ثواب 💜 ( روايات ليبية ) مكتملة

الحلقة 5 💜

ثواب ح 5 💜
.
.
محمد : باهي شن إسمها
نعيمة : ثواب ....
منار : الله حلو اسمها 😍
محمد غص  : كح كح كح
نعيمة عطاته المية : بسم الله اشرب اشرب
منار بخبث : محمد شن صار ليش غصيت
محمد وقف : هي الحمد الله و راه معرفتهاش تو نسأل عليها ( و طلع )
بوه : هي حتى انا وقت عليا
منار : بابا وصلني انت اليوم 😢
بوها : مالا ليش دايرلك باص و ندفع كان انشيلك انا ( و طلع )
نعيمة : افطري كويس عشان مدوخيش
منار : نبيش 😑 نيتي انسدت
نعيمة : هضا كله عشان باص ! توتوتو دلع وخلاص
منار : اهو حسه يبيب البلاء ، سلام
نعيمة : في أمان الله
.
.
عند ثواب و رنا 💜
.
ثواب : و اخيرا كملنا شيتاتك
رنا : جيعانة
ثواب : انتي فجعانة مش جيعانة تي ساد جاياتك قبل الشحاتة و بنتها مفروض انتي تعزميني
رنا : أمري لله نعرفك حرفة و تتجملي عليا هي قدامي نمشي نفطرك 😒
ثواب : يسس هيي تبعيني 😍 ( و قعدن يمشن و يهدرزن لعند وصلن الكافتيريا )
رنا : شن تبي ؟
ثواب : نبي بريوش فرش و ميلكا و. .
رنا : هييي من توا الفجعانة سم هضا كله وين بتحطيه قعمزي على الطاولة و تو انا انجيبلك 😒
ثواب : هسسي فضحتي بيا ، خلاص مشيت
( ومشت قعمزت على الطاولة و قابلها ولد قعد ينابش فيها بس مبتش تعدل عليها دارت روحها مركزة في الشيت لعند جاء و بيحط الرقم بس في شيء مسك يده قبل لاتوصل لثواب )
محمد ن : هك ربوك هلك ؟!
الولد : انت شن دخلك
ثواب حست المشكلة بتكبر : هيي محمد ( محمد انصدم ) كيف حال خالتي ( بمعنى كأنه ولد خالتها )
ولد : ا ا آسف و مشى
محمد : ك كيف إسمي
ثواب : ا ا قلت بالصدفة ( مبتش اتقوله انها تعرف ان هو نفسه يلي في المكتبة )
رنا غمزت لثواب : من ؟
ثواب : استاذ هنا
محمد : محامي محمد  ( و مشى )
رنا : حي على جدتك من هضااا
ثواب :  ....( حكتلها من اول مرة اتشوفه لعند توا )
رنا : omg جنتل مان 😭👑
ثواب : هسس فضحتي بيا .
رنا : تخايلي تحبوا بعضكم و تجوزوا و ..( وقبل لا تكمل قاطعتها ثواب )
ثواب : هي هي وقفي خيالك تحسابيها رواية ولا مسلسل تي حتى في الروايات مش هكي
رنا : 😂😂 بنت خالتي البطلة
ثواب : امشي قدامي امشي المحاضرة مزال عليها ربع ساعة بس
رنا : وشن بنديروا في هالربع ساعة ؟
ثواب : نشرحلك شي حاجة
رنا : Let's go 👏
.
.
عند شخصية حنسطعوا عليها الضوء في روايتنا :
رزان : بنات
صحباتها : ايوا
رزان : من عندها معلومات على ثواب ؟!
صاحبتها : يلي تعطي في دروس ؟
رزان : بالزبط !
صاحبتها : نعرفهاش ، ليش تسألي ؟
رزان : ا ا خوي امس مروح بيا شوي عجباته
صاحبتها : تو انجيبلك عليها معلومات ، هي مقعمزة غادي هي وبنت
رزان : ماشي بنات هي المحاضرة بدت
( و مشن البنات لمحاضرتهن و محمد بعد ماخدا النسكافيه امتاعه مشى للمكتبة )
محمد :" شن دخلني و كان عطاها الرقم ! مرات هي تكون تببيه او معجبة بيه ! كان معجبة بيه ليش قالت كيف حال خالتي ؟ تو انا شنن دخلني بيها و ليش نفكر فيها !؟ باهي من يلي معاها ؟ وليش امي قالت ان هلها واعريين معناها حتى فون معندهاش ؟ " تي خليني نكمل القضية الهم هذي
ابراهيم : سكنهم مساكنهم شن صارلك اطرشقت مالا
محمد : قصةةة طويلة يا صاحبي
ابراهيم قعمز : يا ساتر يا ساتر احكي
محمد : مش توا نوض عندي قضية بكرا الجلسة
ابراهيم : العتب عليا جايك و نغيرلك في جوك
محمد : اقعد هي ( وقعدوا يهدرزوا و رنا و ثواب طلعن من المحاضرة )
ثواب : هي تعالي للمكتبة امتاع الكلية بنقري البنات
رنا : اصبري منمشي نشري نسكافيه قبل
ثواب : امشي و تلقيني سابقتك
رنا : تمام
( و مشت رنا للكافتيريا و ثواب للمكتبة خشت لقت محمد و ابراهيم يهدرزوا ) :
ثواب :" اياااه علينا "السلام عليكم ( و قعمزت في مكانها و كأن في الصبح مصار شيء ) "ثواب ركزي والا حتفقدي كليتك بسبب حاجة طايشة "
.
