#اللعنة_الملكية_بقلم_كنانة_غميان
الحلقة الرابعة و السبعون
#الفصل_الثالث
وبقوة هوت أيدو ليمسك كتفها ....وكحيلة بتغمض عيونها بقوة ..وتفتحهم على مهلها بخوف ..بس قوت قلبها لتحط عينها بعينو ومهند بعينو القوية المليانة تحدي ...انقلبت ابتسامة غريبة وانفتح الباب !!!!
جورية شافت هالشوفة متفاجأة !!! ومهند بعد عنها بسرعة ...وكحيلة تلبكت
مهند : أحمم يلا طلعي وشوفي شغلك يا حوراء ...بسرعة
طلع مهند بسرعة ...وكحيلة وقفت بس بقوة ومسكت المخدات تنفضها !!!
جورية : وليه شو عم تعملي هون!!!
عم نظف غرفة الحرس ...قلت بساعدهم بالشغل هون !!!
جورية: أي وا ( وبدك ياني كذب عيوني ....) اي طلعي لبرا ولاعاد تفوتي لهون ممنوع
كحيلة : وأنتي ليش أجيتي لهون !!
أجيت لدور عليكي !!! السطل والممسحة فوق .....ومالقيلتك ...بس ماتوقعت لاقيكي هون ...لا وشو ...مع السيد مهند مرة وحدة
لاتحكي كلام طالع نازل ....أنتي فهمانة الموضوع غلط
لا !!! اي روحي ..روحي وشوفي شغلك فوق تحركي !!!
طلعت كحيلة قلبها رح يوقف من اللي صار .....لحظة بس ورح تعرف كل شي ....بس ما صار شي من اللي ببالها ....ورجعت لتمسح الكريدور الطويل وهي عم تفكر بإبتسامة مهند الغريبة !!!
أما جورية ماقدرت تخبي بقلبها وقربت لعند كرنبة: آه يا كرنبة لو تعرفي شو شفت
شو شفتي !!! احكيلي
قربت و وشوشتها وهديك انفلجت
كرنبة : عم تمزحي !!! مو معقول ..شو عم تقولي أنتي
عم قللك شفت بعيني ماحدا قللي !!!
كرنبة : العمى ...شو هالقصة هي ....ماتدرى الملكة شو رح تعمل !!
جورية : دخيلك نحنا ما دخلنا .....عملي حالك ما بتعرفي شي !!!
وعند المسا ...وعند العشا... ...وبعد ما خلصت كحيلة شغل بالقصر رح يطق ظهرها إلا شوي ....بتوقف عم تساعد بالسكب ....والهدوء غريب بنظرات كحيلة و مهند ......حتى لاحظت كرنبة هالشي وجورية كمان .....فتأكدو أكتر أنو في شي بين كحيلة و مهند !!!
ميرام: اي ....شو صار معكم اليوم يا جماعة خبروني
برهان : كل شي متل مابدك يا مولاتي ....بس بقي البناء للمنجنيقات والطابات الحديد ....
مهند : وأنا كمان دبرتلك كل أمور اللي بدك ياها لبناء السفن
ميرام: شو يا أبو عاصم !!! شايفتك ساكت !!
