ثواب 💜 ( روايات ليبية ) مكتملة

الحلقة 3 💜

ثواب ح 3 ❤
.
الشخص : محمددد وينك يا راجل من امبكري نرن عليك ( ثواب بمجرد سمعت الاسم شدت يدها و قعدت اتشوف للشخص يلي اسمه محمد )
محمد : انت عارف مكاني ليش ترن
ابراهيم ( صاحب محمد ) : قلت مرات طلعت
محمد : لالا شدتني القضية بعدها في ناس داروا دوشة مقدرتش نركز ( و شاف لثواب يلي شادة يدها و دموعها لو رمشت حينزلن ، وهي فهمت قصده بعد كملت من لم حاجاتها طلعت و روحت )
ابراهيم : اوووي وين
محمد : تي خليني الهم شن تبي
ابراهيم : هاك ملف قضية ...
محمد : قلتلك من الاول القضية خاسرة الادلة كلهن ضده
ابراهيم: تمام تو نحولهاا لمحامي ثاني  ، هي نتلاقوا في الليل
محمد : منضنيش اليوم لمة عائلية في حوشنا
ابراهيم : هههه ربي يدوم و يصبرك على.. ( قاعد مكملش و تخش )
رزان تمضغ في المستكة : محمد
(محمد حك جبهته و شاف لابراهيم يلي كان يضحك و طلع )
محمد : نعم نعمم
رزان بصوت الدلع : اعصابك انا بنت عمك مش شحاتة عشان هك تتكلم معايا
محمد : مش انتي تعلميني ، المهم شن تبي
رزان : خالد مش حيقدر يجي عشان طالع يشري في حاجات عشان العشاء شوي قلت نروح معاك (محمد قال في خاطره : عش يا ربي تي شن هالبنت ، قاطعاته رزان وهي تقول ): ها شن
محمد بتطنفير : اطلعي قدامي
.
طلعت رزان و راجاته قدام المكتبة و هو لم اوراقه و طلع لقاها تراجي فيه شوي قاللها : شن قلتلك امشي قدامي ولااا
رزان : نعرفش مكان سيارتك
.
طبعا تكذب حشاكم خوها فاضي و في الحوش راقد بس حبت تغيض صحباتها
.
.
في السيارة هو يفكر : ليش شدت يدها بعد خش ابراهيم زعمك يعرفها !! لالا كان هضا شافلها ، يا بلوة شن دخلك ، تي جاني فضول خلي نسأل العش اكيد تعرفها ، و قبل لا يسأل قالتله : تي في شن سارح من امبكري نتكلم بروحي
محمد : لا شيء نفكر في القضية امبكري دوشة في المكتبة مركزتش
رزان : وووكك الفرخة هذك شايفة روحها دروحها تشرح
محمد : كيف !
رزان : هذي الفرخة ثواب شكروها الدكاترة مرة صدقت روحها
محمد : اهاا ( بس شرحها دقيق و واضح فاهمة القانون صح
.
.
عند ثواب 🌼
.
ثواب : ماما امتحاناتي قربن و فروخك يبوا يخربوا عليا
امها : سكري باب دارك بالمفتاح
ثواب : هه تي اي مفتاح ماه خداه ولدك مراد
امها : ييي نسيت و الله يابنتي ما في يدي شيء خلاص فات وقت الرباية فيهم
ثواب : هذي ضريبة الجهل يلي قدر يحوز تفكيرهم مش جهل التعليمي جهل الثقافي عندهم كل شيء ضد البنت هما معاه ولو طالبت بأبسط حقوقها و هو قرايتها طلعوها قليلة ادب و تطاول عليهم ، قصدي يا أسفا على مجتمع احد سكانه خوتي
امها : ربي فوق و انتي ركزي في قرايتك و بس
ثواب : ان شاء الله
امها : اه قبل لا ننسى خالتك جاية اليوم راجلها كلم بوك و قاله
ثواب فرحت : واخيرا في من حيغيرلي جوي اكيد حتجي أماني
امها : شن دراني ، وتيت كيكة مع القهوة و كان قعدوا للعشاء ديري شربة
ثواب : تمام بنخش بندير مراجعة شوية قبل لا يجوا
امها : موفقة امشي
ثواب : ان شاء الله ( و مشت لدارها و اول ما قعمزت على سريرها قابلها الكتاب يلي من ابلتها شداته و قالت ) : اااه زعمك شن اخبارك يا ابلتي ، زعمك نسيتيني ولا تذكري فيا ، انا مش حننساك طول ما انا ماشية في الطريق يلي كان امي ولا بوي يرشدني ليها بدالك ، يااارب احفظها وطول في عمرها
.
