ثواب 💜 ( روايات ليبية ) مكتملة

الحلقة 6 💜

ثواب 6 💜
.
.
رنا : ثوااااب 😡😡 قلتلك مطرر ولا
ثواب : 😨😨 امتى جاك بوك
اب رنا : ثواب يابنتي ليش مراجيتيش راه روحت بيك ، اركبي الله يهديك اركبي (ركبت ثواب و هي حابسة دمعتها)
ثواب :" يلي زيي عندها 4 خوت و تروح في عز المطر يلي زيي عندها 4 خوت و تمشي 2كيلو عشان توصل للكلية يلي زيي عندها 4 خوت و يعاملوا فيها معاملة الخدامة مش أخت ااااااه يا ربي 💔💔"
اب رنا : تفضلي يابنتي و مرة ثانية انتبهي
ثواب : شكرا عمي سامحني تعبتك معاي ( و سكرت الباب )
اب رنا : باهي يلي قلتيلي كان هضا البنت راه الله اعلم شن صار فيها من قوة المطر
رنا : هي رأسها يابس قلتلها لكن هي شيء متفهمش و خوتها خوت العازة و الله
بوها : انتي مدخلكش بين الخوت ، المهم لقيتلك باص راه
رنا : تمام و امتى بيبدأ ؟!
بوها : الاسبوع الجاي
رنا : اها تمام
.
.
عند ثواب :
امها : هييي حي عليا انبليتي
ثواب : عادي مش مهم
امها : بسرعة غيري دبشك راك تمرضي و انديرلك عصير ليمون دافئ
ثواب بلا نية : تمام
امها : بتهبلونييي انتم رسمييي
مجاب : و اخيرا روحت الآنسة ( طبعا كلهم في الحوش عشان المطر و الضيء مقطوع 🔦)
امها : سلم وليدي فكنا من المشاكل
محمد : تي شننن بوي مخليها على حل شعرها هو هامه الفلوس و بس ماهو البنت مكانها الحوش و بسس بس بنتك قوليلها جايها يوم و بتبطل فيه .
مراد : جو قانون تي غير بتخدم هي و الله جو فرخات ادير فيه
ثواب بإبتسامة : كيف حالكم خوتي يا عزوتي اليوم
(شافولها و مردوش عليها )
.
امها : تعالي اشربي هي
ثواب : (خدت الطاسة و تشرب فيها و اتشوف لخوتها يلي كل واحد على فونه و مش معدل عليها و لا حتى كيف روحت )
.
.
عند محمد 💜
.
فلاش باك :
محمد : تي كيييف بتروح هذييي و الجو هكي ( ركب في سيارته شافها طلعت قعد وراها بالسيارة لعند شاف بو رنا و قف عليها و روح بيها بعدها محمد روح و ركب لداره بدل و جاي ببرقد طقطق باب داره )
نعيمة : حميدة كنه راقيله ؟ حتى امه ما سألش عليها
محمد : مصدع بس
نعيمة : باهي ارتاح هي و بعد اتنوض تو نسخلك غداك
محمد : تمام
نعيمة : خطرها سألت على ثواب ؟
محمد : ا ا ايه
نعيمة : ها شن صار ؟!
محمد : اطمني البنت تقرأ و يشكروا فيها الدكاترة
نعيمة : الحمممممد الللله يلي خلووها تقرأ الحمد الله، الله يبشرك بالخير يارب
محمد : ليش تحبيها ؟!
نعيمة : يا وليدي هالبنت مظلومة من باتها و خوتها و عيشتها ربي يعلم بيها ، يلا ارقد انت و تريح ( و طلعت )
محمد : مظلومة !
منار طلعت رأسها من الباب : حميدة نايض ؟
محمد : لا راقد
منار : كيف حال ثواب ( و هزت حواجبها 😂)
محمد عزق المخدة : اقلبي وجك
منار ادربك على الباب :و عندي وخي اتقول غزال نراجي في عرسه مزال و لولولولولولولي 🎤
محمد : تي اطلعي الهم بنرقد
منار : كنتنا متعباتك اليوم 😈
( محمد دار روحه جاي بينوض و منار هربت طوول 😂)
محمد : انا و ثواب !! تي مستحيل 🙅يلا نرقد
.
.
ثاني يوم في الكلية :
رنا : يا مسكرة الرأس قلتلك من الأول ولا لا
ثواب : ايااه علينا سكري على السيرة خلاص الهم
رنا : ثواب كنك
ثواب بدت تبكي : لاخوت زي الناس ولا بو زي الناس ليش حظي هكي انا
رنا : احمدي ربي تندريش على حكمة ربي وين
ثواب : ونعم بالله ، هي تعالي نخشوا للمكتبة هنا سقع ❄
رنا : هي و منها تشرحيلي
ثواب : تمام
.
