#اللعنة_الملكية_بقلم_كنانة_غميان
#الفصل_الثالث
الحلقة الخامسة والأربعون
😔😔😔😔😔😔
بهل الأثناء ....بالقصر
الدبور خلص شغلو ...وطلع من غرفتو ماشي بدو يطلع ...وبعيونوا يدور ع اللورد ....!!
الدبور : يا جورية ...وين اللورد !!؟
اللورد طلع من زمان من القصر قال عندو شغل مهم ....
وإذ بيطلع صوتها مستلمتو : شو !!!؟ رايح كمان اليوم ( مشيت جورية وراحت تاركة المكان )
أهلا مولاتي ميرام .....أي بدي روح ليش في مشكلة .!!
المشكلة أنك عم تغيب كتير عن القصر وهالشي ما بيناسبني !!
ما فهمت عليكي يا مولاتي ...
منصوص بالقانون لازم تكون مخلص ويكون ولائك للملك وبس
صحيح...للملك ...مو للملكة
ليكون مو عاجبك يا ابو عاصم !!
لا يا مولاتي ليش بقدر ما يعجبني !!؟ بس مافهمت شو بدك مني بالضبط
بدك تكون بالقصر وبس وتبيت كل أيامك هون ....
ليش شو اللي صاير
يعني....سمعت أنك عم تخونني وتروح من هون لأماكن مشبوهة وتتحالف مع أعدائي اللي بغير بلدان
هههههه مستحيل ..كيف بدي أعمل هيك شي يا مولاتي ....ما أنتي بتعرفيني أكتر من غيري
المشكلة يا أبو عاصم هالأيام ما بعرف بمين بدي أثق ....خاصة أنت ....يعني دفاترك القديمة سودااااا وفيها سمك الشحار كبير .....
يمكن كون هيك من زمان بس هلأ مو هيك
ممم وشو اللي تغير يعني ...قللي لأعرف
الدبور تلبك شوي : الأيام رح تثبتلك إني تغيرت ....ورح تشوفي ..بس لاتخلي أي حدا يوقع بيني وبينك يا مولاتي .....وأنتي بتعرفي كتير منيح إني مخلص إلك ....
منيح...لكن خليك هون !! وكذبني بكل أفكاري !!
ماشي ...بس رايح شوي ع المدينة بتعرفي عم يحتفلوا بقتل خونة البلد ....وأنا لازم اتفرج حتى ما يصير شغب ....وراجعلك عند الصبح ...ومن بعدها ما عاد اطلع بهل الليل بوعدك
ماشي ورح ألزمك بوعدك ....لا تتأخر ....عندي شغل كتير وبدي ياك تطلع عليه ...
حاضر ....عن أذنك ( طلع الدبور من القصر وهو عم يضحك على ميرام شايفها بعقل صغير ....وميرام عم تستنى بفارغ الصبر رجعتو ...عيونها المكارة بيحكوا حكاوي عجبة : لنشوف يا ابو عاصم ...أنا ولا أنت !!
😶😶😶😶
وبميتم الغابة
ضبت كحيلة غراضها ومشيت وصارت ع الباب مع باقي البنات .....
نفيخة وتميم واقفين قدامها ويعانقوها ويبكوا
