ثواب ح 24 و الأخيرة ج 1 💜
.
محمد: آسف ( ثواب انصدمت متوقعتش انه لهدرجة تغير ) ، آسف لكل مرة احتجتيني فيها و مكنتش جنبك آسف لكل مرة كنتي تتعذبي فيها و زدت عذبتك
ثواب ببكاء : فعلا كنت متمنية كل يلي قلته كنت متمنية خوتي كلهم اعلى مني شهاداتهم كنت نتمنى ان يكونوا حاطيين فيا الثقة لو كنت بين مية راجل كنت في كل صلاة ندعي بس شكله ربي استجاب دعائي
محمد : مسامحتيني ؟
ثواب مسحت دموعها : اها
محمد : بنقولك سر
ثواب : شن !!
محمد : اليوم مشيت قدمت في كلية الهندسة هي صح نسبتي شوي ضعيفة لكن قالولي عادي ( نطت ثواب و حضنت خوها و هي فرحانة بكمية التغير يلي فيه ) ،الفضل يعود لرنا ❤
ثواب : هههههه مش هينة مرت خوي
محمد : ههههه غير خليها تفكر فيا هي
ثواب : تفكر تفكر متخافش 😌 محمد بفرحة : بجدد !! ثواب : جد الجد زيادة
محمد : الحمممد الله
ثواب : لهدرجة تحبها !
محمد : هي الوحيدة يلي قدرت تغيرني ❤
ثواب : ربي يحضرني عرسكم ان شاء الله
محمد وقف : ان شاء الله 🙌 ، هي بنمشي نرقد تعبان تصبحي على خير
ثواب : وانت من اهل الخير
( رقدت ثوا و هي تحمد في ربي ان حياتها بدت تتغير للأحسن )
ثاني يوم الصبح كلهم مقعمزين على سفرة الفطور
بوهم : عندي ليكم خبر
كلهم بتركيز : شنو !
بوهم : محمد خاش في جمعية من قبل و مبلغ كويس و انا فلوسي من ورثة المرحوم قاعدات ، فنحن شرينا حوش معتبر و مشرح وتوا نفطروا و نمشوا عشان اتشوفوه ( كلهم مصدومين مكانوش يتوقعوا نهائي يلي صار ، كملوا فطورهم و بدلوا و مشوا ، ثواب مقعمزة يا لا امها في السيارة )
ثواب بصوت واطي : ماما شوفي الفيلا هذي تهبل
امها : اي ( شوية و توقف السيارة عليها و نزل محمد فتح باب الكبير يلي يخششلها )
ثواب بفرحة : بااابا هضا حوشنا !!
بوها : اي ان شاء الله ( الفيلا كانت في نص الأرض و فيها نافورة و شجر مثمر و شكلها حلو المهم خشولها و عزموا الناس يلي يعرفوهم و رنا باتت مع ثواب )
رنا : الله مش مصدقة يا ثواب ان هضا حوشكم
ثواب : اسكتي حتى انا مش مصدقة ( و يطق الباب )
محمد : ثواب نخش ؟ رنا قلبها يدق و تتكلم بالشوية : قوليله لا بالله ( ثواب عزقت الوشاح على رأس رنا )
ثواب : خش حمادي ( خش محمد و سلم على رنا و هي تفنص في ثواب )
محمد : شن الجو آنسة رنا !
رنا : كويس الجو يهبل
محمد : اها كويس عجبك المكان؟
رنا : اها حلو
محمد : لأن بنبدأ نبني فوق فقلت انشوف
رنا بصدمة : ش شن دخلني انا
محمد : اها صح مدخلكش ، على فكرة بديت في كلية الهندسة
رنا : شنووو ق قصدي كويس موفق ( ثواب ميتة ضحك على رنا و محمد كيف يحرج فيها )
ثواب : خلاص على البنت خليها
محمد : هههههه تمام تصبحن على خير يا مفترسات(وطلع)
ثواب : وانت من اهل الخير باش مهندس
رنا : مستحيل هضا محمد وانتي تضحكي و تبصري معاه ؟
ثواب : الله يهدي من يشاء
رنا : سبحان مغير الأحوال
.
.
في حوش محمد ن :
بوه : خلاص يا نعيمة قلتلك الولد جاني و حكالي كل شيء
نعيمة : بس إسمه مطلق !
بوه : خسارة ما انك استاذة و معلمة اجيال هضا تفكيرك !!!؟
نعيمة : كل ام و تخاف على بنتها و مستقبلها
بوه : هو بكرا بيجيب امه لأنها كانت في العدة و انتي شوفيها لو تمام ولا لا
نعيمة : باهي خلاص
.
ثاني يوم :
منتهى : كنك منار نحس فيك متبيش ؟!
منار : ماما مش عاجبها
منتهى : مرات اليوم تغير رأيها ، المهم مرت خوكم المصون وين لعند توا مجتش ؟
منار : فكة منها منبيلهاش وجهه
منتهى : اتقول هي اول من حيجيب حفيد في العالم
منار : فكينا من سيرتها و خوك مايرضى فيها حاجة
منتهى بضحكة : كان ماتطلع دايرتله خطين هههههه
منار : ههههههه نتوقعها منها هذي ، صوت ماما تنادي
منتهى : تو نمشي انشوفها اكيد جت عزوزتك هههه
منار : مصح وجهك قاعدة موافقتش
منتهى : دكتور يا عيني من زيك هههههه ( ومشت لأمها )
منار " زعمك واخدني عشان ينسى ثواب ! يارب اخترلي ولا تخيرلي "
منتهى : كان انقولك
منار : ها
منتهى : عزوزتك طلعت بنت ولد عمة ماما ، اووف حاجة هك المهم طلعن قريبات بعضهن و طاحن فيها سلام
منار : الله الدنيا قديش صغيرة
منتهى : هي تعالي عشان القهوة ( مشت منار قدمت القهوة و لطيفة عجبتها منار واجد )
لطيفة و كأنها تقرأ في دماغ منار : شوفي يا بنتي و اهو قدام امك لو خايفة انك تاخدي منذر انه طلق او هك راه منذر و ثواب مكانوش يبوا بعضهم و الدليل طلاقهم بعد شهر و نص و توا انتي لو وافقتي بتجيني كنتي و بنتي و ولدي رايدك
نعيمة : ان شاء الله خير يالطيفة
( كملت لطيفة تهدريزها و روح بيها منذر ).