عند محمد :
بوه : حط منار على طريقك السواق سيارته خربت
محمد : عليك قصة ( بعدين اذكر كلمة امه #مظلومة من خوتها ) تمام قبل اليوم عندي جلسة بس تأجلت ،  وينها هي ؟
بوه : آهي نزلت
منار : صباااحو
كلهم :صباح النور
محمد : هي افطري و نراجي فيك في السيارة ( ومشى للسيارة )
مناار : مامي نبي بريوش بس
نعيمة : هاك و هضا النسكافيه حطيته ليك في ( كب حراري)
منار : نجك ليا هي سلاااام ( وطلعت لمحمد )،
محمد : امتى محاضرتك اليوم
منار : الثانية
محمد : هييي و ماشية من الصبح ليش ؟
منار : ماما قالتلي عشان محاضرة اليوم ضرورية و الباص خارب و انت اكيد مش حتردلي بعدين
محمد : النهارات توا بنشيلك معاي للكلية بعدها ياااوييلك كان درتي حاجة فااهمة
منار : فاااهمة الهم  و اخيرا بنشوف كنتنا
محمد : خاطرك في طريحة ؟ و بعدها ياويلك لو شفتي ثواب و درتي حركة عبييطة فاهمة
منار : فاهمة فاهمة ( هما وصلوا و خالد كيف واصل ب رزان ) ، هالثقيلة الدم هذي شن جيبها
محمد : دراه كبد هي و خوها
(خشش محمد سيارته لجوا الكلية و خش و هو و منار للمكتبة طول )
في المكتبة :
ثواب : رأسي صداع
رنا : حي عليك ترا جبهتك كان مش حرارة
ثواب : يا اوفر كنك قلت صداع
رنا : محاميك جاء 😉 بس من هذي يلي مععاه.
ثواب ضربتها : تبي طريحة ؟
محمد : قعمزي ارتزعي هنا
منار : نمشي للبنتين هذين نهدرز عليهن 😢
محمد : اهو قلتلك اديري حركة عبيطة انوريك
منار : تمام تمام ( ومشت ) سلام يا بنات
ثواب ، رنا : و عليكم السلام
منار : انا اسمي منار
رنا : وانا رنا و هذي بنت خالتي ثواب
منار : ثواب ؟ ( وشافت لمحمد لقاته يفنص فيها ابسمت وقالت ) اسمك حلو و غريب
ثواب : شكرا انتي احلا
رنا : شن بتقري هنا
منار : لالا نقرأ انجليزي بس مزال محاضرتي جيت مع خوي عشان نمشي على وقت المحاضرة
رنا: خوك ؟! ( و نخصت ثواب في مرفقها )
منار : اها هضكي ( و اشرت على محمد يلي لاهي في اوراقه )
رنا : اهاااا ( و قعدن يهدرزن لين كل وحدة مشت لمحاضرتها  )
.
منار : عرفت تختار 😍
محمد : و الله كان ما تسكري فمكك نوريك
منار : نحكي جد
محمد : منار س ك ر ي فمك
منار : خلاص مش بعدين لما تتجوز هي اتجيني اهو قلتلك
محمد : ربي يهنيها انا شن دخلني 😠
منار : وقضتك بس
محمد : امتى محاضرتك انتي
منار : مزال ساعة الا ربع
محمد : هي نوضي انشيلك
.
عند ثواب :
ثواب : هي روحي معاي بكرا عطلة
رنا : هيي فكرة اصبري عندي فلوس نشروا حاجات نكسدوا عليهن و خلي ندز مسج ل بابا انقوله
ثواب : تمام هي حتى انا عندي ، تمام
( شرن حاجات يكسدن عليهن و طلعن من الباب لقن محمد و منار بيركبوا للسيارة  )
منار تبي اتشوف ردة فعل محمد : محمد شوف ولد عمك السخيف كيف يشوف لثواب و بنت خالتها
محمد نزله : اوووي خاااالد
خالد انفجع : اووو حمادي وينك ليك ايام مختفي ( وهو يشوف لجهة ثواب و رنا )
محمد جاء قدامة يغطي : تمام شن تراجي هنا
خالد : ر زان هنا
محمد : خشلها غادي اختك
خالد : تم ( مشى محمد و هو طايرتله لقى منار تضحك )
محمد : ولا حررررف
منار : مقلتش شيء انا
.
في حوش ثواب :
.
ثواب : مااااما
امها : جيت جيت و انتي تعيطي من فم الباب
محمد : شنن قلتت ( قبل لا يكمل لقى رنا ) ، رنا ؟
رنا : يا اهلا و سهلا هكي ترحبو بالضيف يا خالتي ؟ 
امها : تفضلي مرحبتين بيك بنيتي
ثواب : شن الغداء
امها : رشدة كسكاس
رنا : الله عيوني
ثواب : هي تعالي نعطيك حاجة حوش تتريحي فيها
( و هضا كله و محمد واقف و مستكردينه )
رنا : هيي بعدك تعبانة
محمد : .....
رنا :😠😠😠 كيف تتجرأ اتقول هكيي
.
.
تتوقعوا شن يلي قاله محمد ل رنا ؟
تعرف منار على البنات شن حيفيدهن ؟
وخالد هل حيكون جزء من الرواية ام لا ؟
#رواية_ثواب
#rwayat_br0o