ثواب 💜 ( روايات ليبية ) مكتملة

الحلقة17 💜

رواية ثواب ح 17 💜
.
.
ثواب بخوف : شن في ؟!!
رنا : بنقولك بس متهزبيش
ثواب : احكي طيحتي قلبي
رنا : تذكري مرة لما قلتلك ضفت خوك محمد على الفيس
ثواب بقلة صبر: ايييه
رنا : ايوا قعدت نحكي معاه على أساس وحده اسمها تامي و قعدنا نحكوا شبه كل يوم لعند أمس إعترفلي شوي درتله بلوك قلت نردله حتى شوي من العذاب يلي ضوقه ليك
.
.
فلاش باك 🎥
.
محمد " هووف و الله بنعترفلها لأن بجد حبيتها " ، تامي
رنا : نعم
محمد : بنقولك شيء من قبل نبي انقوله لكي
رنا : قول ان شاء الله خير
محمد : انا حبيتك بجد و نبيك بالحلال
رنا " يسسس و اخيرا يا اخ " ( و مشت طول للحظر و دارتله هضك البلوك السمح يلي يمسح على الكبد 😌 و سكرت الايميل بعدها بساعة )
محمد بصدمة : هيي دارت بلوك مش من جدها !!! قصدي لالا اكيد نشاته ( و عمكم محمد قعد يخرط ان كيف و هك و قعد يراجي فيها تحولة ) ، يااربي حتى يوم قررت نحب و ننحب تسكرت في وجهي
.
.
نردوا لثواب توا 💜
( ثواب تسمع و دمعة في عيونها )
ثواب : صح ربي معطانيش خوات بس عطاني بنت خالة احن عليا من خوتي ( و حضنتها ) ربي ما يحرمني منك يارب
رنا : هووف نحسابك بتهزبي 😂
ثواب : معقولة ! شوفي ( و ورتها يدها يلي طفى عليها الدخان مرة ) ، بعد هذي تبيني انقولك ليش و نهزب ؟! تصدقي عمري ما حسيت عندي حد ننسند عليه لو تسكرت في وجهي الدنيا لو منذر ناض انا شن اندير وقتها ؟؟ لو انقولك توا عايشة مرتاحة أكثر من لما كنت في حوشنا !
رنا : يا حمارة انا وين مشيت انا نسندك و نعطي منذر طريحة لو حتى جرحك بكلمة ، و طبيعي غادي اريح اول شيء في Tv و فون و نت و جناح بروحك
ثواب : مرات ندعي انقول ان شاء الله ما ينوض و مرات انقول حرام امه واجعتني صح مرات تطول في لسانها بس في الأخير ولدها الوحيد هضا 💔
رنا : ردت ثواب الحنونة 🌚 مش قلتي الوقت هكي يبي خلاص خودي الأرض امتاعك بعدها ساهل
ثواب : خاطري بنعرف شن قصتها هالأرض ، يييح عمي اهو يرن اكيد جاء ( و فتحت الفون) ايوا عمي
يوسف بفرحة: ياابنتي منذذر ناااض و توا جايك بنمشووله ( و سكر )
ثواب بصدمة : ن ناض نااض يا رناااا
رنا : ثواب حبيبتي اهدي عشان متخربيش على روحك
ثواب : يا ربي كون معاي و عطيني القوة يارب
رنا : بحتيلي هنا و انقولك شن اديري تمام !
ثواب مسحت دموعها : تمام
رنا ......
ثواب : تمام ، هي بنطلع انا عمي برا
رنا : تمام اطلعي "طلعت ثواب تلاقت مع سوزان "
سوزان بتصنع : هيي ثواب ياقلبي استاحشتك وين الغيبة
ثواب "وووه هالحصلة " اي غيبة ليا شهر انجي هنا
سوزان : منشوفش فيك ، و قبل نبي نعزمك على بياني انا ولد عمي محمد اكيد تعرفيه اهوا يلي في المكتبة
ثواب بقلة حيلة : باهي مشاء الله ربي يكملك على خير ، انا نستأذن بنروح توا
سوزان : تمام بس في العرس نبيك اول الحاضرين
ثواب " من امتى هالصحبة اصلا نقعيه محمد اصلا عارفته دارها يبي يقهرني هه " ان شاء الله هي سلام
( و طلعت قابلها خالد ) " عليييك يوم يا ربي فوته على خير " ( ركبت مع عمها و هو فرحان ان ولده ناض و كلم خوه يلي هو اب ثواب )
يوسف : عمتك من امبكري غادي شالها ولد خوها
