توالي المآسي

الجزء 21

خرج الدكتور من جيبو مظروف وقدمو ليه،احتاضنو عادل بقوة،كيشم فيه ريحتها.
[-بصح هدا منها]
《-أمل فتاة رائعة قوية،راها كانت أمل المشفى بأكملو،ديك الزهرة الندية كيما كنينا عليها،حيت كانت دبصح هاكاك كتنشر عبقها فكل مكان كتحل فيه،كانت عندها أشهر قليلة تعيشها،زرعات فيها البسمة والأمل فالمشفى،أثرات فينا بزاف حنا الطاقم الطبي،قبل ماتأثر بالمرضى،فكان لزام علينا نحققو أمنيتها الأخيرة،بأنو تولي ممرضة،ولي ما ساعفهاش القدر فإكمالها وتولي حقيقة،فأيامها الأخيرة كانت كتعيى بزاف،درجة ماكتمكنش فيها من النوم،لكنها كانت كتصر فكل صباح أنو تنوض،وماكتحسس تاواحد بألمها،كانت عارفة بلي نسبة نجاح جراحتها ضئيلة،بل معدومة،لكنها أصرات تدوزها،بل وحددات موعدها فيوم خروجك،باش طمائن عليك هو اللول،داك النهار ملي جيتي عندها وكنتي على وشك تكتاشف أمرها،ماصدقناش كيفاش حولات الأمر لماماها،فقط باش ماتثيرش شفقتك عليها،وماتعبكش معاها،عادل نوض،هيا مابغاتكش تألم عليها،بل أنو تفرح ليها،وتذكرها،رحمة الله عليها》>
هبط الدكتور راسو فأسى ساد عينيه على دمع قرب يفيض،ومشى مخلي عادل،فدوامة أفكارو،حل الرسالة،وغرق فكلماتها:[سلام عادل،إلى كنتي كتقرأ هاد الرسالة فحتما راك عرفتي بأمري،وحتما أنا مشيت^أولا:
بغيت منك تكفكف دموعك وتمسح وجهك،لأنك دبصاح كتبان كضحك هاكدا،هه،كنمزح،غانكون جدية دب:
《-واش بغيتيني نكون حزينة؟بغيتيني نتحرق بدموعك؟ها قول؟
(كيحرك راسو بالنفي)
إيوا كفكفهم ودب،(كيمسح بزربة ويعاودو ينزلو)
سمحليا حيت قلقتك،سمحليا حيت كدبت عليك،ولكن أنا مابغيتش نكون سبب تعاستك،وإنما بغيت نفرحك،كنعتاذر منك ع الدموع لي نزلو من عينيك،على الصدمة لي صدمتك،ولكن بصح ماقادراش نواجهك بيها.
عشت معك احسن أيام حياتي،نقدر نقول قلبي نبض بإسمك ولكن ماقدرتش نواجهك بيها،حيت نقدر نفرحك فديك اللحظة ولكن من بعد أنولي أتعستك،وهدشي لي ماستحملتوش.
أنا عارفة حتما بلي بغيتيني نبقى معاك،لكني فضلت الرحيل دب،باش مانخليش الفراق صعب،أنا آسفة إلى عتبرتي ماطرا كذوب
(كيهز راسو بنفي بهستيرية)،
فسامحني،(حنا راسو بآه بكل قوة والدموع عمرو حوايجو)
وكنتمنى يغفر ليا ربي كذبتي البيضا هاديك،راه انتهى دوري فحياتك دب،ماما وسيزار أمانة عندك اعتني بيهوم على ودي،إنتابه لراسك،ونفذ وعدك ليا،احفظلي ذكرى،وكون بخير،إلى كان ليا في قلبك بضع من احترام،وكنت عزيزة عليك،حياتك عيشها بفرح،عشها بسعادة،ماتخلي تاحاجة تحزنك،كيما كانت،دير الخير فالناس تلقاه فالآخرة،راه باقي عندك الوقت إنشالله فهاد الحياة،حقق أحلامك،وتشبث بآمالك،وماتيأسش نهائيا،خلي كلامي فبالك،ولاعمري قلقتك سمحليا،ملتقانا فالجنة بإذن الله."الوداع"سلام》>
هز راسو مزير على قلبو بشدة
[-آه فقط،لو تعرفي شنو كنكن ليك فقلبي،ماشي فقط احترام،خودي أقوى وأجل وأصدق المشاعر فالعالم راها ليكي من أعماق قلبي،بغيتك من قلبي أمل،حبيت طيبتك وصفاء قلبك،حنانتك وفرحك،عمري غانساك.]>
دخل الرسالة فالمظروف بعد ما باسها وشمها شحال،
(وخشاها فحوايجو عند قلبو)،
مسح عينيه بصفاء،وتوجه للأم المكلومة تماك،كيفما كان حزنو عليها ماغايكونش قد ألم مها،لي ثكلت بنتها فعمر الزهور،عارف مزيان احساس فقد الأهل حيت فقد من قبل أهلو وجرب اليتم،هز على عاتقو تنفيذ وصية أمل،قرب منها،وباس راسها:
[-البقية فحياتك أخالتي،عظم الله أجرك والله يرحم أمل]>
شافت فيه بعينيها الخامدات وهزات راسها برضى،كتئامن بالقضاء والقدر وكتقبلو،كيما دارت بنتها من قبل.