#اللعنة_الملكية_بقلم_كنانة_غميان
الحلقة الواحدة و الستون
#الفصل_الثالث
رجع الكل لرقص والفرفشة .....
برهان قرب يتفرج ع البنات ويرقصهم .....وجواد يتلفت حوليه لحتى يلاقي بنت يحاكيها ...وهالشي غص بقلب جورية ...حست حالها لعبة ...وبنفس الوقت مافي مجال للمقارنة بين خادمة وبنات الهوانم والطبقات الرفيعة ...تحاول تقنع حالها بحب جواد إلها
مهند قرب من الملكة ميرام بعد ما قعدت على عرشها ...وبعد شوية وقت من الصخب
ميرام : شبك يا مهند .....ماتروح وتشوف الصبايا وترقص معهم
مولاتي أنا من بعدك ما في بنت بتحلى بعيني !!
ههههه لاتكذب عليي وحاجتك لف ودوران
أنا !!! ليش يا مولاتي ...
لك شفتك عم ترقص مع هديك الصبية وأنا نازلة من الدرج !!
كنت عم ضيع وقتي بس ...والسيد ابو عاصم عم يدفشني لأرقص ....فتخذت هالخطوة ...مافي شي تاني ينحكى فيه ...
ميرام تفرك بأيدها: مممم ولو إني حسيتك مبسوط كتير بالرقص....لو تشوف ابتسامة وجهك كيف كانت
لا يغرك المظاهر يا مولاتي ...وبعدين أنا مبسوط لأنو كل شي حوليي احتفال إلي ...مابيحقلي مثلا ابتسم ولو تمثيل أو تجاوزا لأني صرت خادمك يا مولاتي
ههههه لسعتك عم تراوغ يا مهند ...حاجة تلف وتدور عليي
وقف مهند قدامها بكل قوة وانحنى ماسك أيدها : مولاتي ...
ميرام متفاجأة : شو بدك !!
لو تسمحيلي بهل الرقصة بكون أسعد شخص على وجه الأرض
ميرام قامت من محلها مادة أيدها ومشيت مع مهند قدام هالحشود ...وحلل الهدوء لثواني ...حتى تبتدي معزوفة جديدة ......وعيون التنين فيها جاذبية قوية ....وبلشت المعزوفة .....والتناغم رائع بين الملكة ومهند...حتى انبهار الحاضرين بروعة المنظر لا يوصف
كحيلة مسمومة وعم تهزز برجلها وسيزار جنبها ملاحظ توترها : شبكي حوراء!!
ولا شي ....شو بدو يكون فيني يعني !! شو هالملكة ماعندها حس بالمسؤولية .....!! الملك دخلتو ورجعتو متل شي قطعة أثرية عندها .....لك معقول ما حست بمشاعرو !!!
ماهية قالت إنها حاسة بمشاعرو
من شان الله وأنت صدقتها !!! ماعم صدق مشاعرها هي ...لك ....!! لوين رايح !!
بدي ارقص مع هديك الجميلة شوفي شو حلوين عيونها ....برجعلك لا تروحي !!
راح سيزار وهي رح اطق بأرضها: يعني عم يجابهني ولا شبو عم ينغصني ...شو هالحفلة هي !!! كيف بقى هيك...مو ع أساس ما بيعرف ترقص !!؟ كأنو نسي نحنا أصلا ليش أجينا !!! وين بدي روح بعدين ماعم لاقي شي محرز ينسرق حتى ؟؟
