ثواب 💜 ( روايات ليبية ) مكتملة

الحلقة 8 💜

رواية ثواب ح 8 💜
.
.
ثواب : هيييي 😍😍 ابلة نعيمةةة ( ومشت جري )
رنا : حي على الهبلة و حي
نعيمة : بنتي ثواب كيف حالك 😍
ثواب : الحمد الله بخير و الله و انتي شن دايرة صحتك
نعيمة : الحمد الله جاية بنقيس السكر و الضغط هنا حطني ولدي و خش للكلية عنده اوراق ، و الله فرحت لما سألت ولدي و قالي انك تقري هنا
ثواب" ولدها ؟! و هنا ؟! و يعرفني ؟! عيب تسأليها ": الحمد الله الفضل يردلك 💜
نعيمة : الفضل لله المهم نبي انشوفك اكبر محامية
ثواب : بإذن الله ، معنى الكلام معاك مينملش منه بس مضطرة عشان محاضرتي 😢
نعيمة : ايوا الا قرايتك و ان شاء الله نتلاقوا عن قريب
ثواب سلمت عليها : ان شاء الله هي مع السلامة ( و خشت هي و رنا من الباب و محمد طالع )
رنا : زعمك من ولدها ؟
ثواب : مش عارفة و فوق منها يعرفني
رنا : مفيش واحد يشبهلها هنا
ثواب "محمد نفس عيونها لكن لالا مستحيل يكون هو " : لالا مش شايفة و هي خشي للمحاضرة الدكتور قريب يجي
رنا : ها ها خشيت الهم 🌚
.
.
محمد : قاعدة مخشيتيش ؟!
نعيمة : تلاقيت انا و ثواب هنا و هدرزت عليها مشاء الله رايحة عروس ( اتشوف لردت فعل محمد زي ماقالتلها منار ولا لا)
محمد : اهااا
نعيمة " هالفرخة منار كان نشدها و هي اتجيب من رأسها في كلام اهو معدلش بكل "
( خشت نعيمة قاست و طلعت هي و محمد فطرها في cafe وروح بيها )
.
.
عند رزان :
خالد : شن اسمها البنت اهيا
رزان : ثواب راه بنت دراه كبد و متنبلعش
خالد : بس محمد حاط عينه عليها
رزان بصدمة : كييف
خالد حرك السيارة : هضكي اليوم يحسابني مش فاطنله لما قعد يدرق عليا ميبينيش انشوفلها
رزان جتها فكرة : امم و انت تبي تخرب عليه ؟!
خالد : لالا مش توا خلي لين نتأكد
رزان : اها خلاص لما تتأكد قولي
خالد : هي انزلي
رزان : انت مش نازل ولا شنو ؟!
خالد عندي شغل انا
رزان تمام
.
.
عند ثواب :
رنا : هي وجك بنروح
ثواب : كان روحتي معاي 😂😂
رنا : ههاي توبة 🌚 ، الو بابا تمام طالعة
ثواب : وجك بناخد كم شيت و بنروح حتى انا
رنا : تو نروحوا بيك
ثواب : الجو اليوم حلو على الاقل خليني نتمشى
رنا : عندك الحق خوتك يجيبوا الكآبة 😑 ( و مشت )
ثواب: اههه لازم تنكد عليا هالبنت 😑
هي خليني نروح لاشيتات لاهم 😩 ( توكلت و طلعت من البوابة و تمشي و تتمنى و هي تحس ان في حد يتبع فيها بالسيارة )
ثواب "يارب استرني يارب يمشي قبل لانوصل قدام ورشة مجاب "
خالد : بس بس ثواب
ثواب "يارب يارب "
مجاب جت في في وذنه اسم ثواب : هيييي يابنتتت اللذين قدامي للحوش
خالد هرب بالسيارة : هييي شكله خوها
( ثواب مشت تجري للحوش و ايقنت انها خسرت حياتها لو مش حياتها الكلية)
مجاب يضرب فيها : ياااكلبة ( حشاكم ) تي انتيييي من الاول مكانك الحوششش فاهمة الحوووش تي ويينه بوككك يلي وافق يخليك تقري يحسابك بني آدمة لكن انتي خسارة فيك
محمد : شن القصة
مجاب: الاخت تتمعشق و لا هامة
محمد : شنووووو ( فك السير و بدأ يضرب فيها )
امهم: افتحوووا بالله عليكم خيتكم هذييي
محمد : امييي بنت متستاهلش انكك توقفي معاها
( روح بوهم و حكوله و ضربها و اهانها و الكل جو ضدها حتى امها )
ثاني يوم :
ثواب مربوطة في الدار بسبب خوها محمد يلي اتقول مدرسينه طرق العذاب كيف
رنا: المحاضرة بتبدأ غريبة وينها !
رزان تمدغ في المستكة : صباحو
رنا : اهلين
رزان : وين ثواب اليوم
رنا : تو قريب اتجي
رزان : اهاا
بدت المحاضرة و طلعوا الطلبة و رنا منشغلة على ثواب و مقعمزة و تهز في كراعها بس قالت اكيد مريضة ولا فاتها الوقت و رقدت
محمد : غريبة مجتش انضر شن صاير معاها
.
.
رزان : شكلك طيرتها بكل
خالد : تي شن عرفني ان خوها فيها
رزان : خلينا نصبروا مرات طريحة عادية
خالد : تي واضح عليه انه شرير
رزان : شن شكله قلبك حنين عليها وانت شن دخلك بيها ؟!
خالد : شيء المهم ولد العم يتريحش بس 😏
.
.
فات اسبوع على ثواب اسبوع عذاب محد يكلم فيها ولا حتى يشوفلها
محمد انشغل عليها و قرر يسأل رنا : احم سلام
رنا استغربت جيته : اهلين
محمد : ا ا كانت في بنت معاك قصدي ديما معاك قبل اا
رنا: اااه ثواب 💔
محمد : مش عارف بس تفهمينيش غلط هي معش جت
رنا : ولا حتجي 💔💔
محمد يحسابها ماتت : شننن
رنا : هلها الله لا تربحهم لا دنيا ولا اخرة حرموها منها
محمد : من قالك ، اسف قصدي كيف عرفتي؟؟!
رنا : هي بنت خالتي ، امس بابا كلم بوها و سأله و قاله بطلتها و البنت مكانها الحوش
محمد : و السبب ؟!!
رنا : نستأذن نبي نروح انا 💔
.
.
روحت و خلت محمد واقف مصدوم و مش عارف شن السبب يلي خلاه يسألها و ينصدم و خلا رزان يلي تراقب من بعيد تفهم ان خوها وصل لمراده و فرقهم .
.
.
رزان : البشارة
خالد : شنن
رزان : محمد اليوم وقف على صاحبة ثواب و .... حكتله
خالد : معناها شكي كان صح 💃😂

