ثواب 💜 ( روايات ليبية ) مكتملة

الحلقة 18 💜

رواية ثواب ح 18 💜
.
.
منذر : تعرفي واحد اسمه محمد ...
ثواب : 😦😦😦😦 ش ش شنوو
منذر : بوي ممكن شوية تخلينا
ثواب : بنمشي لبابا انا
منذر : عمي من الصدمة هك صارله المهم كلام مهم يلي حنقوله ليك
( يوسف طلع ل لطيفة )
منذر : زي ما تعرفي ان يلي راقد في غيبوبة يحس و يسمع في يلي جنبه ولا !؟
ثواب : مجربتهاش عشان انقول صح و لا لا
منذر : هههه المهم يا بنت عمي سمعت كلامك يوم جيتيني و جاني بعدها واحد اسمه محمد و قالي :
.
.
فلاش باك 🎥
محمد قبل ما يسافر جاء لمنذر بعد ما عرف ان هو راجل ثواب من امه لما قالتله : يناري على ثواب حتى ولد عمها يلي خداته قالوا في المدرسة راقد في غيبوبة ( و ربط الأحداث لما مشى للمستشفى )
محمد : هههه يمكن انت متعرفنيش بس انانعرفك المهم انا محمد .... يلي عمري في حياتي ما فكرت في بنت ولا فكرت اندير علاقة حياتي عبارة عن قضايا و و و هههههه مكتبة الكلية يلي لقيت فيها البنت يلي كل شخص يتمناها ثواب 💜 ااااهه صح حرام انجيب اسمها على لساني بس هو كل يوم في قلبي انت خديتها مني و رقدت هنا 💔 ثواب بالرغم ان كلهن على بعضهن يومين هدرزنا فيهن بس كأن نعرفها سنين ، هه بس توا خطبت خلاص و ربي يهنيك بيها
الممرضة : معليش انتهى وقت الزيارة
محمد : تمام طالع 💔
.
.
نردوا للحاضر 🎥
.
منذر : و الدليل عيونك لما قلت اسمه انك تعرفيه وعيونك لما نحكي كنتي تتعذبي  ، عارف اني كنت اناني و متجرد من الإنسانية آسف قوليلي شن اندير عشان نصلح غلطتي ؟؟
ثواب بدون تردد : طلقني هضا الشيء الوحيد يلي نبيه منك حاليا
منذر : تمام اول ما نطلع حنطلقك
( طلعت ثواب مشت لبوها يلي اامدايريله أوكسجين و راقد )
محمد : وين كنتي ؟؟؟
ثواب ....
مجاب: محمد منش في وضع يسمح لعرايك توا
مازن : استغفر الله المشاكل الايام هذين يصبن صب علينا
مراد : انا بننزل الكافتيريا
ثواب : ممكن لو حد تكرم فيكم يشيلني انجيب دبشي من حوش يلي ما يتسموا
مراد : هي تعالي
ثواب : لالا لين ينوض بابا نطمن عليه
محمد : اصلا هو هنا بسببك
ثواب : و الله !! بسسببي انا ؟؟؟ انا يوم يلي وقفت و قلتلكم شن قال كذبتوني و طلعتوني نبي واحد ثاني انتم يلي اول ما جاء فرحتوا بيه كأن كنت عبىء كبير عليكم متقولش انا نخدم فيكم و انت يا سيد محمد توا بسببي طلعتها ؟؟ هو هنا بسبب صدمته في خوه يلي قال على سر الأرض لا غير
( محمد جاي بيتكلم ناض بوه )
بوهم : اسكتوا خلاص في الحوش نتفاهموا مش هنا
مراد : هي امشي قدامي عشان اتجيبي دبشك
( مشت ثواب مع مراد لحوش عمها و كان فاضي عشان عمها و مرته يالا ولدهم في المستشفى ، لمت دبشها و جابت الآيفون امتعاها و طلعت لخوها و مشت لحوشهم )
امها : كنك بسم الله
ثواب : بنتطلق
امها حطت يدها على قلبها : علييش
ثواب : ماما الله يربحك و الله فديت خليني نتريح و بعد بابا و الثانيين يجو تو يحكولك ( وخشت ل دارها ) ،الله استاحشت سريري المريح 💃 (و رقدت لين جتها امها تنوض فيها )
امها : ثواب نوضي بوك جاء هو وخوتك و يبوك
ثواب : اووف قوليلهم راقدة نبي مزال نرقد 
امها : نوضي الله يربحك شوفيهم شن يبوا و ردي ارقدي بلا مشاكل
ثواب رفعت رأسها : و الله ماني نايضة باهي و قوليلهم انا معش نخاف من حد (وردت رقدت ولا كأنها 😂)
امها طلعت : ربي يهديك يا بنتي
بوها : وينها ؟
امها : ا ا راقدة تبيش تنوض
مازن : ريت ريت ولا كأنها امدايرة حاجة
بوهم: اسكتتتوا خلاص خلوها ترقدو بعدين نتفاهم معاها
( كلهم استغربوا بوهم لان مقالش لحد نوضها بالسيف عنها زي كل مرة )
.