في حوش محمد ( المحامي ، وعشان متتخلبطوش بين محمد هضا و محمد اخ ثواب ، حندير لمحمد المحامي بعد اسمه (ن) و تو تعرفوا السبب توا 😎)
محمد خش طاح على الصالون : اخخ نبي نرقد
امه نعيمة ( يس امه هي نفسها ابلة ثواب يلي عطتها الكتاب 😊) : نوض ارقد في دارك خلي اختك تنظف قبل لا يجوا الناس
منار ( اخت محمد عمرها 21 تقرأ لغات ) : اخخخ بخت ملقوش يديروا هاللمة الا في حوشنا من قلة الاستراحات و الشاليهات يعني
محمد : سكتي بنتك الجالطة مش ناقصني صداع اليوم
نعيمة : اسكتوا انت و ياها خلاص ، انت نوض لدارك و انتي كملي التنظيف خلي نمشي للمطبخ انلود عليه
منتهى ( اخت محمد ممتجوزة و عندها وليد عمره 4شهور ): كنكم بسم الله
ميار :خوك الهم هضا ، المهم رقدتي ولدك ؟
منتهى :رقدته توا بنمشي للمطبخ مع ماما
ميار : لالا المطبخ مفيشي شيء سيقي واجهة الحوش لبز وحالة من كنادر خوك
منتهى : 😂تمام
( و مشت كل وحدة ادير في حاجتها و على المغرب جو عت عمهم ( عندهم عم واحد و يلي هو اب رزان 😷 حنعرفكم عليهم في نهاية البارت )
عيلة محمد :
اكبر وحدة منتهى بعدها
محمد متخرج من القانون من نفس كلية ثواب
منار آخر العنقود دلوعة بوها و يلي تبيه يجيها
امه نعيمة : ابلة علم نفس
بوه سالم : دكتور في كلية الآداب
و باقي عيلته حتعرفوهم من خلال البارتات
..
اب محمد: تفضلوا هي
عمه : و الله كان خليتها في المزرعة هك بنثقلوا عليكم
بوه :لا ثقل لا شيء يا راجل ، يااامحممدد
محمد من المربوعة : نعممم يا بوي
بوه : تعالى نبيك و انت مستخسر هالنوضة
محمد : جيت جيت
بوه : خش شوفهم وتوا العشاء
محمد : كان قلتلي من بعيد
بوه : تي خش وانت رايح بكل (خش محمد و هو يدعي ان ميلقاش اللصقة رزان قدامه بس شكلها الدعوة موصلتش )
رزان : محمد
محمد في سره ( ياصبر ايوب ) : نعم
رزان : كيف بنتلع ( شريني بنطلع ) بنكلمك عميمة وتت العشاء
محمد : تي واكك على ايامي
رزان  : قلت حاجة !
محمد : وسعي بنخش
رزان : تفضل 😍
( نردوا لبوه و عمه )
.
عمه : مش كويس مدلعه هك
بوه : هضا ولدي الوحيد اكيد بندلعه
عمه : تو اتجي على رأسك تدليعته ( و جاء محمد و عط السفرة قدامهم )
محمد : تفضلوا هي
بوه : كلم اولاد عمك هي
محمد : صلاح ، خالد  هي تعالوا تعشوا
( التموا كلهم و تعشوا و جوهم حلو )
.
عند ثواب :
جتهم خالتها هي و بنتها يلي من عمر ثواب و عندها 3 بنات متجوزات
خالتها : مشاء الله كبرت بنت يا هناء
هناء : هههه سلمك
رنا ( بنت خالة ثواب ) : نوضي نقعمزوا في دارك
ثواب : هي نوضي ( ناضن البنات و خشن لدار ثواب و قعدن يهدرزن )
رنا : خوتك يقهروا
ثواب : الله غالب ما باليد حيلة
رنا : هييييييي 😱😱😱😱
ثواب : كنكك
رنا : .....
ثواب : 😭😭😭😭😭
.
.
عت عم محمد :
عمه ابو بكر فتان الفتنة في دمه و ديما يستغل في خوه و طلعتله بنته رزان و خالد حتى هما شخصيتهم زي بوهم
رزان :ثانية قانون
خالد : متخرج من اللغة الانجليزية
صلاح : طبعه زي امه هادي و ميحبش المشاكل و متخرج من ادارة اعمال
( عنده 4 بنات ثانيات متجوزات مش مهمات في الرواية )
زينب : مرت ابو بكر هادية و في حالها و ديما تنصح في راجلها بس هو يسمعش منها
.
.
تتوقعوا شن صار مع رنا و ثواب !
#ثواب
#rwayat_br0o