#اللعنة_الملكية_بقلم_كنانة_غميان
الحلقة الثانية و الخمسون
#الفصل_الثالث
وبالقصر ...من بكير وبغرفة الحرس قام جواد من نوموا وعين برهان فيه
جواد يشد حالو : شبك !!؟ ليش هيك عم تبحلق !!
مافي شي ...بس مستغرب منك ....وين كنت مبارح بالليل !!؟ ماشفتك بالسرير!!! حتى حسيت علبك وأنت فايت من كم ساعة متل الحرمية ...وين كنت !!؟
كنت عم أتمشى ...ولا كمان لازم آخد أذنك برهان أفندي !!
غريبة ...بالعادة تنام بكير حتى تفيق بكير ....ومبارح وضعك كللو مو عاجبني ....
متل شو !!
يعني ...مدري وين كنت ...ولا وين عم تروح ....حتى لهجتك معي متغيرة .....لا وكمان هلأ عم تتأهر بالنوم وتسهر ....وليكك فايق متأخر
ليش أديش الساعة
لك صحينا وفطرنا...وأنت لهلأ ما قمت من مكانك ....نايم متل الأموات ....لوين رايح ما خلصت كلامي
بدي روح وأسقي الأحصنة ونظفها اليوم دوري فيهم .....ليش ما صحيتني !!؟
ماحبيت أزعجك
ممم ما حبيت تزعجني يعني هيك أحسن هلأ !!؟ ( راح جواد بسرعة لابس تيابو وراكض لعند الإسطبل مطنش عن كل أسئلة برهان المحيرة !! )
وجوات القصر ....
الملكة مع الدبور بإجتماع
الدبور : طلبتيني مولاتي !!؟
ميرام : أي في شي شاغل بالي يا أبو عاصم ....وماعم لاقيلو حلل
شو هو!!؟
المباريات بدها مصاري من الخزنة ....
اي وين المشكلة !!
أنت بتعرف أنو الخزنة ما فيها كتير مصاري .....
مافهمت أنا شو المطلوب مني
القصر فيه خزنة سرية مليانة ذهب وكنوز
شو هالحكي !!؟
متل ما عم قللك وسر هالخزنة ماحدا بيعرفوا غير إلياس ..
قصدك أخو الملك
تمام ...هو بعينو !!
ليش الملك ما بيعرف فينها !!؟
لا ....مابيعرف .....لهيك بدي تساعدني ونلاقي الخزنة السرية ....مدري فينها ...قلبت القصر كللو عليها ومالقيت شي ...ولا حتى بصيص نور ...قللي بشو عم تفكر !!؟
الخزنة مافيني لاقيها بيوم وليلة بدها وقت ...
شو يعني ...نحنا بدنا أموال
ليش أموال الضرايب ما بتكفي ...ولا أنتي حابة تعرفي وين الخزنة !!
الضرايب أكيد بتكفي .......والأكتر بدي أعرف مكان هالخزنة وين .....
