توالي المآسي

الجزء 13

ماحس تا جات فوجهو ونطقات هي والقط:
-ميااو.(حل عينيه مدهوش:
[-هادو نتوما،ههه،دبصاح كتشبهو لبعضياتكم،مشاغبين.
《-هه حبيتو وغانخليه معايا》
[-أه،مزيان إيوا تهلاي فيه]
《-أه غانتهلا فيه،ويكون حر  قادو،يتسارا ويدير مابغا،حتى لاماعجبوش الحال معايا يقدر يمشي.》
[وشكون يقدر يخليك ويمشي؟]
《-هه عندك الحق أنا لي غانخليه.》[علاش ياك بغيتي تربيه؟]
《-هه،ماتديش عليا.》
[-غريبة نتي دبصاح،صراحة معرفتش كيفاش قادر نصبر هنا(حقق فيها)ولكن بصح بيك قدرت نولف ونتأقلم]>
شافت فيه بخجل ودوزات يديها على القط حشمانة《-دكشي لي بغيت،شكرا》
[ماتشكريش هدا حق،بصك كنت قاسح فاللول ولكن ماشي بيدي..]
《بلاماتبرر،عارفة لي كاين(مدات ليه وردة)عربون لكلامك الزوين،وصداقة ياك؟》

خداه بين يديه وقربو منو بشوية كيشم عبقو،شاف فيها بعينين ملؤهم الإمتنان:
[-سلمت يديك على الورد الزوين،والنزهة المريحة،ولكن قوليليا واش معندكش شي خدمة ديريها،حيت كدوزي معظم الوقت معايا؟]
《-أوهوه،يعني مليتي مني،واخا،غانهز"سيزار"والورد ديالي ونتلاح من هنا.》(عادل تخربق)
[-لالا حاشا،ماشي هدا قصدي،غاخفت نعطلك على خدمتك.]
(أمل ضحكات)
《-أهاه،هه،هكاك،اوا سيدي ماتشغلش بالك،ماعندي خدمة،واش نقوليك واحد السر؟》
[-تفضلي هاني كنسمع]
《-أنا ماشي ممرضة هنا.》
[-شنو؟ييه؟وشنو كديري؟]
《-هه سر وحدآخر،مازال ماوصلات وقتو😁.》
[-نتي باينة شابعة ألغاز وأسرار]
《-ضروري فالدنيا كاين لي داخلو أسرار،و الخاصة،مهم،قادك تعرف بلي أنا من صغري كنتمنى نولي ممرضة،وملي جيت لهنا،قررت نحققو،والطاقم لي هنا وافقو،خصوصا حيت أنا متفانية فخدمتي،دكشي لاش كتشوفني ماكنديهاش فالشق الطبي،بقد ماكنهتم بالشق النفسي،كنبغي ندخل البسمة على وجوه الكل،كنتمنى لو نقد نزرع بذور السعادة والأمل فقلوب كل الناس.》
[-وهدشي نيت لي كديري،وغاتكملي.]
《-ياليت لو بالإمكان،الوقت قصير بزاف.》
[ماكاين باس،راك بقا صغيرة،والحياة قدامك طويلة وباقي عندك الوقت،باش ديري كل مابغيتي،وعلاش لا ترجعي حلمك حقيقة،قراي باش تولي ممرضة.]
《-ياليتو بالإمكان،للأسف ماشي كل مابغا الواحد كيتحقق》
[-شنو كتقصدي بكلامك]
《-ماتديش عليا،ها؟شتك گاع ماسولتيني على"سيزار"شكون يكون😁.》
[-بغيت نسولك نيت ولكن نسيت شكون هوا؟]