ثواب 💜 ( روايات ليبية ) مكتملة

الحلقة 15 💜

رواية ثواب ح 15
.
.
ثواب : اسكتي عمى يرن ، ايوا عمي
يوسف يبكي : منذر يا بنتييي لقييته في المستشفى بين الحياة و الموووت 💔💔
.
.
قبل دقائق
يوسف حط ثواب في الكلية و بيمشي كالعادة بيدور على منذر على اتصال رقم رد : السلام عليكم
الرقم : وعليكم السلام ، انت تكون يوسف .....  مقدم بلاغ  ان ولدك مختفي ليه اكثر من اسبوعين ؟!
يوسف : ا ا ايه
المستشفى : اليومين يلي فاتن وصلنا للمستشفى و داير حادث و حاليا في غيبوبة و وضعه مش مستقر تقدر اتجينا في مستشفى ....
يوسف : ولدي بيمووت قصدككك ؟!! اهه ؟؟
المستشفى : تقدر اتجي و انقولولك على حالة ولدك ، و ان شاء الله ربي يشفيه ( و سكر )
.
.
مع الأسف في  معظم مستشفيات ليبيا ميهمهش كمية بشاعة الخبر او شن حتكون مشاعر الناس بالأخبار الشينة 💔💔 و هضا نموذج على هالشيء ☝
.
.
نردوا للحاضر .
ثواب : خلاص ياعمي اهدأ انت امشيله تو نروح على حوش هلي انا توا
يوسف : باهي هييي
.
.
(محمد اول ما شاف سوزان جاية جيهته مشى للمكتبة طول عشان مش طايقها )
رنا : شن في ؟!!
ثواب : منذر قال عمي في المستشفى 💔
رنا : يا روحي 💔💔 هي نوضي تو نمشي معاك لحوشكم
ثواب : اصبري بناخد الشيتات و المحاضرات يلي فاتني عشان بننتسب وخلاص
رنا : مبردك راجلك بين الحياة و الموت و انتي تفكري هك
ثواب : رنا مخاطريش نتكلم في الكلية و انتي عارفة كل شيء و كل يلي داره ولا ؟؟؟ خلاص هي نوضي
رنا : امري لله ( ناضن و خدت الشيتات و تسجيلات و هك و جاية بتطلع وقفها صوت )
خالد يكلم في الفون : سووزان قتلك عندي شغل بعدين مش حنقدر انروح بيك
سوزان : الشغل توا طلععع !!؟ و المحاضرات ؟!
خالد : و الله فيا و طلعت من هنا معاد رادها هي
سوزان : هفففف طالعة ( خسارة قبل تبي تهدرز مع محمد 😂)
ثواب "سوزان ؟؟ انا متأكدة هو نفسه يلي قلبلي حياتي و الله هالصوت يلي بسببه قاعدة نعيش في هالعذاب 💔"( نزلت طرف الخمار و تلفتت بتشوف شكله بلكي تعرفه و تلفتت لقت سوزان راكبة معاه ) "شن يقرب لسوزان ؟؟ وليش دارلي هككك ؟ واكك يا ربي فرجها "
رنا : ثوااب طرششش
ثواب : هاااا
رنا : من امبكري انكلم فيك و انتي طرشة  ، مجاب شافنا قعد يفنص راه
ثواب : مش هامني توا انا على ذمة راجل هو يتحكم فيا
رنا : اقوا عليهم 😂👏 ( وصلن للحوش طبعا مجاب مش مقصر مكلم خوته و بوه و ثواب لقتهم قدامها يفنصوا شوي جتها فكرة ) ثواب بالتمثيل  : 😭😭😭 منذر بيمووت يا بابا .
كلهم انفجعوا : كيييف
ثواب : عمي .....حكتلهم
بوها بخوف : محمد كلم عمكك أسئله اين مستشفى
ثواب : 😭😭😭
رنا " حي عليها تمثيل يا ربي لكن و الله ما سألوها على الكلية صحة ليها 😂😂👏"
محمد : في مستشفى ....
