ثواب ح 12 💜
.
.
ثواب : بس من البنت يلي تبيها ؟!!
منذر : بنت مسيحية تعرفت عليها في بريطانيا
ثواب بصدمة : تبصرررر 😦 مسيحية ؟!!
منذر : اها ، وانت مليكش علاقة المهم اعرفي ان انا في قلبي وحدة بس ( وطلع )
ثواب : يااااربي امتى بنتريححح نطلع من حاجة نخش في حاجة ثانية 😩
.
.
عند محمد 💜
ابراهيم : كنك بسم الله توا كنت كويس
محمد بعصبية : ابراهيم فوتنيييي توااا هي كمل اوراق امكك و نروحوا
( ابراهيم مشى للريسبن و محمد يلود في الممر مش مصدق يلي صار )
محمد "كيييف تكذب عليااا كييف بسس "
ابراهيم: هيا كملت
محمد : هي
.
.
بعد يومين ☀
امها : نور الحوش
ثواب : شكرا ماما
بوها : خشي تريحي في الدار لعند بعدين
ثواب : تمام ( و خوتها مقعمزين شافتلهم و عرفت ان هم قديش قاسيين ، خشت لدارها و بدلت و رقدت و كأنها حاسة بالعاصفة يلي حتجي )
.
.
عند محمد ( اخ ثواب ) ( يحكي مع تامي يلي هي رنا بنت خالته مسجات )
*مش عارف انها رنا بنت خالته
محمد : شن الجو وينك
رنا : تمام قاعدة بس امتحانات و هك
محمد : اها موفقة ، شن تقري ؟!!
رنا " حي عليا و حي 💃 " : قانون
محمد : في اي كلية ؟!!
رنا : تحقيق هو ؟!!! سلام بنمشي نقرأ ( وسكرت النت ) ايوا هكي نفذت
.
.
محمد : غريبة هالبنت لسانها مفيش اطول منه و دزلها ، آسف على السؤال بس جاء مع الكلام مش قصدي تحقيق ، و موفقة ان شاء الله ❤
.
.
في العشية
بوها : ثواببب
ثواب : نعم
بوها : راه عمك يوسف طلبك مني لولده منذر و انا و خوتك موافقين
ثواب : بس انا مش موافقة
محمد صبى : كيييف كييف شن اهيااا من امتى انتي تقرري !!!!
ثواب انفجرت :نقررر لما الولد يلي تحكوا عليه يجيني و يقولي بوي طلبك ليا و انا منندريش و نبي بنت لما يقولي في وحدة بس سكنت قلبه ، مش مصدقيني كلموه يلي متسميين عليا خوت و أسألوه و اقسم بالله فديييت و حق القرآن ملييييت راااه ( و طربقت باب الدار وراها وقعدت تبكي )
بوها : من عنده رقمه ؟!!
مازن : انا
بوها : كلمه قوله تعالى .
.
.
في حوش يوسف 🍁
يوسف : شن وافقت ولا لا
منذر : على اساس هامك انت ماهو طلبتها و فضت
يوسف : اولا تكلم كويس تنساش اني بوك ثانيا طلبتها لسبب ثاني و مفيش حد يندري عليه غيري انا و عمك
منذر : و شن هو ؟!!
يوسف : جدك يلي هو بوي الله يرحمه كاين قاضي كبير و عمك من هو صغير ميحبش القرايا خلاه على راحته اما انا فكنت نحبها و صرف عليا و على قرايتي و لما تجوزنا انا و عمك قعدنا عايشين معاه
منذر : اها متذكر مزلت
يوسف : ايوا و لما جت ثواب و كبرت و قعدت تحكي وهك كان لما بيحل قضايا اتجي تمرد تقعد يالاه كانت تلقط في الكلمات عرف ان هالبنت هتدير شيء مختلف غير عن خوتها يلي واخدين جهل بوهم كتبلها ارض كبيرة يمكن تساوي توا مليون دينار و قال لعمك مش مسامحك تاخدها منها و .. ( قبل لايكمل قاله منذر )
منذر : تبيني ناخدها عشان حنكون ولي امرها و نبيعها ؟!
يوسف : نبيك تعيش و هي تقعد و خلاص و البنت يلي تبيها حتاخدها لان عمك مش حيتكلم المهم يفتك من مصاريف بنته
منذر : اهااا ( ورن فونه لقاه مازن ولد عمه ) ايوااا تمام و الله و انتم توا ؟!! ان شاء الله خير ؟ تمام هي مسافة الطريق و جاي ( و سكر )
يوسف : من !
منذر : مازن ولد عمي
يوسف : شن يبي ؟!
منذر : قالي عمي يبيني
يوسف : نوض شوفه و فكر في يلي قتلك عليه
منذر : تمام ( و ناض بدل و طلع )
.
.
بوهم : نوضوا شوفوا الباب يطقطق
مراد : اهو نايض هي ( مشى فتح لقى منذر ) تفضل تفضل
منذر : زاد فضلك
مراد ( خششه المربوعة ) : هي تو اناديهم
( خش كلمهم و طلعوا لمنذر و لما ثواب سمعت ان منذر جاي مشت تتصنت )
بوهم : انت عارف ان بوك جاء الايام يلي فاتن و طلب مني ثواب ليك !!
