ثواب 💜 ( روايات ليبية ) مكتملة

الحلقة 19 💜

رواية ثواب ح 19 💜
.
.
طلعت سوزان و مشت لسطاح عت عمها و كلمت صاحبتها :
سوزان : الو نونة ( صاحبتها اسمها نور )
نور : الو سوزي نسمع فيه
سوزان : قتلك جارتكم هذك قاعدة تشتغل
نور : اين جارة ؟
سوزان : هذك يلي قلتيلي عليها الاسبوع يلي فات
نور : السحارة 😦؟
سوزان : اها هي قاعدة تشتغل ؟
نور : اها ليش ؟
سوزان : تو نحكيلك في الكلية توا كان عندك رقمها دزيه ليا
نور : تمام هي  .
( دزت نور رقم السحارة لسوزان )
سوزان : و الله انشعفك يا محمد ( ورنت على السحارة )
السحارة ..: الو
سوزان "يميي صوتها يخووف " : ا ا الو اهلين
السحارة ..: اهلين نعم
سوزان : انا نبي انجيك ضروري اليوم نقدر ؟
السحارة ..: تمام ولو تبي موضوعك بسرعة جيبي معاك ..... ( الحاجات يلي بدير بيهن السحر ربي يبعده علينا )
سوزان : ت ت تمام ( و سكرت و هي نازلة شافت محمد كيف طالع من داره خلاته ينزل للمربوعة و مشت لداره و خدت كل يلي طلباته منها السحارة و طلعت بسرعة لاقتها منار)
منار  : هيي سوزان شن اديري في دار محمد
سوزان : ا ا ا نحسابه هنا قبل نبي نكلمه
منار : توا كيف نزل كلميه بعدين
سوزان : لالا توا بنمشي لصاحبتي مريضة واجد
منار : اهاا لابأس عليها
سوزان : ان شاء الله ،هي سلام
( ومشت و مراجتش منار حتى ترد و منار ولا شكت حتى 1% انها تخطط لحاجة  ، ورنت على خوها خالد )
سوزان بصوت حزين : الوو خالد
خالد : ها ها
سوزان : نور مريضة واجد و نبي نمشيلها بالله عليك شيلني
خالد : خليها بكرا شن توا
سوزان : قتلك صاحبتي روح بالروح مريضة اتقولي بكرا
خالد : علييككك نفخ اطلعي الهم
( سكرت سوزان المكالمة و فرحت ( خالد يعرف نور لأنها الصديقة المقربة لسوزان و يعرف حوشهم ) طلعت سوزان لخالد و وصلها لحوش هل نور  )
خالد : امتى انجيك ؟
سوزان : تو انديرلك رنة
خالد : تمام
( نزلت سوزان و طقت الباب فتحتلها اخت نور نورهان )
نورهان : هيي سوزان عاش من شافك
سوزان : تعيشي كلميلي نور
نورهان : خشي شن واقفة
سوزان :معليشي مرة ثانية غير عندي مشوار وناسية الشيت عند نور
نورهان : تمام تو اناديها (خشت نورهان تنادي في نور و سوزان واقفة في السور )
سوزان تحرك في الدبلة في صبعها " و الله حنشعفك وعلى الكلمة يلي قلتها "
نور : اهلا اهلا
سوزان : اهلين ، قوليلي وين حوشها هذك
نور : شن الموضوع يلي مخليك اتجيها بالسرعة هذي ؟
سوزان : غير قوليلي تو نكمل منها و انجيك
نور : حوشها آخر حوش في الصفة القدامية لون بابها حني
سوزان : تمام هي
( و مشتلها و حظها كان الشارع فاضي و طقطقت و فتحتلها مرأة و خششتها )
السحارة ..: اهلا اهلا منحسابكش سريعة هكي
سوزان : من القهرة
السحارة ..: باهي كيف تبيه ؟
.
.
سوزان : امتى نقدر انجي ناخده ؟
السحارة ..: بعد 4 ايام
سوزان : تمام و المبلغ ؟
السحارة ..: نبي 5000د
سوزان "هييي واجد نهاري " : ت ت تمام
( كملت سوزان مع السحارة و مشت لحوش نور حكتلها و رنت على خالد جاها و روحت )
.
.
.
ثاني يوم عند ثواب 💜
.
