توالي المآسي

الجزء 19

[-واش كتمازحي؟]
《-هه ولاعليك،ماتديش عليا،عادل بغيت نطلب منك طلب ماحدك غادي غدا؟》
[-نتي آمريني تفضلي]
《-واخا تفكرني؟واخا تخلي لو ذكرى وحدة ليا؟وتفكر أيامك هنا بسعادة،عفاك》
[-صفي،بلا رجا،حيت فالأصل كل ذكراي وسعادتي،هنا معاك،كنتمنى لو نستمرو مع بعض]
《-سلمت متشكرة،هدشي كافيني》
[-عندي بزاف ما نقوليك،ومابيتش نمشي قبل مانقولو]
《-خلي كلشي من بعد،وعيش اللحظة صفي،ماتفكر فتاحاجة خرى،عيش يومك ليه فقط،ماتستذكرش البارح وماتفكرش بغدا،خلي هدي قاعدة عندك،باش تعيش بسلام》
[-حتى لو كانت مشاعر؟]
《-حتى لو،تا تجي فرصة تحويلها لحقيقة،ماكانت المشاعر جايبة نفع،لو ظلات فالصدور مكنونة خير من أنو تبوح بيها ويمشي أثرها،ودب يالاه ألمشاغب وقت الراحة،نعس》
[-كيما بغيتي غانطبق أمرك،مادامني فرعايتك،غير نخرح بسلام غدا ديك ساع غنكونو مقادين(غمزها)]
《-هه ياك،مزيان،غنشوفو،عموما إلى مشيتي بلا مانشوفك غدا،ديها فراسها بزاف》
[-واش من المعقول نمشي بلامانودعك،وبلا مانطمئن على ماماك،مستحيل طبعا،ماغانمشي تى دوز جراحة ماماك على خير]
《-بإذن الله سلمت،ودب غمض عينيك،هدا وقت قصة ماقبل النوم》>
استسلم ليها،ورقد ففراشو.
مافاق غير بمداعبات وجهو بريشة طائر،حل عينيه وباقي النعاس لاصق بأهدابو.
《-صباح الخير مرحبا بالنائم الحالم》>
جاوبها بصوت مبحوح:
[-صباحك ورد وزهر،طمنيني على ماماك؟دوزات العملية بسلام؟]
《-غي دب غدخل غرفة العمليات،دكشي لاش جيت نخبرك،وكدا نودعك》
[-راه قلتليك أني ماغانمشي بلابيك تأكدي]
《-هه نسيت،عموما ماتنساش توفي بوعدك ليا》
[-أكيد،يستحيل نكث بيه،تأكدي]
《-ودب غانودعك خصني نمشي》
[-تسناي نرافقك،ثواني فقط]>
قاطعاتو بإصرار:
《-لالا،رجع لنعاسك ماكاين لاش،مابيتش نصدعك،رجع لنعاسك،باش ماكان،غاتوصلك الخبار،وماتجادلش هدا أمر》
[-أمري لله واخا،غانديرها]
《-مزيان،حان وقت الرحيل،كن بخير عادل،الودااع》>
استمرات بالتلويح تاتوارات مورا الباب،ونفذ وعدو ليها ونعس،برغم كلشي،
ما فاقش إلا على صوت جلبة فالخارج،ماكيطرا هدشي فالعادة إلا عند الموت أو حالة حرجة،تفكر مامات أمل،فناض مزروب لغرفة العمليات،بلاعقل،بانليه جمع من الأطباء والممرضات،فسربى لعندهم،باش يستفسر عن
الحال،وتلقاليه الدكتور فؤاد بالعزاء.