.
عند رنا :
رنا : اوووف يا بلوة ردييي خسارة ما وصيتها
امها : كنك تنفخي شن صايرلك ؟
رنا : نرن على ثواب متردش
امها: ثواب من امتى عندها فون ؟
رنا : داره ليها عمها
امها : اها وانتي شن تبي فيها ؟!
رنا : نبي نسألها لان الاسبوع الجاي آخر مادة
امها : اها شغلي دماغك بس
رنا : ماما شن رأيك نخش في مجال الجنايات 💃
امها : وشن يطلع هضا ؟!
رنا : تو بعدين نحكيلك الدبة ثواب ترن ( وناضت مشت ل دارها ) ، واخيرا رديتي
ثواب : نبي نرقد كنككك
رنا : هييييييي طح سعدك انا ناكل في روحي وانتي متمرقدة ؟
ثواب : تو خليني نصحصح و انوض و نحكيلك تمام ؟ رنا : تمام انتلفي 🌚 ( و سكرت )
( ثواب قعمزت و هي تلف في شعرها طقطق الباب )
ثواب : خشي ( تحسابها امها ،خش بوها و في يده اوراق )
بوها : صح النوم
ثواب : سقمت تقعميزتها صح بدانك 💜
بوها : آس ( قبل لا يكمل ثواب حطت يدها على فمه )
ثواب : متتسأفش حتى لو كنت غالط انت أب اكيد كنت تفكر في حاجة معينة ، صح شلت عليك انت و خوتي بس بعدين عادي
بوها : هذين أوراق الأرض امتاعك يلي سيبها لك جدك
ثواب : جدي ؟؟
بوها : جدك الله يرحمه قبل لا يموت سيبها لكي ... (وحكالها )
ثواب : الله يرحمه و الاوراق خليهن عندك
بوها : انا الحمد الله قاعد نتغير و الدنيا فيها حياة او موت
ثواب : ربي يطوللنا في عمرك و يديمك فوق رؤوسنا
بوها : حنطلقك منه يلي ما يتسمى و الكلية انا حنقعد نشيل و انجيب فيك تمام ( حضنت بوها و لأول مرة هو يبادلها الحضن حست فعلا انه سندها و عندها على من تنسند ) ، هي نوضي تنشطي و اطلعي هدرزي علينا
ثواب: تمام هي ( طلع بوها و هي طول اتصلت ب رنا و حكتلها )
رنا بعياط : الحمدددد اللله و اخيرا و اخيييرا
.
.
عند محمد ن :
روحوا من العمرة و الناس مبطلوش مشي و جي محمد ركب لداره يبي يتريح خشت عليه
سوزان : محمد
محمد : هي انتي وين خاشة على الأقل طقطقي
سوزان ببراءة مصطنعة : اسفة، بعدين انا خطيبتك عادي
محمد :  احم سوزان انتي بنت عمي على عيني و رأسي بس انا تسرعت لما خطبتك
سوزان بصدمة : ك ك كيف ؟
محمد : ان شاء الله تلقي يلي احسن مني
سوزان دموع التماسيح : بس انا نبيك انت محمد
محمد : صدقيني مش حتلقي السعادة عندي و توا ممكن تتفضلي برا نبي نتريح
( طلعت سوزان و مشت لسطاح عت عمها و .....
.
.
#يتبع
# رواية_ثواب
#rwayat_br0o