#اللعنة_الملكية_بقلم_كنانة_غميان
الحلقة الرابعة و الستون
#الفصل_الثالث
جواد : سامعين !!! في صوت ضرب !!؟
برهان : شكلها عم تاكول قتلة هالبنت جوا هههههه بتستاهل ....لوين رايح مهند !!؟ ما أكلنا لسى
مهند : تعبان شوي .....
برهان : بتكون مرضت من معاشرتك للمساجين اليوم .......
جواد : وأنا تعبان كمان ...استنى مهند جاية معك
برهان : لك وين تركتوني لحالي .....استنو جاية معكم ...لك تضربوا خليكم نسهر شوي
مهند وهو ع الباب المقهى صار برا: منأجلها لغير يوم ....يلا أمشو
طلعو الشباب من المقهى ...كل واحد براسو موال شكل ....حتى وصلوا للقصر ...وبالقصر ميرام منفوض بدنها عم تستنى مهند اللي بعتت ورا بالعاجل
مهند : خير مولاتي طالبتيني
رفعت بوجه الأوراق : شو هاد يا مهند !!؟
اوراق المساجين اللي طلعتهم من القصر يا مولاتي
ومين قللك اطلع السجين أفنان !!؟
أفنان !! ليش شبو !!؟
مالك شايف أن تهمتو خيانة عظمى للملك !!؟
صح...بس أنني قلتيلي أتصرف مع المساجين حسب مالي شايف ....وهالشخص شفتو ع حفة قبرو هو وكم شخص ...حتى مابعرف أنو هيك أسمو يا مولاتي !!؟
الدبور : شفتي أنك تسرعتي بأنك تعطيه هالورقة يا مولاتي
مهند : مولاتي ...أنا جاهز جبلك ياه ولو كان تحت طقاطيق الأرض
الدبور : شفناك وقت الخزنة ...ماطلع منك شي ...هلأ رح يطلع منك يا مهند !!
ميرام عم تسمع ومنفوص بدنها ع الخالص بدها تعرف شو بدو يعمل مهند
مهند : ومين قللك إني ما لقيتها يا سيدي الدبور
ميرام فتحت أذانها
الدبور : هاه ... يعني لقيتها يا فالح زمانك !!؟
ولو ....طبعا لقيتها ...
ميرام : وينها
الدبور : لحظة ...وليش ما حكيتلنا عنها من أول ما لقيتها يا مهند ...شو عم تستنى !!؟
مهند : سيدي الدبور ...الخزنة موجودة و لقيتها من اول يومين من البحث بس خفت ..
ميرام : من شو خفت يا مهند
من السرقة يا مولاتي ...عندك بالقصر في خونة كتير ...واللي مخبي الخزنة أكيد عرفان هالشي كتير منيح ....لهيك عندو حرص كبير يخبيها بمكان ما بيخطر للعفاريت الزرق
