#اللعنة_الملكية_بقلم_كنانة_غميان
الحلقة التاسعة و السبعون
#الفصل_الثالث
ما قدرت ميرات تصبر كتير حتى أجى نص الليل طالبة من جورية تحضر بهل الوقت بشكل سري ......وأجت لعندها ع الهسي ....
نعم مولاتي ليكني أجيت ع موعدي
ميرام: منيح اللي أجيتي ع وقتك سمعي ونفذي فقط
حاضر .....
...وميرام بشدة قوية : لا تقولي حاضر وتهزي متل الهبلة ... ....أنتي هون بتنفذي كل كلمة بقولها بالحرف ...وأي غلط منك رح أذبحك وما بدي أسمع أي كلمة او استفسار ....سمعتي ...بتنفذي وبس
ح ح حاضر مولاتي ......
ميرام مبسوطة كتير ...ودخلت لغرفتها الجوانية ومعها جورية لاحقتها ...وتفاجأت جورية لما شافت كحيلة ع السرير عندها بالغرفة!!! ....وضغطت ميؤام قدام جورية راس المراية وانفتحت قدامهم فجأة وطلع مبين درج قدامهم ورا المراية لفوق !!!
جورية بلعت ريقها : هي مو حوراء!!!
ميرام : اي هي .....وهلأ تحركي حاج لعي ...خديها بسرعة واسنديها والحقيني تحركي شبكي أجتك الجمدة !!!
ح ح حاضر
مشيت ميرام قدام جورية .....ورفعت عن وجه كحيلة اللي وجهها كلو شعرها نازل ع وجهها يا دوب عم تشوف وين هي والنوم مغطي عيونها يا دوب عم تشوف بهل الليل والضو الخافت !!! وتذكرت هالمكان ...وهالريحة !!؟
ميرام وقفت بمكان مغم ...وجورية معها كحيلة ....وربطت ميرام كحيلة رأسا على عقب لفوق بمساعدة جورية !!! ...وبمجرد ما خلصت شعلت كل الشموع اللي بالغرفة الموجودة مسبقا ليبين شبه مناظر مرعبة بالداخل!!!
كحيلة راسها لتحت داخت من هالمنظر وأديها مربطين : أنا وين !!! شو صاير هون !!!
ميرام : يا روحي لا تتحركي كتير حتى ما توتريني وتوتري نفسك بلا طعمة ماشي !!!؟
آه راسي ....نزليني من هون .....
هههه صعب يا روحي صعب ....
طب ليش هيك عم تعملي ...!!! شو بدك مني ...ليش هيك عملتي فيني واربطتيني بالمقلوب !! !!! تركيني ...نزليني أنا دايخة كتير وحاسة رح استفرغ
مسكت ميرام السكينة حدة طويلة وقربت جورية لعند كحيلة زايحة طنجرة حديد كبيرة وحاطتها من تحت راس كحيلة !!!
كحيلة ارتعبت : شو بدك تعمللي لسى فيني ....أنا خايفة ؟؟!!
لا تخافي .....مافي داعي تخافي
كيف ما بدي خاف بعد كل شي عملتيه !!!! شو بدك تساوي جاوبيني
هههه ولا شي !!! بس بدي أعمل منك وصفة جمالي يا حلوة
