ثواب 💜 ( روايات ليبية ) مكتملة

الحلقة 9 💜

ثواب ح 9 💜
.
الدكتور : الحمد الله يلي جبتوها بسرعة المريضة صارلها هبوط ضغط و سكر مع بعض و لو تأخرتوا كانت حاليا لا سمح الله ميتة بس توا الحمد الله وحتقعد عندنا اليوم عشان انديرولها فحوصات
محمد : م م م متأكد ان مفيهاش شيء ؟!
الدكتور : حاليا لا بس بعد الفحوصات نزيدوا نتأكدوا ، وقبل لا نمشي نبي انقوللكم ان الممرضة قالت ان المريضة تعرضت للتعذيب ، شن تقربلكم هي ؟!
مراد : ا ا اختنا
الدكتور : متجوزة ؟
مجاب : لاا
الدكتور: حنفتحوا محضر بسبب هالشيء لان متعرضة للعنف بشكل كبير و ياريت تعرضوها لدكتور نفسي لان حتى النفسية ليها دور كبير على صحة المريض وتوا نستأذن و الحمد الله على سلامتها
محمد : اذنك معاك ، الله يسلمكك
مراد : كلم بوي قوله
محمد : نسييته بكككل ( و طلع فونه و رن على بوه ) ، الو
بوهم بخوف : هاا شن صار ؟
محمد : ما ماتتش عندها هبوط في الضغط و السكر
بوهم : الحممممد اللله ياربب و امتى مروحين ؟!
محمد : قال الدكتور لازمها كم فحوصات وهك و حتبات الليلة
بوهم : و الله توا ليل و عارف انت في الليل منسوقش  خليكم جنب اختكم وتو في الصبح انجي انا و امكم
محمد : تمام تصبح على خير
بوهم : وانت من اهل الخير ( و سكر )
الام: الحمدد الله يارربب يلي رديتلي بنتي الحمد الله
.
.
مازن : زعمك اتقول في التحقيق ان نحن يلي ضربناها ؟!
مراد : نحس فيها حتقول لان كبدها دم علينا
محمد : لالا شن اتقول تو نهددها ( يلي فيه عويدة يبيها 😂 "مثل ليبي")
مجاب : توا راقدة هي
محمد : تخايلوا ماتت !!
مازن : اسكت ترا وانت تفاول
محمد : انا نازل للكافتيريا تبوا حاجة ؟!
كلهم : بننزلوا معاك ( و نزلوا و قعمزوا في الكافتيريا بعدها سمع محمد جاه مسج على الماسنجر ( تعودت على سؤالك عليا كل يوم غريبة وينك اليوم ❤)
محمد : هلا تامي ، اختي مرضت و حاليا قاعد معاها في المستشفى
رنا : حييي ثواب في المستشفى ؟!!!!
.
.
Stoooop
يس رنا دايرة ايميل مستعار و تكلم في محمد بدافع حتعرفوه بعدين 💜
.
.
رنا : ياااروحي كنها؟!!
محمد : بردة عادية
رنا : حي على الكذاب انتم ما اتشيلوها الا للحاجات الصعبة
رنا : اممم ربي يشفيها ان شاء الله
محمد : ان شاء الله ، اي قوليلي شن جوك
رنا : تمام ماشي امتحاناتي على وشك
محمد : تقري انتي ؟!
رنا "والله نوريك هييي ": هههه اكيد في بنت متقراش في الوقت اهوا الا لهلها جاهلين بس ميخلوهاش تقرأ ولا هي متبيش
محمد"شكلها دماغ " : هههه صح صح معاك حق لازم البنت تقرأ
رنا : اختك شن تقرأ ؟!
محمد : اختي صغيرة في الابتدائي 
رنا "حي على كذبته و حي ": اممم ربي يحفظها ان شاء الله ، انا نستأذن ماما تبيني  و ان شاء الله لابأس على اختك
محمد : اذنك معاك ، الله لا يواريك بأس " غريبة مش لصقة زي البنات التانيات 😂"
.
.
الممرضة : تقدروا تخشوا المريضة ناضت
مجاب: مراد خش انت الاول
مراد : تي انت الاول ، ولا لالا مازن خش
مازن : تي وين محمد !!
