توالي المآسي

الجزء الأول

فأحد الليالي ...وبجنب احد الملاهي اليلية خارجين زوج شباب واحد منهم من شوفة كيبان انو شراب غلبو رجليه مقادينش يهزوه وبجنبو الشخص لي شادو ومعاونو حتى يوصلو اللوطو .. حل ليه الباب ودخل كلس فيها
عزيز : عاادل .. ياكما بغيتي الماا ؟؟
عادل شاف فيه داايخ بشراب ...وحرك راسو بلا وغمض عينيه
عزيز تنهد وسد الباب وتم غادي لبلاصتو كيتحرق على حالو صاحبو عشيرو من صغر كلمة الأخ بالنسبة ليه صغيرة ... من نهار توفاو واليديه عتابرو عائلتو ... مكيتفارفش معاه وحتى من اهل عادل عزيز عليهم بطيبتو ورزانتو مأمنين عادل ليه .. عارفينو ايرد ليه البال واخا ديما كينصحو ويبغي يبعدو على هاد الطريق لاكن عادل مكيسمعش منو لهذا فضل انو يكون فجنبو يحميه ...واخا متساوين فالسن لاكن فالعقل فارق كبيير ..... عادل شخص طايش مستهتر تابع شهواتو وملذات الدنيا ... بعكس عزيز الرزين عارف بينو وبين الله بعقلو وواعي ....
برغم من انو كيمشي معاه لملاهي لاكن غير باش يكون فجنبو لاغير .... وهادي ليلة من بين الليالي لي ديما عزيز مخرج عادل سكران منها فطريق وكيف ديما عادل كيدندن ويغني ويجبد عزيز بالهدرة واخا مكيفهمش هدرتو الثقيييلة ....لاكن واخا هاكاك معزتهم عند بعض كبييرة مكيقدروش يستغناو على بعضياتهم ...
تمسع رن هاتف من جيب عادل ...
عزيز: جاوب اعادل ...( شاف فيه لقاه غيب ) نعستي ...
مد ايديه وخدا تيلي من جيبو .. عين فطريق وعين فتيلي يلاه ايربط الخط حتى تقطع .. رجع كيقلب على المتصل وفنفس الوقت كيسوق لقاها الأم ديال عادل ...
عزيز: ( شاف فعادل لي حل نص عينيه) عادل مي مينة كتعيط .. تدوي معاها ؟
عادل( مسح فمو من لعاب ورجع سد عينيه ) همم ..
عزيز فهمو انو دايخ بالشراب .. ويلاه ايعيط على ام عادل حتى طلعات نمرة اب عادل .. تعجب وربط الخط حطو على ودنو
عزيز: الوو ؟؟ ...
الشخص: الوو ... عادل ياك؟
عزيز( صوت لي سمع مختاالف ) لاا ولاكن شكون معايا انا صاحبو !
الشخص: انااا ..