#اللعنة_الملكية_بقلم_كنانة_غميان
الحلقة الثانية و الستون
#الفصل_الثالث
الملكة : شو صار يا جورية ....
جورية : الحرامي هرب يا مولاتي ....وطلعت وحدة بنت
الملكة : كمان !!! يا عيني عندي بقصري صاير سرقة وحرمية ...شو هاد اللي عم بيصير ...وينو أبو عاصم !
ما بعرف ...يمكت راح وراهم ليمسكوها .....
لازم يمسكوها ...وأعرف مين سمحلها تفوت أصلا ...شو هالتسيب اللي صاير هون ...مو طبيعي ........
جورية : مولاتي أهدي لو سمحتي منشان باقي الضيوف اللي بقيانين ....
الملكة قامت تحاول تلفلف الموضوع: يا جماعة ياريت تهدو شوي ...رجالي راحوا ورا الحرمية ورح يمسكوهم أكيد ....ياريت تهدو شوي
الضيوف كننو شوي ...بس الوتوتة مازالت موجودة .....
الملكة : يا جورية روحي بسرعة ع المطبخ وجيبي أفخم أنواع العصائر للضيوف اليوم حفلتنا ما لازم نخلي حدا يدايقنا فيها ...صح يا جماعة ....بصحة الجميع
توزعت ع الضيوف العصائر مع باقي المقبلات ....طبعا مع حراسة شديدة صارت أقوى من الأول ميرام تحاول تهدي من أعصابها ...ولمحت هديك البنت واقفة عم تبكي !!
ميرام نادت لجورية بأيدها : نعم مولاتي
روحي شوفيلي هالصغيرة شبها ....وين أهلها
مابعرف مولاتي ....رايحة شوفها .....شكلها مضيعة أهلها بهل العجقة !!
رايحت جورية وجابت البنت لعند الملكة: شبكي يا حلوة...ليش عم تبكي !!
البنت : بدي أمي ....ماعم لاقيها
أمك !!! إلما تجي وتشوفك وتاخدك لا تبكي ....شو عيونك حلوين ...معقولة تخليهم يدمعو يا عزيزتي !!! ....شو اسمك أنتي
ذهب يا مولاتي
شو حلو اسمك ولابقلك كتير ....
شكرا يا مولاتي الملكة.......شو حلو طوقك يا مولاتي ....
ميرام بإبتسامة شفافة : عجبك
ممم كتير ....
شلحتو ميرام : خديه ....
لا أنا مافيني آخدو ...هلأ بتضربني أمي ....
ميرام : هاد هدية مني ...لاتخافي ما رح تقدر أمك تعملك شي بوجودي.( قربت الأم لعند الملكة لما شافت بنتها عندها...وفاتت ببعضها ...)
الأم : بعتذر يا مولاتي لو سببتلك بنتي الإزعاج
ميرام : لا أبدا ...بس كيف هيك بتتركيها وبتروحي !!
ماتركتها ابدا....بس وقت اللي صارت السرقة والناس ركضت لبرات بوابة القصر ...فلتت أيدي منها ....وليكني أجيت آخدها يا مولاتي