.
ملاحظة : يلي بين العلامة هذ " معناها الشخص يتكلم في سره
.
ابراهيم : هي نخليك توا نتلاقوا في الليل
محمد : تعال هدرز عليا انت
ابراهيم: قول لأبلة نعيمة توتيلي بكبوكة من تحت يديها بس
ثواب : " زعمك كيف حالها ابلة نعيمة 💔 محتاجة لنصيحتها انا 😢"
محمد : تم تم غير تعالى
ابراهيم : هي سلامات
محمد : سلام
.
.
( رنا شادة النسكافيه و ادندن و تتفرج على الكلية و فجأة )
رنا : عمىىىى ان شاء الله
ابراهيم : يعمييكك ان شاء الله انتي الغالطة
رنا : باهي يلي شديته كويس كان هضا رزيتني فيه
ابراهيم : على نسكافيه ناس قفاصة و تخايلي تبزع عليا و حرقني
رنا : و الله ذنبك على جنبك كان متشوفش
ابراهيم : تي امشي من قدامي الناس قعدوا معش يتحشموا ( و مشى )
رنا : ان شاء الله تتكركب يارب ( شوية و تسمع حاجة متكردفة برا ، شافت من الروشن لقت ابراهيم عاتر في الخيط و طايح و جايين اولاد ينوضوا فيه طلعت فونها و صوراته و مشت هي تضحك لقت ثواب تشرح قعمزت يالاها و هي تتفرج على المكتبة لقت محمد شاد ملفات و حالة قعدت مركزة معاه لقاته مرة مرة اطيح عينه على ثواب ، بعدها ركزت مع ثواب و شرحها لين كملت و طلعن البنات و بدت تلم في شيتاتها لين قاطعهم صوت )
رزان : هاي يا بنات
رنا ، ثواب : اهلين
رزان : امم بنات مشفتنش حمادي
رنا : من؟
رزان بخبث: ح م ا د ي ، هيي ولا خلاص لقيته
( رنا و ثواب يشوفن لبعضهن مستغربات و محمد كذلك مستغرب ان رزان واقفة على ثواب )
رنا : كنها هذي فيش تحس
ثواب : فكينا منها و هي انا بنروح
رنا : راجي خلي نوصلوك على طريقنا بابا قريب يجي
ثواب : لالا يا خية انديرلكم تعبة تو نروح آهي خطوة
رنا : يا بلا شوفي الجو مغيم
ثواب : حلو نحبها المطر
( هضا كله كان تحت مسامع محمد يلي مكانش مركز مع رزان نهائي )
رزان : سمعتنيي
محمد : شن قلتي ؟!!
رزان : " توقعت عيونك و وأوذانك معاها لكن مش حنسمحلها تاخد مني لو مهما ادير" نبيك تفهمني في النقاط هذين قبل لايجي خالد
محمد : "عليييكك حصلة " هاتي الشيت انشوفهن و بكرا نشرحن لكي
رزان بدلع : تموم ان شاء الله ما نفقدك
(محمد ناض لم حاجاته و توجه بيطلع بعد ماشاف رنا و ثواب طلعن)
رنا : يابنت كنه رأسك يابس قلتلك السماء مغيمة و شكلها مطر قوية جاية روحي معانا
ثواب : بنروح على كرعيا يا بنت تي انا في جهة و انتي في جهة ، و هي سلام نتلاقوا بكرا
رنا : عناد يا ربي ، سلام
( و طلعت عمتكم ثواب و بدت السماء تبشبش و بعدها بدت تقوى بشوية بشوية لين حست سيارة وقفتلها قعدت تسرع في مشيتها وقريب تبكي لين سمعت حد ناداها )
....:ثواااب 😡😡
ثواب : 😨😨
.
تتوقعوا من يلي وقف عليها ؟
رزان شن يلي ناوية عليه ؟ وهل حتضيف قصة جديدة لروايتنا ؟
#رواية_ثواب
#rwayat_br0o