#اللعنة_الملكية_بقلم_كنانة_غميان
الحلقة الثالثة و الستون
#الفصل_الثالث
وبعد أسبوع
وعند الصبح من بكير
بتقوم من النوم رعبتها تتنفس بسرعة حاطة أيدها ع قلبها و العرق صابب فيها سامعة صوت قوي جاية من برات غرفتها : حوراء ...يا حوراء ....وينك يا كسلانة ...وينك يا خمخومة النوم !!؟
كحيلة بتملل : بلشنا .....هاد أفظع كابوس ما كنت أصحى منو
وانفتح باب غرفتها تصرخ بوجهها : ما قمتي يا وجه النحس .....طول نهارك نوم نوم !!
كحيلة طالع خلقها : أي نوم وأي نهار لسى الشمس ما طلعت يا أم خراب...شبكي طولي بالم عليي
أم خراب : أي قومي قومي وبلا كترة حكي ...عنا شغل كتير اليوم ....خلصيني أحسن ما زت فوق راسك سطل وسخ وزبالة اللي متل وجهك هاد ...ما منك أي فائدة....من وقت ما شغلتك عندي وأنا منحوسة
كحيلة بدها تحكي مسمومة بس هادية وراها لأم خراب حطت أيدها ع تمها بمعنى اسكتي ولاحرف !!
كحيلة فهمت الرسالة وقامت من محلها تلبس الجزمة وتنفض عن وجهها
أم خراب شافت هادية ماشية قدامها :
أم خراب : شو !!؟ خلصتي شغل المطبخ وتحضيراتو أنتي التانية !!؟
تقريبا معلمتي .....
أم خراب : مممم منيح اللي أجيتي حتى تساعدي هالشرنة أم الخماخم وتعليمها باقي شغلها ....
كحيلة : حاجة تناديلي ام الخامخم أنا مو هيك
أم خراب: شوفي وليه حوراء ...شغلتك عندي بعد مية بوسة أيد وجل ....وهلأ بدك تعملي أي شي مو عاجبني ببساطة بطلعك من هون ....مو ناقصني أدفعلك على نومك وكسلك
بس أنا من وقت ما أحيت ماعم بهدى بالشغل وطلبات الزباين ماكنتي ترحميني لا بقعدة ولا بنومة ...وين العدل برأيك !!
مو عاجبك ...طلعي لقطي عيشك من الزبايل تحركي ...الحق عليي اللي وافقت أصلا ....تحركوا يلا اليوم عننا شغل وطبخ كتير منشان الزباين .....هففف يا ..(طلعت أم خراب من الغرفة وجهها يكب سمم:مو ناقصني غير هي حوراء تاخد وتعطي معي.....كنت قلعتك من زمان لو ما كنتي حلوة يا حوراء .....بس ع وجهك عم يجو الشباب لهون هههههه عم لقط عيشي الدبل من وراكي أنتي وهالكم بنت .....ههههه المهم أنا مصرياتي ما تقل ....عيشة بتقصف العمر )
قربت هادية لعند كحيلة : لك شبكي ....ما حللك تعرفي هالمخلوقة وطبعها ...لا تناقشيها ...من يومين أكلتي ضرب على جنابك منها ....ماحللك تتعلمي ....لك صحي وين كنتي يوميتها
قلتلك كنت عم جيب مي ...وين بدي روح ....بعدين قد ما ضربتني وعملت وساوت ...ما رح أعمل غير اللي براسي منيح هيك
هادية : هفففف عنيدة ....يا أمي شو عنيدة ...يعني بدك تشوهك أم خراب وتروحك دبلكة ....
كحيلة وقفت قدام المراية : ما بيطلعلها معي أي شي ....أنا بعرف حالي شو عم بعمل ....هالحياة اللي عايشتها كلها قرف وموت بالحياة ...نفسي عيش متل الماضي.... (سكتت )
هادية :أي ماضي دخلك !!
