ثواب 💜 ( روايات ليبية ) مكتملة

الحلقة 13 💜

ثواب ح 13 💜
.
منذر : بوي نبي العرس بعد اسبوعين
يوسف : شنننن شننن خطر عليييك توا اكيد هبلت انت ؟!!!
منذر : لا مهبلتش كلموني يبوني نمشي لمصر في ندوة غادي يبوني فيها ( كذب ينزل عليه الله اعلم من وين 💁) و مدام هي بنت عمي عادي تقدر تتفاهم معاه
يوسف : متأكد من يلي بديره ؟!!! امشي للندوة بعدها تعالى و دير عرسك بالشوية عليك
منذر : نبي نطول غادي المهم انت كلم عمي ( و ركب لداره و قعد يتردد في وذنه كلام ثواب ) نوعدك حتزيدي تكرهيني هه
.
.
كمل البيان و ثواب مقعمزة في دارها هي و رنا وحاطة الخاتم قدامها و متبيش تلبسه
رنا : ثواب مرات يكون فيه خير لكي
ثواب : خير !! تي اي خير بيجي من واحد زي منذر ؟!!
رنا : متندريش على ربي شن داسلك 💜
ثواب : ونعم بالله ، شن جو الكلية 💔
رنا : كويسة بكرا عندي نصفي بنمشيله من هنا
ثواب : هاتي الشيت نشرحلك
رنا " اههه ربي يفرجها عليك " : تمام هاك
ثواب : شوفي ..( وبدت تشرحلها و فات من يالا الدار مجاب )
مجاب :"ليش نحن هكي نعاملوا فيها !! هل انا ظلمتها اليوم هضك ولا لا !! يمكن لان لقيت الكل يعاملوا فيها هك عاملتها زييهم ، لالا البنات لازم تقسى عليهن عشان يسمعن الكلام و يخافن " ( ومشى للدار و رقد )
.
.
ثاني يوم :
محمد :صباح الخير
نعيمة : صباح النور وليدي
محمد : تبي شيء بنطلع
نعيمة : احميدة فيك حاجة ؟ ليك كم يوم متكدر
محمد : اطمني ضغط شغل بس 💜
نعيمة : متغطش على روحك و ترهقها راهي امانة ربك عندك حافظ عليها
محمد باس رأس امه : ان شاء الله هي سلام ( و طلع ) "صح لعند امتى و انا هك و هي كان مخطوبة عادي اصلا متهمنيش بس كيف مقالتليش ؟؟؟؟ " ( واستمر تفكيره لين وصل للكلية درس السيارة و هو بيركب في كرسي مقعمزة عليه رنا و بنات ثانيات و عاطيته بالظهر )
البنت 1: قصدك ثواب نخطبت !
رنا: ايه امس كان بيانها
البنت 2: مشاء الله لكن ليش سيبت قرايتها
رنا : ظروف 💔
البنت 1: اكيد صورتيها امس
رنا : اكيد طلعت آية من الجمال ( و طلعت الفون و توري فيهن و محمد واقف يسمع لين انتبه انها قالت ) : و هذي لما بتطلعله يلبسها الدبلة
محمد : هه "زيد احزن و هي عايشة حياتها "( ركب لقى سوزان تذكر ان ثواب متحبهاش ) ، سوزان
سوزان استغربت لان اول مرة ينادي عليها : نعم
محمد : بلغي هلك ان اليوم هلي بيجوكم
سوزان بإستغراب : عليش ، اسفة بس اول مرة تعطينا العلم
محمد : عشان موضوع يخصك و مشى
سوزان : موضوع يخصني ؟!! و هله خطوبة 😍😍💃 ( كلمت خوها و روحت قالت لأمها و خشت لدارها و فتحت الدولاب و قعد تقيس في اللبس و فرحانة )
.
.
عند ثواب:
بوها : بعد اسبوعين
(ثواب و مش هامها و ساكتة )
محمد : عادي معندناش ما انديروا
امها : كيف و دبش ليها و حجز امتى نلحقوا ؟!
بوها  : دبش شن و حجز شن ؟!! اهو مجاب يجيب باكووات عصير ساد بندفع فلوس على الفيلو
محمد تحرك ضميره شوي : تو انجيب حلويات
ثواب "شن التبلد يلي صارلي؟! عرسي هضا !! بس مش حاسة انه هك نحس بحاجة غامة على قلبي "
(محمد شاف لفونه لقى رسالة من تامي يلي هي رنا )
