ثواب 💜 ( روايات ليبية ) مكتملة

الحلقة 14 💜

ثواب ح 14 💜
.
.
و فجأة صار يلي مكانش حد دايرله حساب ........
ثواب : كنهم متوترين ؟!!
رنا : ا ا لالا شيء ☺
.
.
امها : ويينه هو ؟!
محمد : مش عارفة مرات زحمة
امها : تي اي زحمة ساعة 1 في الليل ؟؛!
محمد : منعرفش منعرفش المهم بوي قال شيلوها لحوش عمه لان الفاتحة مقرية
امها : بتجلطوني انتم و بوكم ، اصبر نلبسوها الكاب قبل
( لبسوها الكاب و شالوها لحوش عمها و لما وصلت غادي )
محمد : منذر مش معروف وين و بوي قالي انجيبك هنا بإعتباره قاري فيك الفاتحة
ثواب : مرات هرب لحبيبته 😏
محمد : ثواب انزلي قدام الناس نبيش نغلط فيك ( المهم نزلت لخيمة عت عمها و لقت خالات منذر و بناتهن و صبايا خواله قعمزت شوية بعدها ركبت لجناحها  دوشت و رقدت و لاهمها منذر )
.
.
عند محمد ن:
يشوف للدبلة و ميبيش يلبسها
محمد : هي اليوم زفتها 💔
ابراهيم : من قالك ؟
محمد : هه امي شكلها سامعة في المدرسة
ابراهيم : خلاص انساها انت ليش هم ادير في عمرك و ياريت حتى كنتوا على علاقة ولا حب سنين
محمد : ابراهيم مفيش حد فاهم يلي هناااا ناررر راه و الله ناااار ( وقعد يخبط على قلبه )
ابراهيم : باهي ليش خطبت ؟!!!
محمد : مش عارف مش عارف
ابراهيم : بنت عمك هذي راه معناها درتها بيدك لو يوم جيت بتفسخ هلك حيكونوا ضدك و بوك اولهم
محمد : اهو يرن
ابراهيم : هات نرد(خدا الفون و رد )  ، ايوا عمي
بوه : وين محمد ميردش
ابراهيم :  يصلي
بوه : قوله يروح الليل تأخر راه
ابراهيم : بايت عندي امدايريله حفلة
بوه : اه تمام هي تصبح على خير
ابراهيم : وانت من اهل الخير (وسكر)
محمد: احسن ما درت و الله
ابراهيم : عيب عاد ، خلي انوض انجيب الفراشات و انجيبلك توتة
محمد :تمام بين ما صليت
ابراهيم : تمام
( صلى محمد و دعى ربي يطمن قلبه و يهديه )
.
.
ثاني يوم :
ثواب : هيي انا وين ( خبطت يدها على رأسها ) يا دماغ هضا مقبرة الثانية ( شوية و سمعت الباب يطق ) صبح يا فتاح ، جيييت ( فتحت الباب لقتها مرت عمها )
لطفية : شنو راقدة و راجلك متندريش عليه وين
ثواب : راجلي مش صغير و يعرف مكان الحوش كان يبيه
لطفية انجمطت : طلعلك لسان و الله
ثواب : من معنداش لسان ؟!!
لطفية : و الله ....( ويقص عليها يوسف )
يوسف يفنص في لطفية بمعنى اسكتي : صباح الخير عمو
ثواب : صباح النور ، اطمني منذر مش المستشفى لان سألت عليه فيهن كلهن ملقوشي
ثواب " على اساس هامني ": امم كويس معناها هارب 😏
لطفية : مش ناقصني انا بننزل و انتي اغسلي وجك و انزلي ( ومشت )
يوسف : متواخديهاش غير منشغلة على ولدها مرقدتش من امبارح
ثواب : عادي عادي هي بحسبة امي( حشاها امي زيكم 😷)
يوسف : هي بنطلع بنتي تبي شيء
ثواب : لالا سلامتك ( خشت دوشت و صلت و بدلت و طلعت و سكرت الجناح و هي ماشية سمعت ...)
.
.
يوسف : لطفية تعالي
لطفية : نعم
يوسف :تعالي ( و مشوا لجناحهم يلي في نفس الممر مع جناح منذر ) ، تحمليها لين نلقوا منذر يلي شكله هرب و لا انضر و ناخدوا الارض منها تحمليها على مصلحة ولدك
ثواب "هييييييي حتى انت طلعت متنفعش يا ربي  ساعدني و بعدين اي ارض يحكي عليها !! و طلع هارب نفس ما توقعت يعني ؟؟؟؟ " ( و مشت لان سمعتهم جايين سلمت على خالات منذر و قعمزت )
نور بنت خالة منذر : شن تقري ؟!!
ثواب : قانون
ميساء  خالته: بس لطفية قالت انك موقفة
ثواب : اها موقفة قيدي بس لين بعد العرس و بنرد نقرأ
كلهم : اهاا
.
.
في حوش محمد ن :
نعيمة : و الله خوك وراه حاجة باهي
منار : تو يروح نحكي معاه
نعيمة : اهو جاء عمره طويل
محمد : السلام عليكم
نعيمة ، منار : و عليكم السلام
محمد : كنكم هك اتشوفولي ؟!
نعيمة : و الله ... ( و قطعت عليها منار )
منار : شيء  فرحانين بي وخينا الوحيد خطب
محمد : اهااا ، بنركب بنغير و نتكىى رأسي صداع
نعيمة : تمام ( ركب و منار تلفتت لأمها )
منار : خلي شوية و نمشيله
نعيمة : المهم اعرفي شن في
منار : تم تم
.
بعد ربع ساعة 🕥
منار : حميدة راقد ؟!
محمد : خشي
منار : عريسنا شنجك
محمد : خشي في الموضوع طول
منار : يعني كاشفني 😧
محمد : هههههه بأسلوبك ، هي قولي كنك؟!!
منار : انت يلي كنك متحاولش تكذب تمام لأن واضح من الخطبة و البيان السريع في حاجة وراه نحن مشغولين عليك
محمد زفر : قصة طويلة و الله
منار سقمت تقعميزتها : احكي هي نسمع
محمد : في يوم كنت ماشي لإبراهيم في المستشفى ( وحكالها لعند امس يوم زفتها )
منار : شوف كونك غلط في استعجالك للخطبة شيء و ثواب شيء ثاني بككل
محمد : بس هي تجوزت
منار : محمد كنك اهه؟؟ هي وعداتك هي حباتك قولي ؟!!!
محمد : هي دارت اعظم من هذين هي سكنت هضا (وشير على قلبه ) بدون ما ادير حاجة
منار : رد حميدة الأول ثواب تجوزت و ربي يستر عليها لكن انت ربطت وحدة فيك بغض النظر ان نحن نكروهوها بس ربطتها بيك