رزان : صح الصح 💃
.
.
ثواب : لااازم نلقى حللل لازم مدام هذكم انطفشوا من الحوش  ، ايوااا لقيتهاااا ( خشت توضت و خدت المصحف و مشت مكان يلي مقعمز فيه بوها و امها ) بوها: اقلبي وجهك من قدامي
ثواب حطت يدها على المصحف وتبكي : و حق القرآن اني ما نعرفه و ما عمري تكلمت معاه و حق القرآن اني ما عمري نزلت رأسك و هدرزت مع ولد حتى على القراية ، اعرفوا انكم ضلمتوني و عذبتوني و خليتوني نكرهه الحياة 💔 ( و خشت لدارها يلي مشافتش غيرها من اسبوع )
.
بوها : بتهبلني البنت
امها : تنساش انها حلفت على المصحف ، و نحن زودناها خوتها الاربعة و بوها ضاربينها و امها متجاهلتها خايفة عليها
بوها: تو نصالحوهم على الغداء بس الكلية تنساها نهائيا
.
.
فات الوقت و روحوا الأولاد و امهم حطت سفرة الوكال
بوهم : كلمي ثواب
محمد : ليشش بتسدني نفسيتي
بوهم : ناااديها
امهم : تمام ( و مشت لدار ثواب )
مجاب :اني معنديش نية
بوهم : قعمزززز اني قلت
مراد : اني تغديت
بوهم : مفيش واحد ينوض
امهم : ا ا ثوااااب متردش ت تعاالوا شوفوها ، بنننتي ضاااعت وووكككك بنتيييي ، كلهههه منكممم كلله الله لا تربحكممم
( ناضوا يجروا شافوها لقوها فعلا جسد هزيل لا يقدر المقاومة و قلب ينبض بآخر دقاته )
محمد : ع ع عبااايتها ويننن
مازن : ا ا اهيااا
( مراد خداها منه و لبسها ليها و مجاب حطلها الوشاح و طلعوا بيها و بوهم كان مقعمز في اضعف حالاته اذكر آخر كلام قالاته ليه في الصالة )
.
.
وصلوا للمستشفى و خدوا بريلا و خشوا بيها لقسم الاسعافات .
و كل واحد مقعمز يتذكر في ثواب كيف يعذب فيها و يهين فيها .
الدكتور : .....
محمد : م م م متأكككد ؟! 
.
.
ثواب : متابعيني السمحين تزعلوش لو الكاتبة الشريرة  قتلتني 😢💔 بس مرات في ثواب تانية حتنولد ❤
.
.
#رواية_ثواب
#rwayat_br0o