توالي المآسي

تقديم

🌹قصة قصيرة🌹
👑توالي المآسي👑
بقلم: أميرة الخيال kiiyara essaouira

شاب فالثلاثينات...الوسامة امامه تنحني ...فيه كل المزايا لي تحبها أي انثى ... الجمال النفود المال ...هادشي غير من نظرة منو تستنجها ... لاكن فداخلو هوا إنسان عديم الإحساس،مستهتر ماكيهتم بحتى حاجة.... تحطات ليه رفاهية على طبق من ذهب ،...باباه الغني ماكيبخل عليه بحتى حاجة
عاطيه حريتو المطلقة لا قيود ولا حدود ،كان كلشي بالنسبة ليه'بغيت وكيحضر'
مثلا سفريات،جولات،نزهات،عطلات دايمة،حتى القراية ماكانش كيديها فيها،حيت الفلوس كاينين ماعندو مايدير بالعلم بنظرو، ماكيعترفش بالقوانين،كيدير كل مابغا،بلا حسيب ولارقيب،
وهادشي لي وصلو لقمر الشراب ولعب بالبنات ....هادو هما هواياتو وهادي حياتو لي عاجبااه ومفتاخر بيها واخا كلها اخطااء ....،
السهير حاجة متجدرة ولاصقة فيه،أما أهلو،آخر همو،ماكيفكرش فيهم گاع،قاداه بطاقة البنك فجيبو وكافياه ... كلمة الاحاسيس او المشاعر مكيهموش . حيت قلبو وعقلو كيفكرو غير شنو ايلبس ومعامن ايخرج وفين ويدوي معا البنت ويعيط على لخرى حيااتوو كلها شكليااات.....الطوموبيل آخر موديل لي عندو،الحوايج بماركات عالمية فماريوه،هادشي كيخليه فغمرة السرور،يقدر مايدخل للدار على شحال،وحتى لو جا،فملجئو بيتو،ماكيديها فحد ... هادا عاادل .... انعيشو حياتو وحاضرو ومستقبلو .... انكتاشفو واش عادل ايبقى على نفس حالو ولا اتغير حياتو ومعاها حتى هوا ؟؟!!!