#اللعنة_الملكية_بقلم_كنانة_غميان
الحلقة الخامسة و السبعون
#الفصل_الثالث
طلع مهند حامل العشا لعند الملكة ......وحطو قدامها
ميرام : وين رايح يا مهند ...تعاال واقعد معي نتعشى سوا !!
مهند : اي ليش لأ ...أنا اللي بتعشى معك ....أحلى حلم بيتحقق معي ....
ميرام : هههههه اي قعود قعود .......
مهند : مولاتي في شي بدك تقوليلي ياه
بيعجبني فيك أنك بتفهم عليي بالومى
ولو يا مولاتي ....أنا بعرف من عيونك إذا بدك شي مني ولا لأ !!
شوف يا مهند ...بصراحة
أي قولي مولاتي
مهند أنا معجبة بشخصيتك كتير ....وبتمنى كون أنا وياك تحت سقف واحد
ياريت يا مولاتي
بس
بس شو !!
هلأ صح أنت رحت فتحتللي الخزنة ...بس أنا بقيان عندي طلب أخير لو بتنفذللي ياه ...رح أتزوجك من بعدها فورا !!!
عنجد !!!
طبعا عنجد
وشو هالطلب الأهم من الخزنة !!!
هالطلب مهم بالنسبة إلي وكتير
طيب أأمريني يا مولاتي ...بشو بقدر أخدمك !!
بدي بنات جواري حلوين يكونوا عندي هون بالقصر
بنات جواري حلوين !!!
اي ...وبدي تشفلي أحلى البنات ....وأنا بعدين بختار اللي بدي ياها منهم
إذا هيك بسيطة ....رح لاقيلك أحلى بنات المملكة وحيكونوا عندك بأقصى وقت ممكن ....بس ما فهمت شي لهلأ !!!
هالبنات الحلوة رح يساعدوني أعمل خطوات كيف حافظ على جمالي
كيف !!!
بدي آخد خصل من شعرهم وأعمل وصفات تناسبني .....
من شعرهم !!! معقول !!؟؟
طبعا معقول .....المهم يكونوا حلوين كتير
طيب يا مولاتي لو تسمحيلي بسؤال ...منين هالمعلومة !!
من الغجر ....لكن أنت كيف شايفني بهل الرونق كللو !!!
وعم قول لحالي شو سر جمالك يا مولاتي ....ع كل حال اعتبري هالموضوع مأمن وعم بشتغل عليه ....(قم من محللو ) شكرا ع العشا الرائع ....صار لازم روح ونام منشان بكرة بكير أصحى وشوف كيف بدنا نظبط أمونا وشفلك كيف التجهيزات للحرب
تمام ...وأنا بإنتظارك
تصبحي على خير يا روحي !!!
راح مهند لينام بس انشلش بقصة البنات وشعراتهم !!! شو السيرة ياترى !!؟؟ معقول
🙂🙂🙂