محمد : شن صار ؟
مازن : ناضت ثواب
محمد : هي نخشوا ( و مكأناش هو احد الاسباب يلي فيه هي توا ، و خشوا ثواب اول ما شافتهم دارت وجهها عليهم )
خوتها : الحمد الله على سلامتك
ثواب : ...
محمد : غير ردي
ثواب : ليش مخليتونيش نموت ؟!! على الاقل ربي ارحم منكم ، اوو ولا نسيت كان هضا مش حتلقوا وحدة تفشوا فيها غلكم و تحرقوها بالدخان في يدها مش حتلقوا وحدة ساكتة و متحملة يلي اديروا فيه و مع هضا كله شكرا انكم اسعفتوني و ممكن توا تطلعوا نبي نرقد ( و جت بترفع الغطاء كم يدها ارتفع و بانن اثار التعذيب زرق على موف على اسود خريطة لين قعدوا يشوفوا لبعضهم و طلعوا )
ثواب: هه تو اتشوفوا ثواب الجديدة شن حدير و ربي الشهادة حناخدها و غصب عنكم هي
.
في الليل الساعة 11 🌃
.
عند محمد :
نعيمة : محمد محمد تي هييي ( و اشرتله بيدها )
محمد : نعمم
نعيمة : وين سارح كنت نكلم فيك
محمد : شيء ضغط الشغل بس
نعيمة : ربي يفرجها عليك
منار : غريببة قاعد وخيي اليوم
محمد : ابراهيم ميردش
منار : كان مش طالع انديروا شاهي بالنعناع هكك
محمد : هههه اتقول عزوز ، ديري هي( ناضت منار للمطبخ) 
نعيمة : احميدة شن فيك ؟!!
محمد شافلها وابتسم : مافيا شيء و الله اطمني
نعيمة : شوف فونك يرن
محمد : اوو هضا ابراهيم ، الوو و اخييرا رديت
ابراهيم : في المستشفى الوالدة تعبانة شوية
محمد قعمز : خير ان شاء الله كنها؟
ابراهيم : مش عارف و الله اغمى عليها و جبتها
محمد : دقائق و نكون عندك
ابراهيم : و الله ليل توا ماك جاي تعالى الصبح
محمد : تي و الله ماني قاعد شوية وجاي ( وسكر)
ابراهيم : عناد ياربي
.
الصديق الذي لا يتركك في المصائب هو اخ ولدته الدنيا و هو دعوة ام و رضى الله عليك 💜💜💜
#كتاباتي
.
.
نعيمة : شن في ؟!
محمد : بنمشيله امه في المستشفى
نعيمة : كنها بسم الله ؟!!
محمد : مش عارف بنمشيله و خلاص
نعيمة : رد بالك ياولدي من الطريق و قوله ان شاء الله بكرا انجي انزورها
محمد : ان شاء الله هي سلام
.
.
محمد : هي تعالوا نرقدوا في السيارة
مجاب : تي تعالوا نروحوا وفي الصبح انجوا ماعندنا ما انديروا هنا
مازن : اي صح
مراد : هي هي نبي نرقد
( و روحوا و خلوا قطعة منهم في المستشفى تبكي و مش حد معبرها )
.
في الريسبشن :
الممرضة تتاوب1 : نبي نرقد
الممرضة 2: بنمشي الكافتيريا ناخد قهوة لينا و انجي
الممرضة 1: تمام
محمد : السلام عليكم
الممرضة 1: وعليكم السلام تفضل ؟!
محمد : في وحدة هنا اسمها عائشة ...
الممرضة تحك في عيونها معبيات نوم: اصبر ( وطولت هي تدور )
محمد : هاتي السجل تو ندور
الممرضة : هههه اسفة بس نعسانة
محمد : ولا يهمك ( وخدا السجل و لقا اسم ثواب و انها ضمن الحالات يلي كانت تحت الخطر و شاف ارقام الديار و مشى )
الممرضة : بس ممنوع الزيارة توا
محمد : مشيها مشيها
الممرضة : يلا ما علينا ( ومشى محمد لقى روحه قدام دار ثواب تردد بيطقطق بعدها سمعها تبكي و قرر انه يغتنم الفرصة و طقطق )
ثواب مسحت دموعها : خ خش ( تحسابهم خوتها )
محمد فتح الباب : نخش !!
ثواب بصدمة : ا ا انتتت ؟!!
.
.
#رواية_ثواب
#rwayat_br0o