#اللعنة_الملكية_بقلم_كنانة_غميان
الحلقة الخمسون
#الفصل_الثالث
سيزار مشي لاحق الريحة لحتى وصل الكهف ...: شو صاير هون !!! الدخنة معبقة المكان كللو !!؟
دخل سيزار الكهف ...وشاف كحيلة قاعدة قدام النار ...وعم تلف بأيدها الخشب ...وداخل الخشب في لحم مشوي !! فنتبهتلو وهو متفاجأ واقف اول الكهف !!
أنت هون !!! ماحسيت عليك ...رعبتني ...لك احكي أي شي ...رح يوقف قلبي من الخوف
اي شبكي ...شبكي ...مين بدو يجي لهون غيري !!
شو بيعرفني !! ما توقعتك تجي لهون بهل السرعة ...ببالي ترجع للمسا ....
شو شابفك مصطادة !!
طبعا ....مصطادة ارنبين مدسمين
يا سلام ريحتهم بتشهي ...شو حاطة عليهم
لاففتهم بأعشاب برية !!!
يا عيني يا عيني ....( مد ايظو فصفقتو عليها بالعصاية الخشب )
اي ...أخ ...لك ليش هيك ضربتيني !!
وين جاية تمد ايدك ...رجاع لورا !!
بدي دوق
ممنوع !! بعدين مو ع أساس أنت رايح تشتري اكل من المدينة ...ولا شكلك مو آكل !!
لا أكلت ...أكلت ....
مو شكلك آكل ...عيونك رح تطلع ع الأرانب ...رجاع لورا أحسن ما أرتكب فيك جريمة
حوراؤ شبكي...قلت لحالي لدوق بس ...لأن ريحتهم كتير حلوة !!! دخليك بس شقفة
ابدا ...ولا لقمة روح من هون .....
هلأ هيك جزاتي بعد ما علمتك الصيد
ومين قلك آني استخدمت حركاتك بالصيد !!
ليش شلون اصطدتي !!
حفرت جورة ووقعتهم بمصيدة من شغلي !!
ممم ع كل حال شي ظريف ....( طرقت معدتو صوت وصل لعند كحيلة)
أنت شكلك مو آكل ....
أنا ......
يا ظالم ...بس تركتني ومشيت لحالي بهل الغابة
أنا باكول وبهضم بسرعة ...
اي واه ...قلتلي لكن
هلأ لا تحكي كتير ...هاتي شقفة عم قلك
مافي...روح اصطاد لحالك واشوي لحالك ....أنا مالي مسؤولة عنك
ماشي ...لكن اعتبري شراكتنا التغت ...يلا طلعي من هون ...الحق عليي مآويكي !
دقرت كحيلة : لك وكمان بمنية ...!!!
ما عجبك روحي من هون
هفففف طيب خودي هي أرنب ...خلصني