بوهم : شن !
نعيمة : طلعت لطيفة بنت عمي محمود
بوهم : الله على النصيبات
نعيمة : و الله تريحتلها خلاص قوله يحدد موعد عشان حاجة الرسمية
بوهم : أسئلي بنتك قبل نعيمة : سألتها و موافقة
بوهم : ان شاء الله على خير ، و ولدك وينه هو مرته !
نعيمة : و الله ولدك تغير ياخوفي بس
بوهم : من شن
نعيمة : الله اعلم .
.
( فاتن الأيام و دارت منار بيان و العرس قالت لين تتخرج و من الأيام فاتن 6 سنوات )
ثواب مقعمزة مع خوتها
ثواب : وووه اليوم أول يوم عمل
محمد : واخيييرا بنتخرج و بناخد رنااا
مازن : مش مصدق ان امس فتحت مول خاص بيا و الفضل يرجع لأحسن محامية ثواب
ثواب ضرباته على كتفه : مش بينا مزون
مازن : شن قلتلك معش اتقولي مزون ولا !!!
مجاب ناض يحك في عيونه : كنه صوتكم عالي
ثواب : الوحيد يلي قاعد متمسك بالورشة يلي عنده
مجاب: صبح صبح و انتي رايحة زي امي هالأيام
ثواب : هههههه ربي يردها هي و بابا طيبيين
محمد : عمري ما سمعت بعمرة شهرين
مجاب: هو يبي يتفسح مع العزوز و يختمها بعمرة هههههه
ثواب : هييي وقت بنمشي للمكتب محمد توصلني ؟
محمد : وين سيارتك !
ثواب : مجاب شوفها ليا مش عارفة كنها
مجاب : تو نكسد عليها بعدين
.
.
اكيد مش فاهمين شن يلي صار في 6 سنين !!
ثواب تخرجت و باعت الأرض و جابتلها سوم كويس بكل دارت لمازن مول بدل محل المواد الغذائية البسيط و بوها عطاها الإذن ادير سيارة في الأول عارضوا خوتها بس محمد على غير العادة وقف معاها و علمها عليها .
.
في السيارة :
رنا : صوت دوشة انت وين
محمد : شايل ثواب لشغلها سيارتها خاربة
رنا : ييي عالشغل اليوم العملية الكبيرة
محمد : قلتلك خشي قانون مدني زي ثواب انتي سكرتي رأسك على الجنائي تحملي ما يجيك توا
رنا : انا هك نحب
ثواب : موفقة رنوووش
رنا : سلمك ثوااابي
محمد : بعد تكملي طمنيني
رنا : تمام
( وسكرت ، وصلت ثواب للمكتبها الخاص شافت اللافتة المكتوب عليها ، مكتب المحامية ثواب ... ابتسمت و خشت )
في حوش هل محمد :
منار : رواسي اقعدي في مكانك نكلم بوك راه
نعيمة : خليها تلعب حتى انتي يا ما شردتيني
منار : و الله مهبلتني و منذر و عمتي مايتحملوا فيها حاجة
نعيمة : معش وصلتكم اخبار عن عمك ؟
منار : لالا اهو ليا 4 سنوات متجوزة منذر عمره ماجاب سيرة بوه و عمتي حتى هي
نعيمة : باهي المهم راحتك توا
منار : و الله عمتي حاطتني على كفوف الراحة و شادة رواسي
نعيمة : ربي يعطيها صحتها ان شاء الله
منار : ان شاء الله ، لؤي تعالى
لؤي : نعم عميمة
منار : ماما و بابا وين
لؤي : بابا شال ماما لصاحبتها
منار : اهاا تمام العب مع رواسي رد بالك منها باهي
لؤي : حاضر ( ومشى )
نعيمة : و الله هالولد مربى من ربي تحطيه على الجرح يطيب متقولش عمره 6 سنوات
منار : اها في حاجات من محمد
نعيمة : اها
( طبعا سوزان ماشية بتجدد السحر حطها محمد قدام حوش نور و هي دارت نفس لقطة امتاع خالد و مشت للسحارة )
.
الضابط : استاذة رنا مستعدة !
رنا : تمام بس اول مرة نخش معاكم في عملية هكي
الضابط :تمام ( و خدا اللاسلكي ) حول حول اقتحموا
العملية :
هي .......
.
.
إلى اللقاء في الجزء الثاني من الحلقة الاخيرة من رواية ثواب 💜
.
#رواية_ثواب
#rwayat_br0o
أنت تقرأ
ثواب 💜 ( روايات ليبية ) مكتملة
Mistério / Suspenseرواية ثواب ❤ المقدمة : اسم غريب و رواية اغرب تروي قصة فتاة تدعى ثواب عاشت الكثير في حياتها و عانت الكثير ،و لكن شقت حياتها تحت إسم{ القانون }، لمحبي انواع الآكشن و الألغاز أقدم لكم هذه الرواية ، و هي اول رواية لي بهذا الاسلوب الروائي اتمنى ان تنال...