رنا : يا ناسينا
محمد : هههه و الله ما صارت قاعدة في البال بس كنت مش فاضي
رنا : اها ربي يعاون
محمد : اجمعين
( وبدوا يهدرزوا )
.
.
في العشية :.
خش محمد في يده شكلاطة و عصير و باقة ورد
منار : شكرا شكرا بس مش عيد ميلاد اليوم
محمد بحزم : امك وين
منار بخوف : كنك
محمد : امكك وين
نعيمة جت : شن في ؟!
محمد : وتي روحك بتمشي تخطبيلي
نعيمة : شن ؟!!!
محمد : اي اخطبيلي
نعيمة : كيف هك فن طب و من هي و بنت من
محمد : الناس عندهم علم كان متبيش نمشي بروحي
نعيمة خافت : هي هي نلبس بس ( و منار تشوف لخوها و عرفت ان في حاجة )
منار : ثواب ؟!!
محمد : من !!!
منار : يلي بتخطبها !؟
محمد : لا و معش اتجيبي سيرتها هذك
نعيمة : باهي من هما الناس
محمد : تو تعرفيهم ( و طلع )
منار : ولدك انجن للآخر
نعيمة : خوك مش بعقله و الله لولا الفضيحة قدام الناس راه ما مشيت
منار : ربك يستر
نعيمة : بعد بوك ينوض احكيله ( وطلعت )
منار : انا لازم نعرف الموضوع 😕
.
.
في السيارة :
نعيمة : كيف خطبة هك يا ولدي
محمد : زي مايخطبوا الناس ( وقف على حوش عمه ) نعيمة : ان شاء الله مكلم حتى مرت عمك بتمشي معانا
محمد : اخطبيلي سوزان ( ونزل و قعد ينزل في الحاجات و نعيمة مصدومة لين طقطق هو على روشنها و نزلت )
نعيمة : و الله ماك صاحي باهي سوزان تي شن فيها من حاجة مسقمة لا جمال لا اخلاق لا ...( و فتحوا الباب خشت نعيمة زي المرأة الطيبة خطبتها  )
.
.
منار : صح النوم
بوها : صح بدانك الحوش هاديئ وين امك و خوك
منار : ماشية تخطب لولدك المصون
بوها : منار كم مرة قلتلك بصارتك البايخة فكك منها ؟!!!
منار : و حق الله مانبصر هو امبكري جاء ....( وحكتله )
بوها : كيييف هككك كراع كرسي انااامنار : حشاك بس هضا يلي صار ( و خشت نعيمة شادة رأسها. و وراها محمد )
نعيمة : بتجلطني انت
الاب : فهموني هي ؟!!
نعيمة : قعمز و فهمنا هييي شن قصة سوووزان هذي يلي طلعتلنا بيها
منار خبطت جبهتها : سوزان !!!!
نعيمة : ( و حكتلهم يلي صار )
الاب : كويس بنت خوي اولى بيه بس كيف هك لا مشاورة لاشيء
محمد : قلت اكيد مش حتعارض و خلاص تو عمي يكلمك و اتفق انت و ياه و راه نبيش نطول بالعرس اهو قلتلكم ( وركب )
نعيمة : هاتيلي قهوة صادة
منار : حتى انا نبي مق قهوة من الصدمة 😑
.
.
رنا : تبصري
ثواب : ليش نبصر اهو بتحصلي عرس
رنا : ثواب بس كيف هك بلا بتات ولا خيمة ولا شيء انتي بنتهم الوحيدة
ثواب : كويس انك ذكرتيني اني بنتهم لان كنت ناسية رنا : لاحول ولا قوة الا بالله
.
.
بعد اسبوعين:
خلال اسبوعين مصار شيء الا ان محمد دار فضانية و رنا سمعت و قالت لثواب ان خطب سوزان 💃
الخميس :
محمد : هيييااا
منار : حتى بيانك فجعة
محمد بعصبية : مناااار
منتهى : هي هي طالعين ( وفنصت في منار )
.
.
رنا : خليك هك بنسقم الطرحة
ثواب : قلبي مقبوض
رنا : تعوذي من الشيطان
ثواب : اعوذ بالله منه
امها : هاك امية رقية ، جيعانة
ثواب شربت : لالا مش جيعانة
و فجأة صار يلي مكانش حد دايرله حساب ........
.
.
تتوقعوا شن يلي صار ؟!! وهل كويس ام لا 💔

#رواية_ثواب
#rwayat_br0o