توالي المآسي

الجزء السابع

حل عينيه بتثاقل وضيق وراسو قريب ينفجر،لقى الممرضة حدا راسو
《 على سلامتك》
هز راسو الملفوف بالضماد باقي دايخ،مامستوعبش فين هو،دخل الطبيب بتقريرو عليه:
《على سلامتك أسي عادل،مزيان ملي فقتي》
.(عادل حاس براسو دارو)[آش طرا ليا؟]
《د:درتي حادث وضربتي فراسك》
.(عادل عاد عرف مصدر الصداع)
[ماشي شي حاجة خطيرة؟!]
《د:حمدلله الحادث ماأثرش عليك،ولكن لقينا عندك حاجة خرى》
(عادل وسع عينيه
[أش عندي؟]
《د:(بتأسف)للأسف كتاشفنا عندك ورم فالدماغ》
.(عادل حس بالخبر نزل عليه كالصاعقة)
[-شنو؟ورم؟ماتقولش ليا عندي سرطان؟]
《د:للأسف آه عندك سرطان》
(عادل قلبو كيضرب بالجهد)
[يعني غانموت؟السرطان ماعندوش دوا]
《د:-لاسي عادل ماتقولش هكا،الأعمار بيد الله،وراه لكل داء دواء،ومن حسن حظك أنو الورم فأولو،دكشي لاش خصك مازال تبقى فالمشفى》عادل طلع نفس حار
[كاين أمل أدكتور؟نقدر نتشافى؟]
《د:كيما قلتليك،الورم مازال فبدايتو منقدرش نحكم دب،حتى تحسن شوية ونشوفو،ولكن خصك تبع دواك،وتبقى تحت المراقبة،وتلتزم بالراحة،وإنشالله يكون خير》
عادل الخلعة باقا شاداه،حرك راسو بآه،وحناه وتفكيرو منحصر فالورم،واش بصح غايتعالج؟وإلى زاد تطور؟واش أيموت؟سيطر عليه الحزن،وأيقن أنو حياتو ماغاتساليش م المآسي>.
خرج الطبيب بعد محاضرة لقاها عن امكانية العلاج وسهولة الموقف،لكن الحياة لي عاندت"عادل"طول هاد الفترة،ماكيتسناش منها تنصرو،بل مابقاش باغي يعيش فيها،وماكيهموش.

دوز أيام كئيبة تما.وفغمرة اليأس سمع ضحكات،جاتو عجب،شكون هادا لي فرحان وسط السبيطار؟وشكون هادا لي جاي كينشر الفرح،قهقهات رقيقة تتجول فأنحاء الغرف،وكتنشر البسمة فيها،تحل الباب ودخلت بنت ضريفة فمقتبل العمر سابقها البسمة،بوزرتها وحجابها الأبيض،ووجهها الطفولي وضحكتها الصافية،تقدمت جيهتو،كالفراشة المولونة،وقفات قدامو،وبصوتها الهادئ الرقيق تكلمات
《-مرحبابيك،سمعت بلي نتا جديد هنا،تأكد بلي غنكون فخدمتك،وغانعاونك تاتشافى دغيا》
نظراتو كانت باردة،خالية من التعابير،حرك راسو بآه،ودور وجهو،لجهة خرى.جات قدامو بوجهها البشوش،لي غي نظرة فيه كتريح النفس،مدات يدها،وبصوتها الأنثوي
《"أمل"ماتعارفناش،سميتي"أمل"》
ماشافش فيها گاع حد إسمها لي كيتردد فودنو"أمل".
قاس إسمها فؤادو وغرق فيه شحال،هو لي مابقاش لداك الإسم فحياتو محل،وتعوض بيأس.