#اللعنة_الملكية_بقلم_كنانة_غميان
الحلقة الثالثة و الخمسون
#الفصل_الثالث
وتاني يوم الصبح .......وعند البحيرة ...كحيلة من بكير تاركة من أديها كل شي وواقفة عم تدرب على ضرب الأسهم .....وإذ بيجي من بين الحشيش مطالع راسو ...وكحيلة بتصوب السهم عليه خايفة فكرتو شيء مرعب !!
جواد : مجنونة ...شو بدك تعملي !!؟ بعدي هالسلاح من وجهي !!؟
نزلت السلاح كحيلة : هاد أنت !!! فكرتك شي حيوان
أنا حيوان !
عم قول فكرت ...بعدين شو رجعك لهون!! شو بدك
أجيت شوف سيزار ...وينو !!
طلع سيزار مقرب لعندو : أهلا جواد ...ع موعدك والله ...كيفك يا صاحبي ...كيف المدينة !!؟
جواد : شو كيف المدينة النيا مقيومة قيامتها .....مالك دريان باللي صار....
سيزار : شو صار !! خير
جواد : لك اجى زلمة واحتال ع الكهنة و ( ضحك سيزار وكحيلة بتعرف بكل السيرة وضحكت معو وجواد يطلع بالتنين )
جواد حزت عيونوا شوي ولوء تمو : أي بقص ايدي إذا مو أنت ورا كل هالملعوب !!! صح
سيزار : اي أنا هههههه وهي حوراء ساعدتني كمان ....بس نا قلتلي شو رأيك بهل الضرب ...شغلة مو هيك !!
يحرء ديبك شو أنك فاصل ...لك ليش هيك ساويت !!؟
حتى وقفهم عن حدهم ..هالكهنة مفكرين ماحدا بيقدر يوقف بوجههم ....ما بتعرف أنو كل هالشي كذب بكذب ....واللي احتالوه ع البشر رجعلهم بنفس الإحتيال تبعهم .....المهم هلأ ...شو جابك ...في شي جديد
في كتير .....
استنى شوي( غمزو منشان ما يحكي ) ....صحي أنت فطرت شي !!؟
لا لسى
حلو كتير ...يا حوراء ...حطيلنا فطور كم بيضة مسلوقين ...مع خضرة ....
وليش !! بدك تخلص مني مرة تانية ماهيك !!؟
اي يا ستي ...في حديث بيني وبين رفيقي ...مابدك تروحي ...لروح أنا!!
لا خلص رايحة وجهزلك الفطور ...بس بعدين بدنا نكمل تدريب ها !!
اي أكيد ....جهزيلنا الفطور ها
ماشي ...(راحت كحيلة تحكي مع حالها : مع أنو ما فيها شي لو حكو قدامي !!؟ هفففف)
سيزار : اخيرا مشيت ....يلا احكيلي شو صار معك !!؟ دخلت لغرفة اللورد
جواد : طبعا ...يا سيدي دخلتلك فيها ...وبحبشت كتير لحتى لاقي شي محرز ....وبالآخير لقيتلك ( طلع من قلب جاكيتو) هالدفتر ...
مسك سيزار الدفتر : بيشبه المذكرات !! ما قرأتو
أبدا ..حتى ما قدرت ...برهان عينو عليي كل الوقت....فحطيتو مخبى بجاكيتي ...وليكو صار معك ....حسيتو مهم لأن مخبى بين غراض اللورد ....
