غاقرب هو يسمع الطبيب كيخاصم ويغوت:《-راه خاصك تنعسي،نتي مريضة وضعك خطير،ماتوقفيش،علاش نتي عنيدة آه منك،ماديرش راه مامسموحش.》
شوي سمع صوت أمل وهي كتجاوب الطبيب،دفع الباب بقوة مدهوش،نطقات الفرملية:
<- دكتور،حاولت نمنعو لكنو ماتصنتش>.
شاف فالبيت تلاقى السرير الأبيض وأجهزة الإنعاش،وكومة الأدوية على الخزنة،وأمل واقفة قدامو،حداها الدكتور ومرا واقفة مسمرة،كيبان عليها التأثر.
غوت عليها:
[-أمل.]
تقدمت جيهتو بذات الإبتسامة:
《-كتاشفتي سري.》
حل فمو:[-شنو واش؟.]
-أه هدي ماما المريضة راقدة هنا،مابغيتش نقوليك،وهذا هو سر وجودي هنا،باش نعتاني بيها.>
حس بنار تخمدات فداخله شوي مايقول الحمدلله على الملإ،لكن سرعان مارجع ليه الحزن على الأم المسكينة،يعني كانت طول هاد المدة كتعتني بماماها هنا،وهو كان ديما كيعايرها بشنو كتعرف ع المرض،اتضح بلي كانت كتعاشرو وكترقد حداه،حيت كان تماك سرير آخر صغير للمرافق.>
(حنا راسو بأسف:[-كنتأسف ع الخبر،أنا..(قاطعتو:《-ولاعليك،لكن شوفها ماباغاش تصنت لكلام الطبيب،بغات تنوض من فراشها بزز مني ومنو،قالتليك راها بيخير شتي شحال هيا عنيدة؟ودب زيدي يامامي يلاه يدي بيدك لسريرك يلاه》
جراتها من حوايجها وبقات غادا بالأم(لي فوجهها علامات ماكتفسرش)(والطبيب كيشوف فالموقف بغرابة بغا يخفيها)،تجبدات الأم على السرير بدون مقاومة،غطتها أمل وگودات الطبيب لبرا:
《-بلا ماتشطن أدكتور غادي تسمع الكلام،من دب الفوق،نخليوها ترتاح دب》
خرج الطبيب كيقلب فيديه،وانصرف مع الممرضة،وبقات أمل مع عادل فالممر،التفتات ليه:
《-ها شنو باغي المريض الشقي؟واش تانتا بتعارض الأوامر بحال حضرة الواليدة؟شنو جابك؟.》
[-لا والو،غير قلقت عليك،دكشي لاش كنت كنقلب عليك تا سمعت صوتك هدشي صفي.]
《-آه آسفة، ماخبرتكش بغيابي،راني اضطريت،كيما شتي ماما راقدة هنا فالمشفى،وراه ساءت حالتها البارح واضطريت نبقا معها.》
[-آه كنتأسف ليها،كنتمنى ليها الشفاء العاجل.]
《-كنتمنى لوأنو بعيد،الورم فمراحل متقدسمة وراه استشرى المرض فجسمها،وماعادش بالإمكان السيطرة عليه،العملية اللي قريب ديرها صعيبة ويقدر ماتخرجش منها.》
[-أمل كيفاش كتقولي هاكا؟نتي لي كتخليني نتحلى بالشجاعة باش نواجه مرضي كتقولي هاد الهضرة؟نتي لي كتشجعيني،وكتحيي جذوة الأمل فقلبي،وكتقولي هكا؟.]
《-فرق شاسع بين حالاتكم أعادل،نتا كتاشفتي الورم فبدايتو،وعندك فرص كبيرة للعلاج،والعملية جاية،وغاتشافى وتمشي،
لكن هيا مختلفة،هيا فمراحل متأخرة من المرض،الدوا هو فقط لمنع انتشارو بزيادة،ولتسكين آلامها،وإعطائها فرصة فالعيش أكثر،
حتى أنها كتفكر مدوزش گاع هاد الجراحة،وتخلي الموت ديها حيت عارفة لامفر ليها منها،وأخيرا غاتموت وتخليني》>
أنت تقرأ
توالي المآسي
De Todoسلام عليكم،أتيتكم بقصة جديدة قصيرة،ذات طابع درامي حزين ♨ مع بطلنا "عادل"،غاتعيشو أحداث متسارعة،مشاعر مضطربة:أمل-ألم-حزن-شوق وحنين مستمرين. طيش الشباب،ورفاق سوء،تنتهي بمأساة،تؤدي لتغير الشاب المستهتر المدلل من خلال صدمة حياته،... فتنقلب حياته إلى تح...