محمد : هه حتى هي تكرهها
ثواب بصدمة،: متقولش خطبت سوزان عشان ثواب متحبهاش ؟!!
محمد : مش عارف ، المهم اطلعي بنرقد توا
منار : تمام
محمد : نعرف ان امك دازاتك بس حاولي اتقوليلها سبب ثاني
منار : تم متفكرش ( و طلعت و هي تفكر ) ، كيف محمد يلي عمره ما كلم بنت هك ادير فيه ثواب !!؛
نعيمة : اووه يابنت ، شن صار ؟؟
منار : خاسر في قضية بس
نعيمة: يا روحي على وليدي من الارهاق اهوا قتله ارتاح خود اجازة بس شيء
منار : اهو عاد
.
.
بعد اسبوعين :
ثواب : عمي
يوسف : نعم بنتي
ثواب : "هه بنتي يا نصاب و الله نوريك " : احم بنقولك و متحشمة
يوسف : قولي عادي
ثواب : نبي فون قبل قلت انقول لمنذر بس اهو اسبوعين مش باين وين و نبي نرد للكلية لو معندكش مانع
يوسف " الصبر بدت تتشرط من توا لكن تحمل لين توصل للتبيه " : تم احسن فون يوصلك اليوم و منذر ربي يرده طيب و الله ندوروا ليل نهار عليه و امبلغ المستشفيات و مراكز الشرطة لو لقوه يكلموني ، و الكلية حاضر من بكرا تو انشيلك
ثواب بفرحة : ربي يديمك لينا ان شاء الله 👐 ( يوسف طلع جاب لثواب آيفون 7 و شفرة  فرحت بيه بس معرفتش كيف تستخدمه و وتت عبايتها و قالت تلبس خمار عشان عيب و هك )
ثاني يوم:
يوسف : لما تكملي ديري رنة
ثواب : تمام ان شاء الله
( و نزلت مع نزلتها لقت محمد يدرس في السيارة )
ثواب " حرام انتي على ذمة منذر توااا " (خشت لقت رنا امقعمزة بروحها حبت تفاجئها ) ، اهلا يا بنية
رنا "صوت مش غريب " : اهلين
ثواب : نقعمز يالاك عادي ؟!
رنا : اي ( وشافت عيونها و تعطيها عيطة خلت قلب ينشق "محمد" ) ثواااااب
ثواب : اس حسكة شن هالصوت
رنا : حي كيف جيتي و لابسة خيمار ؟!! لقيتوا منذر ولا شنننن ؟!!
( محمد تجمد كأنه صنم و قبل ما تتكلم ثواب رن فونها )
رنا : هيييي آيفوووون
ثواب : اسكتي عمى يرن ، ايوا عمي
يوسف يبكي : منذر يا بنتييي ......
.
.
تتوقعوا شن يلي صار لمنذر و هل كان هارب فعلا و ثواب مع شخصيتها المنتقمة الجديدة شن رأيكم فيها ؟!!
#رواية_ثواب
#rwayat_br0o