منذر : اكيد انا يلي مقايله و منلقاش خير من تربيتك ياعمي في الزمن اهوا ( ثواب تسمع و مصدومة و خوتها يشوفوا لبعضهم )
بوها : بس هي قالت .... ( وقاله على يلي قالاته ثواب )
منذر : اسف ياعمي على الكلمة بس بلكي هي تبي حد ثاني ! عاد ي اصلا كل حد و حريته يمكن هي قالت هك و اخترعت الكلام اهواء عشان عارفتكم مش حترفضوني
( ثواب بعد سمعت كلامه الأخير خشت لدارها و حاولت تفهم شن يدور في رأس منذر معرفتش )
بوها ؛ نحن معندناش بنات هك يديرن وتوا كنت اتقول واثق من تربيتك !
منذر : آسف بس كنت نوضحلك و لو هي مش موافقة عادي و الله و حنقعدوا هل موضوع تافهه زي هك مش حيأثر 😊
بوها : هو وين نلقى لبنتي واحد زيك
منذر : تسلم ياعمي بإذن عطيني اسبوع اثنين هك و انديروا حاجة رسمية
( طبعا الخوت فرحانين انهم بيفتكوا منها )
بوها : تفضلوا ياولدي في اي وقت
منذر : هي نستأذن
بوها : اقعد مزال بكري
منذر :و الله عندي مستشفى توا ان شاء الله الجايات اكثر 💜
( ودعوا منذر و هم فرحانين )
بوهم : ثواااااب
ثواب : جيت نعم !
بوهم عطاها كف : انتي كيف تقدري اديري هككك تكذبي عادي ؟!
محمد : اهو الولد جاء و قال مقلتش شيء !!
ثواب تبكي : وصدقتوووه ؟؟؟ و الله العظيم ماكذبتش هي
مازن : هالدموع ميكملنش خلاص اه و بنفتكوا منك
( و الام واقفة و قلبها بيتقطع على بنتها يلي نهشنها الذئاب و هي مش قادرة ادير شيء 💔)
بعد اسبوع :
رنا : هيي تبكي يوم بيانك اسس خلاص
ثواب : يكذب و الله يكذب عليهم حاسة شيء في دماغه بيديره
رنا : انتي اطلعي من سجن هلك بعدها ساهل 💔 ، احم ثواب
ثواب : شن ؟!!
رنا : محمد سأل عليك ( ثواب رفعت عيونها في رنا تراجي فيها تكمل ) و قتله مخطوبة عشان معش يفكر فيكك
فلاااش باااككك قبل يومين☀
ابراهيم : أسأل قريبتها هي حتجيبلك الخبر الصح
محمد : بننزل توا معش فياا صبررر اسبوع و انا نسحن
ابراهيم : امشي أسألها
( نزل محمد يدور على رنا لقاها مقعمزة ) : سلام
رنا : اهلين
محمد : آسف على الازعاج بس نبي نسألك على ثواب
رنا : ارجوك فوتتها راهي مخطوبة و هلها لو سمعوا انك تسأل عليها حيقتلوها ( متندريش شن يلي صار هي و محمد دماغه ركب ان ثواب ضحكت عليه معنى هي لاعطاته لا حق ولا باطل )
محمد : ت ت تمام ( و ركب خدا فونه و مفتاحه و خلا ابراهيم ينادي و هو ميردش )
ابراهيم : حتى يوم قررت تحب يا صاحبي تعذبت 💔💔 ربي يبرد نار قلبك
.
.
نردوا للوقت الحالي 🕗
رنا : مكيااجك تخرب
ثواب : ااااه يا ربي امتى بنفتك بسسس فديييت
رنا : ان الله مع الصابرين 💜
ثواب : ونعم بالله
رنا : خلاص هي
( البيان كان بسيط اقارب بس و منذر قال لأمه تطلعها للمربوعة عشان يلبسها الدبلة )
ثواب خشت سلمت ببرود اشر من برود منذر : اهلين
منذر : اهلين
ثواب : قبل لانلبس هالخاتم بنقولك شيء
منذر : شن !
ثواب : كيف قادر ترقد و انت افتريت على بنت !!! و قلت عليها حاجات !!! عارف شن معنى قذف المحصنات ؟!!! ولا مسلم بالفطرة !!! و يكون في علمك انا مش مسامحتك لا دنيا ولا آخرة تمام و هالخاتم تو نلبسه بروحي لان قعدت نتقزز منك يا دكتور 😏 ( و خدت الدبلة و خشت و منذر مصدوم من كلامها )
منذر "فعلا انا امتى قعدت هكك !؟؟ "
(و طلع يجري لين وصل لحوشهم لقى بوه )
منذر : بوي ......
يوسف : شنننن شننن خطر عليييك توا اكيد هبلت انت ؟!!!
.
.
#رواية_ثواب
#rwayat_br0o
أنت تقرأ
ثواب 💜 ( روايات ليبية ) مكتملة
Misterio / Suspensoرواية ثواب ❤ المقدمة : اسم غريب و رواية اغرب تروي قصة فتاة تدعى ثواب عاشت الكثير في حياتها و عانت الكثير ،و لكن شقت حياتها تحت إسم{ القانون }، لمحبي انواع الآكشن و الألغاز أقدم لكم هذه الرواية ، و هي اول رواية لي بهذا الاسلوب الروائي اتمنى ان تنال...
