#اللعنة_الملكية_بقلم_كنانة_غميان
الحلقة الثمانون
#الفصل_الثالث
وبهل اللحظة حست ميرام وسمعت صوت برا ....كأنو في خبط ع الباب فنأزت ميرام متدايقة كتير وماعادت قدرت تكمل شغلها اللي كلن على وشك أن يبدأ !!!
صرخت ميرام منرفزة وهي على وشك تعمل عملتها بوجه جورية مبعدة السكينة عن كحيلة : نزلي شوفي مين هاد الهمجي اللي عم يدق الباب ....بدي اعصروا عصر.....طلعي بسرعة وأنا طالعة معك ...بسرعة تحركي ...
كحيلة : نزليني بترجاكي نزليني حاسة بالدم عم يضخ براسي بلش يوجعني كتير !!!!!؟؟؟
ميرام بحدية : لا تترجيني لأني لسى ما بلشت شغلي معك ولا تخافي راجعتلك ياحلوة ....مابتأخر ....
طلعت ميرام وسكرت باب المراية وراها ....وكحيلة عم تلولح يمين ويسار على هالحبل وتتلفت حوليها !!! وتحاول تفك حالها بس ما قدرت يشتى الوسائل !!! وبلشت تحس بالأرض عم تدور حوليها ....حتى ماعادت حست على حدا وتصرخ : ساعدوني ....أنا هون .......يا ناس ....حدا يساعدني ......فكوني أنا هووون ( صرخت كتير وحاولت بكل طاقتها تعمل شي بس للأسف ما عادت حست ولا على شي .( وبعد ساعتين من المقاومة ) ...وبعيونها الزاغية حست على صريخ حوليها مدري شو عم يصير ......وفقدت وعيها ع الآخير واقعة ع الأرض والكل عم يركض ويحكي ...... )
وبتفتح عيونها الزاغية بالزور لتحس حالها بجو نهاري ...ومدري مين حوليها عم يناديلها !!!
كحيلة ...كحيلة ...أصحي يا كحيبة أنتي منيحة !!!؟
كحيلة براسها الدايخ تحاول تستوعب مين قدامها بس ما قدرت تعرف مازالت عيونها عم تشوش والصوت ماعم تميز لمين هو !!؟
يا جماعة تعالو شوفوا بلشت تصحصح ....كحيلة كحيلة أنتي منيحة اصحي يا حبيبتي أصحي !!!
كحيبة تهمهم و وجهها يدور يمين ويسار مو وعيانة منيح بس عم تسمع أصوات حوليها : ممممم مممممم
الممرضة : المسكينة ماعم تقدر تفتح وتستوعب اللي حوليها ...شكلها صرلها زمان وهي ع هالحالة .....
إلياس: منيح اللي لحقناها ...يخربيتها كان رح ترحها للبنت .....
الممرضة : أهدى يا إلياس .....البنت صرلها يومين غايبة عن الوعي ....أكيد رح تصحى بس بدها شوية وقت
وأجت المستشارة : اهدى يا إلياس حسب ما فهمت أنو كحيلة مررت بظروف كتير صعبة ...و ممكن يكون صايبها تدفق دم ع راسها وصابها بشلل حركي أو ممكن أدى هالشي لخلل بحكيها ..
إلياس: معقولة أنتي ...ولسى بدك ياني طول بالي !!!
الممرضة : بدها شوية وقت أهدى إلياس !!!
إلياس : عن أي وقت عم تحكي ....متخيلة كيف لقيناها ولا بأي منظر مو معقول اللي شفناه جوا .....!!؟؟ ماعم يستوعب عقلي كمية الإجرام عند هالمخلوقة ....ما رح يهدالي بال حتى شوفها عم تموت قدامي .....
