توالي المآسي

الجزء الثامن

بقات الفتاة الحلوة الرقيقة مبتاسمة برغم أنو نخلها،جمعات يديها عندها وغطاتو
《نتمنى ليك الهنا،نوم مريح وأحلام سعيدة،سلام.>
بان الإنزعاج فوجهو وخا ساد عينيه.
منين غايجيه الهنا والنعاس والراحة وهاد الحياة ضدو،اصلا مابقاش لروحو قيمة،هو هنا كيتسنى غا الموت صفي.
خشا وجهو فالغطا لي لصقت فيه ريحة البنت الزكية،تضايق شوية لكنو استسلم للنوم موراها.
دازت أيام كتيرة فالمشفى كيتلقى العلاج،باكتئاب وبلا نفس،كيذبل شوية بشوية،ميت على قيد الحياة.ديما كدوز"أمل"تعاونو،وكيدير راسو ناعس،وبعد المرات كيجري عليها،ملي كتجي تچلس معه،ماكيحملش هدرتها،جوها المرح الهادئ والسعيد ماكيتناسبش بتاتا مع المشفى ولا مع نفسيتو.
دخلات عليه وحطات الغدا قدامو

:《تفضل بالصحة والراحة،كول مزيان باش تقد على الدوا وتولي بيخير،دغيا》

ماجاوبهاش ومالتفتش حدو ناض غسل يدو وچلس كيشوف فديك الماكلة،هز المعلقة بقا كيدوق ويحرك فيها تم،ناضت هيا هزات الما سقات الورد لي حداه وقلتليه:
《-هاد الورد هادا كينعش الواحد،كيخليه يكون متفائل،وسعيد》

خنزر فيها ورجع كياكل،جات قدامو وقلتليه:

《-وخا حنا مازال ماتعارفنا بيت نسولك؟علاش ماكتدويش وماكضحكش وماكتفاعلش؟واش كاينة شي حاجة مضايقاك؟قولي؟》
حط بغضب ديك المعلقة وهز عينيه فيها مخنزر

[-غادي تسدي عليا داك الفم براكى من بلا بلا بلا،حطيتيليا الغدا كتر خيرك سيري فحالك،وخاماشي شغلك،وثانيا ماشي  سوقك فيا نضحك ولاندوي،ثالثا ماعندي ماندير بتعارفك،فبلا ماتبقاي دوري بيا،وداك النفاق والتملق وديك الهضرة الزينة ديها كبيها فأقرب مزبلة ماخاصانيش،وتاداك الورد لي كتجيبي ديه معاك،كتسمعي..]

شافت فيه باستغراب من كلامو ونرفزتو بلاسبب
《-عفوا،ولكن أنا كندير غا خدمتي،ماشي نفاق أو تملق كيف قلتي،وكنعاملك كما جميع المرضى هنا،بسواسية،يمكن حيت كنتعامل بأريحية أكثر جاتك غريبة،ولكن هادي طريقتي》
[واسيري فحالك ماعندي مندير بديك الهضرة المنمقة ديالك دايرة ليا فيها آنسة لطيفة،ومحبوبة،ولاعبة دور أميرة المشفى
،(وبغوات اكتر)
فوتيني عليك كتسمعي خرجي]
تراجعات لور:
《-واخا كيما بغيتي أهم حاجة راحتك،كمل ماكلتك》

(وبنفس الحدة كمل
[-على زين ماكلتكم

(هز الپلاتو قلبو،لارض،هاكي خوديها وضرگي عليا زلافتك》
استهجنات تصرفو،وبان فملامحها الضيق وبنوع من الحدة نطقات:
《-هاديك نعمة الله ماخصكش تلوحها لارض لأي سبب،حرام،وانزعاجك مني،ماكيبررش ليك هاد التصرف》