توالي المآسي

الجزء الرابع

كان ممول الحفلات لي مكتحلاش بلابيه،دب عاد تأكد بلي ماكانش بالنسبة ليهم غا بنك متنقل وصفي،ياخدو منو مابغاو من الفلوس،ويمدحوه،
ياخسارة،هو لي فضلهم على أهلو لي هجرهم شحال،وحتى على عزيز،لي ديما كينصحو يبعد عليهم،
وكان ديما كيرد عليه{واصافي أصاحبي تانتا،ماتكونش معقد}،ديك الكلمة لي كيكنيوها عليه،دوك الصحاب،ملي شافوه مختلف عليهم،ماكيقربش منهم،
ندم دب بقد شعر راسو،تمنى غير يرجع الزمن لور،ماكانش غايوصلهم أبدا،وغايتبرى من كلشي،من غير حبابو،لكن لي مشا عمرو يرجع،هذي حقيقة ماقدرش يتقبلها،

بقا أشهر على ذاك الحال الكئيب.تالواحد الليلة،غايكون ناعس تايحس بشي حد كيحركو ويفيقو،حل عينيه مغوبش،بيما شاف ماماه واقفة حدا راسو نقز من بلاصتو>
-ماما،واش نتي ماما.
-آه أولدي ماماك هادي وها باباك تاهوا،وعزيز جاو يشوفوك(شاف باباه وعزيز)

[تانتوما،علاش خليتوني بوحدي،توحشتكم الله ياربي،شحال طلبت مولانا يرجعكم ليا،أو يديني ليكم أخيرا تستاجبات الدعوة ديالي،أنا فرحان مهما كان سواء رجعتو أو نتقلت لعندكم ماكيهمنيش،لي كيهم نتوما معايا،وغانبقاو ديما مجموعين للأبد،سمحوليا سمحوليا بزاف(نقز على يد ماماه باسها وباس راسها ونتاقل لباباه،وعنق صاحبو،وطاح حدا رجلين واليديه كيطلب السماحة،ويبكي بحرقة).

《الأم:-صفي أولدي هدا ماتقطعش قلبي.《الأب:مسامحينك دنيا وآخرة أولدي.
《عزيز:-وسعداتك أصاحبي بوالديك خصك تحمد ربي وتشكرو عليهم.《عادل:-مالكم واقفين؟أجيو تچلسو رتاحو وندير ليكم لي بغيتو غاآمرو.
《الأب:لا أولدي حنا خاصنا نمشيو.
(شاف فيهم بصدمة:
-شنو نتوما عاد جيتو وبيتمشيو أنا باقي گاع ماشبعت منكم حرام.

《الأم:-أولدي راه حنا ماشي بلاصتنا هادي،جينا غا نطمئنو عليك،حالك ماعاجبناش،وبصراحة حنا مقلقين منك.《عادل:علاش أماما،واش غضبتكم بشي حاجة؟ياك سامحتوني على فعالي؟.
《عزيز:إيوا بنظرك هدشي نيت لي كدير أصاحبي فعايل،آ؟ساد عليك ماشفتي ماتشوفتي،كاضن هادشي غايريحنا أو غاينفعك؟راك غاكتعذب راسك،نوض توگض،وحقق أهدافك وورينا بصاك بلي تبدلتي.
.(بقا كيسمع مذهول) 《الأب:آه أولدي،نتا خليتي أعمالنا فالشركة وتخبيتي فالدار،هادشي مايصلاحش،من ديما كنتمنى نشوفك معايا واقف تكون وريثي،نوض حقق ليا حلمي،وكون راجل.
.《الأم:خليونا نفتاخرو بيك أولدي.
[حل عينيه وهو كيشهق،الكلمات كتزنزن فودنيه،مد إيدي للكاس حداه شرب،للأسف كان غا حلم.