توالي المآسي

الجزء العاشر

《حيت وجودي كيضايقك دكشي لاش》
[أنا ماعندي سوق ديري لي عجبك،خرجي ودخلي كيما بيتي وديري خدمتك،ماشي شغلي نبغي ولانكره]
بتاسمات فوجهو وقالت:
《-حاضر سي عادل،صباح الخير بعدا ونهار مبروك كنتمناه ليك،سلام😄👋》

وخرجات بمرح كالعادة وهادشي فرحو،شحال متسامحة وبزاف بسهولة رجعات تعاملها برغم أنو ماتكلفش تا باعتذار ليها على مادار.اكيد ماخصوش يعاود وخصو يحافظ عليها هادشي فاش فكر.>
بعد الغدا تسناها بفارغ الصبر تجي،ماكينكرش بلي رغم كلشي،ليها سطوة كبيرة عليه  بل وعلى كل المرضى،فذاك الجناح،مجرد باقة الورود لي كتقطفها ليه وتسقيها كل يوم،كيفرح لكنو كيكابر،و لانقولو كيخاف،من عواقب الفرح.
دخلات عليه وهو فغمرة تفكيرو فلقطات سعيدة،صادفت ابتسامتو الرائعة هللات وصفقات:
《-مرحى😁👏عادل كيبتسم هادي لحظة تاريخية.>
تفاجئ منها وماعرف مايدير حتى ديك الملامح العبوسة لي كيستقبلها بيها ديما تجلات ليه.>
ضحكات عليه وعلى حالة وجهو،ضحكتها الصافية خلاتو يسهى>
《-آسفة إلى صدعتك ماتؤاخذنيش،لكن بصح وجهك كيضحك هكدا،عندك ابتسامة غزالة عمري شت بحالها وكتخبيها؟علاش كتحاول تكون بغيض ها؟نتا ضريف،ماشي ضروري تعصبني باش نبعد،حيت ماغانديرهاش،غانبقى ديما هنا
(طبطبات على النموسية فجنبو،سهات شوية حتى لمح الحزن فملامحها ولكن دغيا بدلاتو
《:-هه،ماتديش عليا،هدشي ماكيعنيش بلي غانصدعك،لا حاشا،راه غي بغيت نفرحك وصفي.
[ولكن أنا مابينش نفرح،شكون قالها ليك؟واش طلبتك تعاونيني؟عافاك ديها فشغلك وخليني فحالي.]
《-لاماغانديرهاش هذا واجبي كممرضة》
.[-لاواجبك هو تعطني الدوا وخلاص،ماشي شغلك فنفسيتي].
《-لا،هداك واجب عملي،اناكندوي على واجب روحي ونفسي،انا ممرضة روحية》
سلتات ليه  بسمة من شفتيه لموقفها وكلامها:
[-نتي غريبة الاطوار!؟].
《-هه عارفة،وافتخر 😌.

-[إذا ماغاتبعديش مهما قلت؟].
(شافت فيه بنظرات غير مفهومة:
《-صح حتى تبغيني نكون هنا عاد ديك ساع غانبعد》
.(عادل ماستوعبش كلامها
-[شنو؟ كيفاش زعما؟].
(أمل ببشاشة:
《-لا ماتديش عليا☺المهم اني هنا دب،قولي عزيز عليك تقرا؟》
.[-آه،ولكن راك كتشوفي ماكاينش الجو المناسب ليها،ولا النفسية].
《-اوه نتا لي خليتي راسك هاكا،حزنك ويأسك واستسلامك هو السبب،كو كنتي كتحاول غاتكون سعيد وقنوع،كون وليتي بخير》