ثواب : اهاا كويس
( وصلوا للمستشفى و ثواب كراع القدام و كراع لاوره و خايفة من مصيرها المجهول )
يوسف : خشي خشي
ثواب : تمام "ثواب هو يلي غلط مش انتي تمام " ( و خشت لقت لطفية و ولد خوها لما شاف ثواب طلع و يوسف كلم لطفية على أساس ان بيخليلهم الجو )
ثواب : احمم الحمد الله على السلامة ( ومتبيش اتشوفله لان حيشوف الحقد و الكره في عيونها )
منذر : آسف
ثواب : هه على شن بالضبط ؟؟؟
منذر : عمي برا !
ثواب : منندريش
منذر : سافرتلها هضك اليوم
( ثواب انصدمت بعدين قالت )
ثواب : ميهمنيش وين كنت و حتى مسألتكش ، اهاا ولا بتقول لبابا بنتك هي قالتلي امشيلها ؟!! تي اصلا انت حرام تنحسب على الرجالة تمشي وراء كلام بوك خودها عشان الارض ، على فكرة لا تحلم بالأرض و لا السماء اصلا يلي زيك انت و بوك حرام تنعدوا على البشر .
منذر : كملتي ؟
ثواب : لو نقعد من اليوم لسنة القدام منقدرش نوصفلك كرهي ليك انت و بوك
( خش يوسف و ثواب شافتله )
يوسف : عمك و اولاده برا
منذر : خششهم جو في وقتهم
( طلع يوسف بينادي عليهم )
ثواب : هههه حلو بتعاود نفس السيناريو بس في المستشفى ، على فكرة انا تغيرت و معش نخاف الا من يلي خلقني ( و خشوا خوتها و بوها ومعاهم يوسف )
كلهم : الحمد الله على السلامة
منذر : الله يسلمكم احم ( و جاء بيقعمز )
يوسف : بالشوية
منذر دف يد بوه : نقدر نقعمز بروحي ( كلهم استغربوا الحركة و على رأسهم ثواب ) ، نبي نحكيلكم و ارجوكم محد يقاطعني لين نكمل
بو ثواب : احكي يا ولدي ثواب دارت حاجة
(ثواب ضحك بهزوة و وجع على معاملة بوها ليها )
منذر : لالا يا عمي ، في يوم روحت للحوش نداني بوي و قالي خطبتلك بنت عمك ثواب ( قص عليه يوسف )
يوسف بتوتر : هه هه منذر انت تعبان ارقد
منذر : كلله منكك يلي صاير فيااا خليني نكمل و نريح ضميري ، يومها مشيت لثواب في المستشفى و قلتلها نبي بنت و نحبها و ان نبيها ترفض و فعلا كانت اشجع مني و واجهتكم اما انا بوي هه غواني قالي على الأرض يلي مسيبها جدي لثواب و انها تسوى ( هنا بو ثواب شاف ليوسف بصدمة و يوسف منزل رأسه ) وافقت و لما كلمتوني قلبت الكلام عليها و فعلا يوم البيان قالتلي كلام خلاني نرجع شوي لعقلي بعدها قررت قرار ظلمها و هو العرس مكنتش نوتي لعرسي زي ما كنت نوتي في شنطي يلي بنسافر بيها ل حبيبتي ( هنا كلهم انصدموا حتى يوسف و خوت ثواب معش عرفوا شن يديروا ) اها سافرتلها يوم زفتي في العشية و روحت بعد اسبوع بعدها قعدت في استراحة واحد صاحبي و في يوم وسوسلي الشيطان و شربت ومعش نندري على شيء من يومها ، يا عمي راهو بنتك متربية و ما عمرها فكرت تنزل رأسك ولو كنت معاها يومها و مطلعتهاش كذاب راه موصلتهاش لهنا
محمد جاي متهجم عليه : يااا كلببب مزال عندك عين تعاتب كيييف بس وثقنا فيييكك ( شوي و يسمعوا حاجة طاحت من طولها )
ثواب : هييي باااااباااا 😭😭 ( جو طبوه اولاده و طلعوه من الغرفة بسرعة و يوسف مش مصدق يلي صار وثواب بتلحق خوتها لين وقفها صوت منذر التعبان )
منذر : ......
ثواب : 😦😦😦😦 ش ش شنوو
.
.

#يتبع
لو لقيت تفاعل واجد عليها حنقعد انزل كل يوم ان شاء الله 💜
#رواية_ثواب
#rwayat_br0o