بوها : مجاب انت شيل امك و اختك لحوشها و الحقنا مجاب : تمام ( طلعوا البو و اولاده الا مجاب للمستشفى و قعدت رنا دروحها تسكت في ثواب لين رن بوها )
رنا : تمام طالعة هي ، فرخة ثواب هاتي رقمك نسجله ثواب طلعت فونها : هاك
مجاب بصدمة : شنو هضا
ثواب تبي تقهره : ايفوني
مجاب : من وينلك ؟؟ و معندناش بنت اديره نحن
ثواب بهزوة : و الله !! على ما اعتقد زوجتوني ولا ؟؟ و عندي راجل توا يحكم فيا مش انت وعمي يلي داره ليا ايوا ( مجاب انصدم من جلاطتها وسكت )
مجاب: انا في السيارة الحقوني ( سخن السيارة لين طلعن امه و ثواب و وصلهن و مشى للمستشفى )
.
.
لطفية تبكي : وليييدي وحييييدي ، كللله منككك انتي نحستيه خربتيله حياته
ثواب ناضت: ليش ممش يكون هو امداير ذنب و قاعد يسدد في الدين ؟( كلهم سكتوا و هي مشت لجناحها و لحقتها امها و لطفية مصدومة من لسانها و خواتها حتى هن انصدمن )
امها : كان يندري عليك بوك
ثواب : مش هو يبي يزوجني و زوجني؟؟ خلاص هو معش دخله فيا اصلا هو و اولادك دمرولي حياتي و الله تعبت منهم هييي
امها : الله غالب تحملي
ثواب : قدرة التحمل نفذت عندي و انا لو بنقعد على ذمة منذر لسبب واحد بس !!
امها : شن هو ؟!!
ثواب : بنكمل قرايتي و اليوم اصلا كنت في الكلية
امها : حي عليك و حي تبي تموتي انتي ؟؟؟
ثواب : و الله يا ماما حننتقم من كل حد دمرلي حياتي و خلاها باردة
امها : شن غيرك و خلا قلبك اسود هكي ؟؟
ثواب : الوقت هكي يبي صدقيني
امها : ربي يحميك و خلاص ( ثواب رقدت على كرعين امها )
ثواب : ماما خربشيلي شعري زي قبل
امها ضحكت :  قاعدة تذكري فيها ؟!
ثواب ضحكت : اهااا
.
.
في المستشفى :
محمد : كيف يومين و هو ليه اكثر من اسبوعين مختفي ؟!!!
يوسف : ااا و الله ما نندري
مراد : ان شاء الله يطلع يلي في بالي مش صح بس
بوه : اسكتوا  اهو الدكتور طلع
يوسف : طمني شن صحته
الدكتور : حاليا في غيبوبة مش معروف امتى ينوض منها يلي عليكم ادعوله بس
يوسف : ياااارب 👐💔
( روحوا كل واحد لحوشه و ثواب لما سمعت عمها جاء حكت عيونها عشان يبان كأنها تبكي عليه و متأثرة )
ثواب : عمي شن صار ؟!
يوسف : في غيبوبة ادعيله 😔
ثواب : 😢😢 ربي ينوضه طيب ، هي نستأذن نبي نرقد
يوسف : اذنك معاك بنتي
ثواب "هه بنتك !!! يانصاب انت و ولدك و الله حتشوفوا هي " ( و خشت لجناحها طلعت تشبس و خدت فواكه و مشت قدام TV قعدت تتفرج و تفكر لين خداها النوم )
.
.
ثاني يوم :
ثواب : صباح الخير
يوسف : صباح النور
لطفية : 😒
ثواب : عميمة صباح الخير
لطفية  : من وين بيجي الخير و انتي في وجهي ؟؟
يوسف يفنص فيها : ه هههه متواخديهاش زعلانة على ولدها 💔 ، ايه كنت انقوللها ان بنشيلها شن رأيك تمشي معانا
ثواب : تمام ( و طلعت مشت بتبدل )
يوسف : شن قلت انا مش تحمليها !؟؟
لطفية : و الله لو ولدي يموت مش حنسامحك انت وياها
يوسف :شن دخلني انا ؟؟
لطفية :انت يلي دبسته فيها
يوسف :نوضي نوضي بدلي انتي الظاهر فقدتي عقلك
(بدلوا و انطلقوا للمستشفى )
الدكتور : نسمحوا بشخص واحد بس يخشله
يوسف : ثواب خشيله
لطفية : انا امه انا اولى منهاااا 😭😭
يوسف فنص : لطفية
( لبست ثواب و عقمت روحها كويس و خشتله )
ثواب ...........
.
.
#يتبع
#رواية_ثواب
#rwayat_br0o