنا : معاي ليش !
ثواب : هيي بنجيبلك الشيتات
رنا : هي انطلاق
ثواب : ربي يعطيك عقل ان شاء الله
رنا : اجمعين
ثواب : هبلة
رنا : هي فرخة ثواب شوفي هذك كيف اتشوفلك
ثواب : وين
رنا : هذك يلي لابسة اللبسة الشينة الفسفورية
ثواب : تي فوتي شن دخلنا بيها خليها اتشوف
.
عند محمد :
بوه : ليش تمشي للكلية
محمد : انا خديت على المكتبة خلاص منتمخمخش الا فيها
بوه : كويس مغيروش فيها شيء هما ؟!
محمد : لالا بس السنة هذي الطلاب سنة اولى شوية حطوهم في القاعات الصغيرة مش المدرج
نعيمة : خطرت عليا نبي نسألك و ننسى
محمد : على شن !!
نعيمة : تعرف طلبة سنة اولى !
محمد : لا ليش
نعيمة : في بنت كنت نقري فيها و كانت جريئة فتخايلها انها محامية قعدت انت كل معش تبي كتاب نشيل فيه ليها
محمد : انا انقول وين اتخزني فيهن ، و باهي بعدها
نعيمة : المهم هي بوها تفكيره جاهلي الثانوية خلاها تقراها بالسيف نبيك تسأل عليها نبي انشوفها خشت ولا لا
محمد : باهي شن إسمها
نعيمة : ثواب ....
منار : الله حلو اسمها 😍
محمد : .......
.
.
تتوقعوا شن بتجر وراها هالصدفة ؟!
ورنا شن حتضيف لحياة ثواب يلي مجهول مصيرها مع خوتها .
.
#رواية_ثواب
#rwayat_br0o
أنت تقرأ
ثواب 💜 ( روايات ليبية ) مكتملة
Mistério / Suspenseرواية ثواب ❤ المقدمة : اسم غريب و رواية اغرب تروي قصة فتاة تدعى ثواب عاشت الكثير في حياتها و عانت الكثير ،و لكن شقت حياتها تحت إسم{ القانون }، لمحبي انواع الآكشن و الألغاز أقدم لكم هذه الرواية ، و هي اول رواية لي بهذا الاسلوب الروائي اتمنى ان تنال...
