#اللعنة_الملكية_بقلم_كنانة_غميان
#الفصل_الثالث
الحلقة السابعة و الأربعون
الشمس بلشت تشرق ع القصر ....وميرام بالدقيقة عم تستناه ليجي وتشوف ردة فعلو ....وأخيرا طل وشافتو من الشباك وبنظرتها التحمس الكبير ....بس استغربت اللورد لهلأ ما وصل !!!
فات الدبور لجوا ع القصر ...ودخل يستأذن ع غرفة ميرام ....فتحت ميرام الباب وهي تشد حالها على أساس فايقة من النوم : ابو عاصم !!! أهلا ....خير في شي !! ما فيك تستنى لأجي لعندك ....لسى الشمس ما طلعت مظبوط ...
الدبور: آسف ع الإزعاج ...بس في خبر جايبو معي ...خبر صاعق يمكن
شو في !! احكي ...
رحت مبارح بعد ما طلعت من القصر ....اتجهت للمدينة ...وهنيك شفت اللورد عم يلعب قمار مع شلة رجال مبين عليهم زعران
أنت شو عم تقول !!! قمار .....
اي قمار ...وأنا راقبتو من بعيد .....حتى دفع كل شي عندو ....وصار يتدين من الرجال نفسهم .....وبعدين وصل فيه الدين حتى ماعاد فيه يدفع ...وقام مهددهم أنو هو اللورد ...بس ما صدقوه ....ومسكوه قبل ما يهرب من المكان .....وأخدوه للغابة
أنت شو عم تحكي !!
متل ماعم قلك يا مولاتي .....أخدوه للغابة ....وهنيك ماعاد أعرف أصلهم بهل الليل ....ولا اي طريق أخدو ....وأنا لحقتهم ...بس ضاعوا مني ...حتى بعد شوية وقت ...لقيتو بس
بس شو !! ما تكمل
لقيتو مقيد لشجرة ومقطوع الراس
انفلجت ميرام بالخبر : شو يعني !! قتلوه
اي قتلوه ....وأنا آسف لأني عم أنقلك هالخبر القاسي ....بس أنا زعلان لأني ما قدرت أنقذوا وطالعو من الورطة اللي هو فيها
شو يعني هلأ ....اللي قتلوه هربوا !!
اي هربو .....وللأسف مابعرف وين راحو ....حتى راسو مو مبين !!!
مستحيل !!! طب وين جسمو !!؟
ليكو ...جبتو معي بالعرباية اللي برات القصر
ميرام مشيت مسرعة وهو لحقها ...ولما صارو عند العرباية ...فتح الدبور الباب : شوفي ....ليكو
ميرام مو مصدقة عيونها !!! ((( كيف هيك مات اللورد ...لك كيف هيك بيخدعني....نحنا اتفقنا يروح ويقتل حبيبة الدبور ويجيبلي راسها بصندوق .....حتى ينهز الدبور وتنكسر شوكته ....بس مالي شايفة صاير شي ...و...
الدبور : شو رأيك يا مولاتي!!
ميرام: نأزت ثواني : شو بدو يكون رأيي ....لازم تعمل حملة كبيرة وتلاقي قتلة اللورد حالا .....
حاضر .....بس ما بعتقد رح نلاقيهم يا مولاتي ....خاصة انهم مبينين من غير هالمملكة ....يعني رخ تكركبي حالك ع الفاضي
