Tipsy Poetry

Nobody is Twisted

Sa parte na may hinihintay
Sekreto tinago kay itay
Masaya yan, ang akala nila
May lungkot na paparating, babala

Sa pintuang kabubukas lang
Sa taong takot maging matapang
Sa umaapak at naglalamang
Wag ipakita. Malamang

Sa huni ng pako
May babaeng hintay ay pangako
Sa iyak ng hangin
May lalaking naghihintay lambingin

Sa talon ng ulan
May batang naiwan kung saanman
Sa padyak ng kamay
May lola na matamlay

Sa ayaw ng sayaw
May ibong nasa ibabaw
Sa sigaw ng bote
May taong mahilig sa kabote

Sa takot ng lakad
May pusong nakalahad
Sa ingay ng kanta
May paparating na binata

Sa pihit ng bintana
May taong naghihintay ng sana
Sa wakas ng simula
May nakaupong tulala

Sa tahol ng aso
May nakatayong di marunong magloko
Sa pitik ng sapatos
Di akalain , walang tatapos