#اللعنة_الملكية_بقلم_كنانة_غميان
الحلقة الرابعة و الخمسون
#الفصل_الثالث
وأجى سيزار لعند كحيلة وهي عم تستنى والفطور جاهز !
كحيلة : شو وينو صاحبك !! مالي شايفتو معك
راح ...قال مستعجل وأنا ما حبيت اكسفو و رك عليه ....
ما حبيت تكرك عليه ....ولا في شي ....
شو بدو يكون في يعني ....!!! يلا قعدي خلينا ناكول ....أنا جعت كتير ....وما تنسي عنا تدريب أكتر
يعني ما بدك تقللي شو كان بدو منك !!!!
مافي شي ...بعدين مو شغلك شو في بيني وبينو ...حاج تسألي !!
ماخطرلك أنو ممكن أتنصت عليكم !!
ههههه كنت حسيت عليكي ...حتخافي عليي ست حوراء !!
هففففف اي يقول مابدو يفطر ...كنت ما عملت حسابو ....شو انو واحد غليظ ....
ههههه اي تعي تعي ناكول وحاجتك حكي وحشرنة ست حشورة .....
قعدت كحيلة تفطر مع سيزار ...وهداك متل اللي بالع الموس ع الحدين.....قرفص ووقع منو دفتر مذكرات كاميليا ع الأرض من جاكيتو وإذ بتلمحو : شو هاد اللي وقع منك !!؟ شكلو دفتر !!
قربت بدها تمسكو ...بس سحبو سيزار بسرعة ورجعو لقلب جوات جاكيتو بلهفة
هاد !!! اي دفتر ...صح هاد دفتر جواد ...نسيت رجعلو ياه
شبك تكركبت كأنك شفت بعبع ...هات لشوفوا شوي
لا اصحك تقربي !!!
شبك هيك ارتعبت !!
لا ابدا بس قصدي أنو هاد دفتر رفيقي ونسيه معي ....( شو هالورطة هي )
اي طزل بالك مابدها كل هالفورة ...شو صرلك نأزت فرد مرة ....اصلا ما بيهمني رفيقك ولا غرتضو بس على ما أفهم هو شو جابو لهون ...على علمي أنك لحالك ومابدك حدا !!! منين طلع فجأة
هو رفيقي من زمان بس فرقنا الزمن ....وهلأ رجعنا تلاقينا ...هي كل القصة ....
ممم بس هيك
اي بس ...شو بدو يكون في يعني ....بس بتعرفي ....رجعني لورا شي عشر سنين ....وعم استرجع ذاكرتي معو
نيالك !!
ع شو
أنو إلك رفيق تحاكيه ع الأقل أنا صفيانة بلا حدا.....آه بس
طولي بالك حوراء ...شو صرلك رح تقلبيها نكد هلأ ....
نكد !!! بتعرف أنو هلأ أنا وحدانية وعايشة صفيانة بلا حدا كأني نحس على كل مين بمر فيني ...لك تسببت بكتير بؤس لكل اللي بحبهم ....ويختفوا من بعد ما أتعرف عليهم بفترة
