ثواب 💜 ( روايات ليبية ) مكتملة

الحلقة 22 💜

رواية ثواب الحلقة 22 💜
.
.
محمد : بندير العرس بعد شهر من اليوم ( وطلع)
منار شافت لأمها بصدمة : قتلك ك ك كارثة
بوه : شن قصته ولدك !! عمره و مشى قال بنخطب و خطبناله ؟؟؟
نعيمة : عوينه و جاته وليدي الناس تحسد حسبي الله و نعم الوكيل
منار صبت : هي بش توتي لعرس ولدك انا راكبة بنقرأ
نعيمة : ياربي كنهم صغاري مش زي صغار الناس واحد هبل و التانية برود
الاب : ماهو كان وريناهم العين الحمراء من البداية مكانوش هكي
.
.
عند ثواب :
رنا : كساااد بككل
ثواب : شن تبيني انديرلك ؟؟؟
رنا : هففف قتلك انا بنتخصص قانون جنائي
ثواب : حي عليك يعني حتقعدي بين الجرائم ؟
.
.
القانون الجنائي هو القانونُ الذي يساهمُ في فرضِ عقوبةٍ محددةٍ على المجرمِ بعد التأكدِ من ارتكابه للجريمة من خلال الاعتماد على الأدلة المتوفرة، وأيضاً يُعرفُ القانون الجنائي بِأنهُ مجموعةٌ من النصوصِ القانونيّة التي تساهمُ في وضعِ حدودٍ، وعقوباتٍ على الأفراد سواءً بصفتهم الشخصيّة، أو الصفة التي يمثّلونها وهكذا يساهمُ القانون الجنائي بالحدِ من أي سلوكياتٍ تؤدي إلى تهديدِ الأمن العام في الدول، ويعاقب الأشخاص الذين يتجاوزن ويُخالفون التشريعات القانونيّة.
( هذي نبذة عنه عشان توضح الرؤية عندكم 💜)
.
رنا : اها نحب الآكشن 😌 ،وانتي يا خوافة
ثواب : انا خليني في المدني خيرلي
رنا : هههههه تخصص مفيشي آكشن بكل
.
القانون المدني القانون المدني عبارةٌ عن مجموعة من القواعد التي تعمل على تنظيمِ العلاقات بين الأفراد، إلا إذا تناول هذا التنظيم فرعاً من فروع القانون الخاصّ، فيتم اللجوءُ للقانون الخاصّ للقضاء، ويشتملُ القانون المدنيّ على نوعيْن من العلاقات القانونيّة، الأولى اختصّت بتنظيم علاقة الفرد مع أسرته، وقد سمّيت بالأحوال الشخصيّة وتحكّم في المسائل المتعلقة بالأهليّة، والوصية، والنسب، وأحكام الزواج والطلاق، والميراث، أما الثانية فقد اختصّت بتنظيم علاقات الأفراد الماليّة، وتضمّ المعاملات، والأحوال العينيّة المتعلقة بالنشاط الماليّ للشخص.
.
.
ثواب : بس سنتين حننتسب
رنا : علييييش ؟؟؟
ثواب : معنديش خلوق نشوف وجوهم
رنا : محمد و رزان ؟
ثواب : اها
رنا :توا الهي خودي شهادتك بعدها ساهل و لو الإنتساب اتشوفي فيه تمام خلاص انتسبي
ثواب : يستر الله
.
.
بعد شهر :
يوسف : كل شيء واتي
غالية : اها واتي انت جبت فلوس الحوش ؟
يوسف : جبتهن هي مالا الطيارة قريب وقتها
( يس يوسف خدا غالية و باع كل شيء يملكه في ليبيا حتى مرته و ولده الوحيد  و سافر ، وصلوا للمطار شوي و قالوا نداء على المتجهيين لتركيا و ركبوا )
غالية : وعد حنعوضك على كل لحظة شينة مع لطيفة يوسف ابتسملها : عارف هالشيء 💜
غالية " و الله مانك عارف حاجة هه و كان يندري بس شن يلي جايه " بنرقد لين نوصلوا
يوسف : تمام
.
عند منذر و امه :
منذر : خلاص هج مات فطس معش لينا علاقة بيه
امه تبكي : قهههرنني في وسطط كبدييي ، يا خسااارة العشرة يلي بينااا ، اختتتي يا ناااس طلقني و خدا اختتي اااه يا ربي خودني و ريحني
منذر : تتمني في الموت عشان واحد توا يضحك و مش مدورك ؟؟؟ مش قبل وانا صغير اتقوليلي متبكيش على الحاجة لما تريح ؟ لأن لو فيها خير كان ربي سيبها ليك ؟
( لطفية شافت لولدها قديش كبر و حمدت ربي انها عنده ولد و قدمت حضناته و اتقول )
لطيفة : الحمد الله يا ربي ان عطيتني سند يارب احميه
منذر : هي اغسلي وجهك و ماشي انجيب غدانا من برا تمام !
امه : خلي تو نطيب
منذر : لالا متعمبيش روحك اميرتي تو انجيب
امه : شن غيرك ؟
منذر بدون تردد : ثواب غيرتني ( و طلع وهي تفكر شن دارت فيها لما هو في غيبوبة و ندمت في كل لحظة كانت تتعامل بالشينة مع ثواب )
.
.
عند محمد ن :
الكل كانن نعيمة و بناتها يعولن بدون نية كأنه حاجة على قلوبهن لدرحة نعيمة حست أن سوزان الكنة الأخيرة متقولش مرت ولدها وحيدها كان عرس أقرب ما يكون بالمكتئب و محمد مزال الأحلام اتجيه و هكي  فات العرس و قعدت سوزان حرم محمد
يوم الجمعة :
منار : اووف و اخيرا كمل العرس الاحرف هضا
منتهى ( اختها المتزوجة ): اسكتي تو يسمعنك بنات خالاتك
منار: و الله ما كأن عرس حميدة يلي نراجوا فيه لينا وين ، و احسن شيء امها قالت مفيش محضر مخاطريش انشوف خلقتها وجه البومة
منتهى : فكينا من المشاكل و هو مدام سكن بعيد معناها مش حيجيبها الا بعد وين و وين
منار : ان شاء الله
.
.
عند محمد ن و سوزان :
ناضت عمتك سوزان الصبح دوشت و قعدت توتي في الفطور لمحمد و رشت عليه بودرة بيضة ( السحارة : هضا حطيله منه لما اطيبي حاجة عشان يقوى المفعول )
محمد : صباح الخير
سوزان حطت وراها البودرة : ص صباح النور 💜💜
( وقعمز قعد ياكل بعدها شافلها )
محمد : كولي كنك تبيش تاكلي ؟
سوزان : اه ههه انا نفطر على قهوة بس تو لما نجوع ناكل