بوها : امتى تبي تطلقي
محمد : و تسأل فيهااا ؟؟
بوها : اسكككت مدام انا قاعد محد يتكلم فيكم
( كلهم سكتوا و محمد ناض طلع )
ثواب : الاسبوع الجاي عندي امتحان انديره بعده كلمهم
بوها : تمام خلاص
مراد : ايوا ايوا و بتقرأ فوق منها
بوها : انا قلت تسكتوا ولا ؟؟! 
( ناضوا الاولاد و ثواب قعدت قعدت يا لا بوها تهدرز لين رنت عليها رنا و ناضت للدار تكلم فيها )
رنا : شن صار معاك ؟
ثواب: متتوقعيش نهائي شن قاعد يصير
رنا : شن احكي ؟؟
ثواب : بابا قالي امتى بتطلقي ؟؟
رنا : اححلفيي
ثواب : و الله و قتله الاسبوع الجاي عندي امتحان خليه بعده قالي باهي
رنا : الللله
ثواب : و انزيدك سكت يلي ما يتسموا لما عارضوا
رنا : الحمد الله يا ربي يلي سمعت هالخبر قبل ما نموت 😂
ثواب : عدي وجك بنمشي نحط الغداء على النار
رنا : امشي امشي و انا بنقرأ ربي معطانيش عقلك عشان نراجع بس 🌚
ثواب : قل اعوذ بربي الفلق 😂
..
.
عند منذر في المستشفى :
يوسف : من امس وانا نغلي نبي نعرف شن خلاك تتكلممم
منذر : كان انت ضميرك قتلته مش لازم تقتل حتى ضميري
يوسف : منذر احتترم الفاظك انا بووك
منذر : و مفيش أببب يبي لولده حاجة حرام
يوسف : حراااام ؟؟
منذر : اهااا مالا شن تسميها جوازتي من ثواب غير ان بننصبوا عليها و بناخدوا الأرض ؟؟؟
يوسف : لمصلحتك الشيء هضا
منذر : و انا مصلحتي من الحرام منبيهاش
يوسف : تمام تمام يا منذر دير يلي في رأسك و خود المسيحية بس انسى انك ولدي ( و طلع روح لاقاته لطيفة و الحوش معبي من هلها )
لطيفة : كيف حال وليدي اليوم
يوسف : بإنفعال معشش عندي ولددد انا من يوم و غادي
لطيفة : كيييف ؟؟
يوسف : تبي ولدك امشيله اما حوشي معش يحلم يخشله
لطيفة : خش خش بعدين نتكلموا توا تبي تفضح بيا قدام هلي؟؟
يوسف : حولي و انتي يلي هامك منظرك قدام الناس و شن يحكوا عليك ( و مشى لداره قعد يفكر )
يوسف " اني بصحتي و بفلوسي و الله بنجيب مرأة ثانية و أهو جناح المغضوب قاعد جديد " ( ورقد وهو يفكر )
.
.
بعد اسبوع :
سوزان استلمت السحر و ضمنت محمد
.
في الكلية :
ثواب : بكرا الجلسة
رنا : افتكيتي و اخيرا بس حيقعد اسمك مطلقة ؟
ثواب : و يا ما من مطلقات مظلومات زيي بعدين عادي راه
رنا : و الله صحة ليك و ردي بالك تردي ثواب زمان
ثواب : هههه يلي فات ميردش يا رنوش
رنا : قدعة بنت خالتي
ثواب : هي بابا دارلي رنة بنروح
رنا : تمام تو انجيك الاسبوع هضا
ثواب : تم تفضلي في أي وقت
( وطلعت لبوها و روحت و رقدت )
.
.
ثاني يوم في المحكمة :
بوها : مسامحتيني ؟
ثواب : عسى ان تكرهوا شيء و هو خير لكم و أكيد مسامحتك يا أحسن أب
بوها : أحسن أب !!
ثواب : في عيني انا اها أحسن أب 💜💜
..: ثواب ....
( ثواب خدت شهيق زفير و قفت بإستقامة مدلش أنها خاشة لمحكمة طلاقها  )
ثواب : نعم
..: تفضلي
( خشت ثواب مع بوها و تنصدم من يلي دايره منذر ......
# يتبع
#رواية_ثواب
#rwayat_br0o