#اللعنة_الملكية_بقلم_كنانة_غميان
#الفصل_الثالث
الحلقة الثامنة و الأربعون
وقعوا من الشلال لتحت ....وهي تحاول تطالع وجهها حتى تحاول تتنفس لأن ما بتعرف تسبح حتى ...ولا بحياتها قربت ع المي .....شعرها كللو ع وجهها وجريان الي عم ياخدها ويسحبها .....رح تغرق إلا شوي ....وبيجي الملثم ماسك أيدها : مسكت أيدك ......أنتي منيحة
كحيلة : كحححح كحححح
الملثم : لا تخافي ....أنا معك لساعدك...سبحي برجايكي وساعديني .....حتى نصل ع طرف النهر ....
كحيلة مالها مهرب أصلا غير تسمع الكلمة ...فسحبها من ايدها وهي تحاول ترفع راسها بهل المي ... حتى وصلوا فعلا .....وأديها أول ما دقوا بالأرض لقدامها بطرف النهر ...صارت تتنفس بسرعة تعبانة كتير وشعرها مغطيها ....وهو طلع لفوق ع الصفة معبى بالمي ....فقرب ملتفت لعندها ومد أيدو : يلا تعالي طلعي لفوق ...
كحيلة بوجهها اللئيم: شكرا ...بس بعرف أطلع لحالي ....( قربت بدها تنهض ترفع رجليها وأديها لفوق الأرض ...بس ما عرفت تطلع بنوب !!؟ وهو وقف يتفرج عليها .....وضب أديه على بعض ....ومن كتر المحاولات تعبت بزيادة وتتنفس بسرعة مو قدرانة تحط عينها بوجهه .فمدت أيدها مستسلمة : ...تساعدني ماعم بعرف أطلع !!!
قرب وشدها بأيديه التنتين ...وبظرف ثانية كانت كلها فوق المي ......
الملثم : هي مهمتي خلصت ...(فتركها ومشي لقدام ...وعطست من البرد ...بلشت اتكتك ...صرخت : استنى لوين رايح !!؟
شو بدك !!؟
قربت غضبانة وتحرك أديها بعصبية : أنت واحد مجنون ....كيف بتوقعني معك بالشلال من فوق لتحت !!؟ أنت فعلا متهور ...مالك مأدرك خطورة الموقف !!؟ .بتعرف لو في صخور تحت كنت متت هلأ ...يا أما انكسر فيني شي !!.ليش هيك عم تطلع فيني ...مو عاجبك ليكون ها !!؟ ...لك لوين رايح .!!؟ ماترد عليي !!؟ استنى عم بحكي معك
اندار عليها ببرود بس بصوتو اشيء من الغضب : بتعرفي أنك فسدتيلي محاولة لسرقة كنت عم خططلها من يومين ....
لااااا يعني الحق عليي هلأ !!؟
لكن الحق عليي !!؟ ....شو جابك ع المحل أنتي !!؟ وبكل وقاحة سحبتي المصاري مني كمان !!!؟
ههههه هدول....قصدك هدول ( طلعتهم ترقص الكيس بالهوا مجاكرتو)
هاتيهم
لاااا هدول حقي
حقك !!!؟ مممم قلتلي لكن ......وهلأ طالما المصاري معك وطالعتك من المي صاخ سليم بعتقد ما عاد بدك شي مني ...يا حرمية
إذا بتريد احترم نفسك أنا مالي حرمية
لاااا واللي عملتيه شو أسمو