محمد : بدلي مدام مفيش محضر نطلعوا ندهوروا
سوزان بفرحة : حاضر حبيبي ثواني ❤ ( لبست سوزان و طلعت هي ومحمد و تصور و حالة )
.
.
عند ثواب في الكلية :
رنا : خلاص يعني بتنتسبي رسمي ؟؟
ثواب : اها و انتي سجليلي المحاضرات
رنا : لا يافالحة حتى انا بننتسب زيك ولا تحسابيني بنجي بلاك للكلية ؟
ثواب : هيي رنا هضا جاي في جهتنا هضا هو اخ سوزان
رنا : شن يبي زعمك
خالد : سلام
رنا ، ثواب : !!
خالد : اكيد مستغربة من جيتي ؟ آنسة ثواب
ثواب : تعرفني نعرفك ؟؟
خالد : انا حبيبك ولا نسيتي ؟؟
ثواب : هييي انت شن تخرط
خالد: انا كبدت فيك و ناوي نتقدملك
ثواب : هه السماء اقربلك
خالد : هههههه لو تراجي في الاستاذ محمد راه زفته الخميس يلي فات و مرته تكون اختي ( رنا و ثواب شافن لبعضهن بصدمة )
ثواب : من انت و من محمد اصلا ميهمنيش لا محمد و لا أختك و انت توا حول من قدامي لأن قرفتني
خالد : ....
ثواب بصدمة : ككييف
.
#يتبع
النهاية على وشك نتمنى لحد الآن كانت الرواية على المستوى المطلوب 💜💜
#رواية_ثواب
#rwayat_br0o